Do Betlejem z Kaszëb pòszlë delegatë - kolęda

Date:  13.12.2004
Section: Zapis muzyki
Do Betlejem z Kaszëb pòszlë delegatë

Jan Karnowski
Do Betlejem z Kaszëb pòszlë delegatë - nuty


Do Betlejem z Kaszëb pòszlë delegatë
Mielë pełen kazub i wòrek czubati
A w nich bëlë darë Panu na òfiarã,
Hej kòlãda, kòlãda!

Bëlë tam gazétczi i wszëtczé dodatczi
W miészkù mnodżé dëtczi na wszôlczé wëdatczi
I na przësmak wszôlczi chléba bez òsełczi,
Hej kòlãda, kòlãda!

Do Betlejem przëszlë srodze zmòrdowòny
Bò złômalë diszlã, pòstradalë sanie
Przëstąpilë proga, pòchwôlëlë Bòga,
Hej kòlãda, kòlãda!

Hej Jezuskù môłi, co tak biednie lezisz,
chòca wiéczi całé Galileji wiérzisz
A tam w Galileje zëmny wiater wieje
Hej kòlãda, kòlãda!

A ù nas to lëdze nié znają nick zdradë,
Miôłbës co dzéń slédze i klóséczczi z brzadem
Spôłbës na pierzënie a nié rogòżënie,
Hej kòlãda, kòlãda!

Pò tim przemòwiéniu rozłożelë darë,
"Dzénnik" do czëtaniô i pieniążków miarã,
A bòchenk w nôsëpie złożelë przë krëpie,
Hej, kólãda, kòlãda!

Téj Jezusek môłi mòcno głową krãcëł,
Aże bëł ju smiałi, darë jich odtrącëł
- Nié są dlô Jezëska, wezta dlô biéduska,
Hej kòlãda, kòlãda!

Më doch z Kaszubëji strzeżem Pòlsczi granic,
Chòc ti z Galileji mają naju za nic
A tą naju stróżą mnożim chwôłã Bòżą
Hej kòlãda, kòlãda!

"Gazétë nieé czëtóm - Jezësek òdpòwie -
I sã waju pëtóm, czë tam prôwda stoji?
Ta òmóna swiata wënalôzczém czarta!"
Hej, kòlãda, kòlãda!

"Za pieniążczi waju czëstô loterëjô,
Dzysô jakbës w raju, witro z gòłą szëją.
Za taką walutã nié dostóniesz buta!"
Hej kòlãda, kòlãda!

"Waju chlébk jô znajã - i gò rãką głaszcze -
Ale mnie ù waju wnet z niégò wëwłôszczą.
Wszëtczi waju darë nié są mòji miarë..."
Hej, kòlãda, kòlãda!

"Hej, Kaszëbi mili, jeden dôr jô proszã,
Bò jô kòżdi chwili do waju sã noszã:
Na dzyszészé Gòdë chòc kropelkã zgòdë!"
Hej, kòlãda, kòlãda!



Jan Karnowski był jednym z liderów Towarzystwa Młodokaszubów, środowiska podtrzymującego kaszubską tożsamość na początku XX wieku. Powyższa kolęda wykorzystuje znany w ludowej twórczości motyw odrzucenia Jezusa przez rodaków. Nazywanie kraju Jezusa Galileą nawiązuje do powszechnego na Kaszubach w okresie międzywojennym, poczucia zdominownia przez "Kongresowiaków i Galileuszy". Na tej bazie zbudowana jest satyra na kaszubską rzeczywistość w początkach II Rzeczypospolitej. Zwrotka mówiąca o słabej wartości pieniądza pozwala datować kolędę na czas przed reformą Grabskiego w 1923 r., gdy marka polska traciła na wartości już nie z dnia na dzień, a z godziny na godzinę.
This article comes from Nasze Kaszuby
http://naszekaszuby.pl

The URL for this article is:
http://naszekaszuby.pl/modules/artykuly/article.php?articleid=126

Copyright (c) 2024 by Nasze Kaszuby