sł. A. Majkowski mel. S. Geppert Posłuchaj (MIDI)
Ga Łeba mdze na Sorbskô szła A z Chołmù piesniô zgodë gra Ku wschodu tu, na zôchod tam, Pò biôłi Hél, pò Stopny Kam.
Ga bãdze w gardła dwòje rzék Òkrãt z chorągwią Gryfa biég, A jémù pòzdrowienié słôł Ògnistim òkã Rewekôł.
Ga òtroczi Weletów mdą Strzec ògni, chtërnë z grobów żglą A te jak duna rozdmną sã W płom òd Mòtławë jaż pò Wkrã
Téj sprôwdzy sã kaszëbsczi mit Téj wzniese ksążã Grifa szczyt A przesągalë w jégò znam Mdą z Hélë jaż pò Stopny Kam.
Pieśń Sławiny, córki ostatniego z rodu Młotk-Sarbskich ("Żëcé i przigodë Remusa" t. III)
|