Leno słowôrz Ramùłda pòdôwô pisënk ze szwą. Gòłąbk nie pòdôwô tegò słowa, a Trepczik pisze – Stolem. Jem przëzdrzół rozmajite ksążczi, w wikszoscë dlô dzecy, a i naszô „Pòmeraniô” - chòcbë slédnô, wiarã przëjął sã pisënk „Stolem”. A co pòdôwô słowôrz Zëchtë?

Karnowsczi, Majkòwsczi - 'stolim' (pòłniowòpòmòrsczi dialecht)
Ramułt, Cenôwa, Derdowsczi - 'stolëm'
Zëchta -'stolem', 'sztolem'
Labùda - 'stolem'

Jô dajã zó: "Frazeologia kaszubska a wierzenia" Jerë Trédra


Jô dajã so môłi pôlc ùrznąc, jëż to richrtich winno bëc 'stolëm', a 'stolem' je felą; bò starokaszëbsczi 'i' zmieniwało sã we 'ë', a nie we 'e'; pòłniowòpòmòrsczémù 'i' òdpòwiôdô 'ë', a nie 'e'.

Pôłnié (Zuda): 'dicht', 'frisztik', 'list', 'zdrzic', 'dzelic'
Pólnoc (Norda): 'dëcht', 'frisztëk', 'lëst', 'zdrzëc', 'dzelëc'

"Czéj jedna òwca òbarchnieje, téj wszëtczé za nią barchnieją"

Prôwdac Darkù - môsz rëcht. Jes pòdół tëli zdrojów, że ò tim ni mô co dali pisac. Jem przëkònóny, że nót je pisac stolëm. Na tim przitrofkù je widzec, jak baro feleje jistnych reglów kaszëbsczigò pisenkù.

slowk