artykuly-Czëcé
Losowe zdjęcie
Wschód słońca nad Zatoką Gdańską
Pomerania
Wygląd strony

(2 skórki)
Czëcé
Author: Stanisław Geppert (sgeppert at nigdzie dot eu)
Published: 09.03.2005
Rating 10.00
Votes: 1
Read: 2472 times
Article Size: 1.41 KB

Printer Friendly Page Tell a Friend

Nuty

Czëcé



Ptôszczi spiéwią, chrochce żaba
Zgrzébiã zarzi, szczeknie tósz
to nôtëra dôżnô sprawia,
że je czëjesz, że je znôsz
Ùszë tuwò są pòmògłé
w czëcym różnëch zwãków, mòwë
Czasã môłé, tej sej wikszé
Rôz jak żôdżiel- blëżi głowë

Czedë zdrokù ju nie sygô
Abò ùszë drzémią téż
Tedë, drëchù przënôlégô
ùżëc rãków. Jak? Kò wiész!
Rãką chãtno cos pòmaklôsz
Statczi, abò jinszą rzecz
Òbrôz farwny w głowie flot môsz
Sztôłt "òd rãczi" mòżesz miec

Czëcé czasã przińdze z cknieniô-
Tam sam wôżny zachtny nos
A w całoscë, czej na blace
cos sã pôli, żôli cos
To za sprawą prawie nosa
retac mòżesz swój dobëtk
Czedë w lëfce czëc ce dô sã
zôpôch ògnia- nëkôsz wnet.

Leno jedno òstnie czëcé,
chtërno samò rządzy sã
Òkróm jinëch, je wseczëcé-
z gòrzu jaż pò miłotã
Serce pierszé skrzëpczi graje-
Dôwô wskôzë lubny spiéwie
Na to czëcé kòżdi żdaje.
Czej sã kòchô- żëc tej lżi je!


Kalisz, 18 stëcznika 2004 rokù


Nuty
Hits: 702 File Size: 5.76 KB
No description for file.
Uploaded: 2004/4/9


1 2 3 4 5 6 7 8 9 10
Komentarze wyrażają poglądy ich autorów. Administrator serwisu nie odpowiada za treści w nich zawarte.
Wyróżnienia
Medal Stolema 2005   Open Directory Cool Site   Skra Ormuzdowa 2002