Forum
 Strona główna forum Sprawë
Wiérztczi do smiéchù II |
| | Od najnowszych | Poprzedni wątek | Następny wątek | Koniec |
| Nadawca | Wątek |
|---|---|
| Belok |
wysłane dnia:
16.2.2007 22:24
|
Nie mogę oderwać się od tej strony!   Zarejestrowany: 21.3.2004 z: Pëlckòwò Wiadomości: 295 |
Wiérztczi do smiéchù II Anka
Anka brzëdkô jak noc bëła Krzëwé szpérë òna mia Krótczi wid, w òczach strit Ë klapiasté ùszka dwa Ref. Co za szpòrt, co za wic To jaż nie do wiarë Anka brzëdkô jak noc bëła Ale… mia hektarë Sëtą rzëc, wiôldżi cëc W gãbie krzëwé zãbë dwa Głos jak kùr, mòc jak tur Slôdë òna pùczel mia Ref. Co za szpòrt, co za wic… W chléwie mia pruchë dwa Gùlôczów jaż dwasta Lasë sztëk, łączi flëk Dëtków całą kastã Ref. Co za szpòrt, co za wic… Tóna, Rómk, Frãc a Tómk Jak bùloszczi cknelë Dzéń a noc, noc a dzéń Do ni wrëjarzëlë Ref. Co za szpòrt, co za wic… Chòce brzëdkô Anka bëła To jaż nie do wiarë Pëszny Tóna Ankã dostôł Ë Anczi… hektarë! Ref. Co za szpòrt, co za wic…
|
| bcirocka |
wysłane dnia:
16.2.2007 22:56
|
Nie mogę oderwać się od tej strony!  Zarejestrowany: 10.12.2004 z: Przodkowo Wiadomości: 530 |
Re: Wiérztczi do smiéchù II Mnie to nie śmieszy :(
|
| Belok |
wysłane dnia:
16.2.2007 23:04
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù II Në cëż... Ò chlopach téż cos napiszã
|
| Belok |
wysłane dnia:
16.2.2007 23:07
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù II - Kaszëbskô gôdka Kaszëbskô gôdka
Kaszëbskô gôdka je baro pësznô Në bò: „Co wies, to jinszô piesń” Niejedny mówią, drëdżi gôdają Tamti zôs kôrbią, a ti plëstają Tu bómë roscą, a tam drzéwiãta Nierôz są czipczi, a czasã kùrczãta Jedny na frisztëk jedzą prażnicã Kòl jinëch zwie sã to jajecznica Kaszëbi z pôłniô na òbiôd czekają Zôs ti na nordze na pôłnié żdają Bëlôcë rôd lubią wëmawiac „l” Dze wszëtcë jinszi gôdają zwãk „ł” Chòc czasã jeden z drëdżégò sã smieje Kaszëb Kaszëba wiedno zrozmieje!
|
| Belok |
wysłane dnia:
25.2.2007 18:57
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù II - Cëzé jãzëczi Cëzé jãzëczi
„Ùcze sã cëzëch jãzëków!” – Tak codzéń mie w szkòle gôdalë „Ruskij jazyk – charoszyj jazyk” Stąd znajã „spasiba” ë „Tanie” Pózni „dojcz szprechnym” „gut morgiem” Germańcë mie chcelë zaznobic Rechòwac na pôlcach „kajn problem” Rozmiejã téż „hende hoch” zrobic Anielsczi móm kąsk pòszmakóné „Fenkju” a „sory” rôd „spiknã” Nawetka „heloł” ë „fa…ju” Z dobrim akceńtã zakrziknã Jitalsczi, francësczi a chińsczi Wnetk kòżden jãzëk je letczi Blós klopòt sã tedë zaczinô Jak przińdze w nima do gôdczi
|
| Belok |
wysłane dnia:
10.3.2007 11:58
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù II - Jesce, jes, jesta Jesce, jes, jesta
