W zalë tëchómsczi Òleńczi òdbëło sã zéńdzenié, na chtërnym bëłë spiéwóné rozmajité kòlãdë ze spiéwarzka, z 66 piesniama, przëszëkòwónégò bez Tómka Fópkã.
Mùzykã zagwësnił Karól Krefta, jaczi baro, baro, baro bëlno grôł na akordionie, i stôré dokazë mùzyczné, i nowé, w tim swòje i Fópczi. Tómk F. czerowôł spiéwanim, pòdôwôł melodiã, spiéwôł jak to spiéwôk, i jak wiedno... czarzëł.
Òdwitac sã z kòlãdą przëjachało kòl 70 sztëk lëdzy. Snôżo spiéwającëch. Bëlë tam nôleżnicë dwùch chùrów: Strzelenka i Kaszubki (z Tëchómia i Chwaszczëna) w gromadze ze swòjima familiama.