Czej chcész do starszégò człowieka co rzec Tej pëszno do niegò gôdôj przez „wë” Wë jesce, wë jédzce, wë pijce, wë dôjce Sadnijce, wzérôjce, gôdôjce a pòjce, Do swòji drëszczi nie rzeczesz ju „wë” Ji mòżesz spòkójno gadac na „të” Të jes, të jédz, të pij, të dôj Sadnij, wzérôj, gôdôj ë pòj Drëchòwie a drëszczi – to wielnô lëczba Nie sromôj sã do nich gadac przez „wa” Wa jesta, wa jédzta, wa pijta, wa dôjta Sadnijta, wzérôjta, gôdôjta a pòjta
|
| Belok |
wysłane dnia:
10.6.2007 14:53
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù II - Jesce, jes, jesta Tobaka
„Dobrô je tobaczka…” spiéwôł Ksawer młąc tobakã a że miôł òn dobri szmak piesniã spiéwôł w ritmie RAP: „Krãc sã krãc, krãc sã wkół Të jes elektriczny wół Mëlión krãcków na minutã Z młika dô tobaczną szrótã Fejn ékbabą doprawionô Szpirtã fëste òbwònionô Mdze tobaczka jak nen miód Richtisz ekspòrtowi cud!” … Chcôł Ksawerek fejn zarobic Le mònopòl to państwòwi! W sądze wszëtcë zażiwalë Dowód winë rôd szmakalë Sãdza w knérã wcygającë Dôł Ksawrowi trzë miesące
|
| Belok |
wysłane dnia:
20.9.2007 23:36
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù II - Jesce, jes, jesta Scyrz
Tuwò je scyrz pògrzebóny – Czuł jem sedzącë na grzëpie A negò scyrza szczekanié W niemiecczi Òwczarka gôdce Do dzysô hòlëje mie w łepie Złoto Nie wszëtkò złoto, co mô blãk – Z czôrcym ùsmiéchã rzekł ksądz A krótkò przed szlubã Radzył òn nóm Złoté òbrączczi Z pôlców zdjąc Nôdzeja Zelony nôdzeji farwą – Chłopòwi Éwka rzekła A czej lubòtno Òn do ni cknął Òna lëstową Sëkniã zeblôkła Klénotë Białka z wòza, kònióm lżi – Smiôł sã ùżarti chłop A tak nieszczestlëwie Z kòzła spôdł Że jegò klénotë Mùszôł zjesc kòt
|
| Belok |
wysłane dnia:
28.9.2007 23:11
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù II - remònt Remònt
Nie taczi pùrtk straszny, jak go malëją – Czôrcy artista niebò pãdzlowôł A diôblą skórã Szpérë ë rodżi Na czas remòntë Pòd zemią schòwôł Król Góra mësz ùrodzëła – Pizgòlëł ùrzasłi szur A wtim strachlëwi Ùczëł òn głos Të sã nie jiszczë Të jes nasz król Zwësk Rëbóm wòda, lëdzóm zgòda – Pòsélc w jadro wpôdł A môłi pòmùchel Czëjącë zwësk Na mòrsczi bôt Wskòknął rôd
|
| Belok |
wysłane dnia:
11.10.2007 17:11
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù II - tëpa Tëpa
Dwaji chłopi na drągù nioslë – Czuł Jónk żoków szukającë A welech pùrtôk Pòd tëpą je krëł Na drągù bùszno Jak graf sedzącë Piôrd Mni wiész, dali mdzesz – Tak krajã prezydent rządzëł A niewiedzącë dze jidze Jak piôrd Pò bùksach Wcyg błądzëł
|
| (1) 2 » | |
| | Od najnowszych | Poprzedni wątek | Następny wątek | Top |
Wyróżnienia
Rozpowszechnianie materiałów zamieszczonych w portalu naszekaszuby.pl jest dozwolne z zachowaniem warunków korzystania z treści.
Użycie wykraczające poza te warunki jest zabronione bez pisemnej zgody stowarzyszenia Kaszëbskô Jednota. Naruszenie tych zasad jest łamaniem prawa.
Wszystkie prawa zastrzeżone. Stowarzyszenie Kaszëbskô Jednota 2001-2024
¤ Regulamin ¤ O Portalu ¤ Kontakt