Forum : Nasze Kaszuby

Użytkownik: Hasło:
Zarejestruj Przypomnij hasło

Forum

Losowe zdjęcie

Pomerania

nr 12/12 poprzednie

Wygląd strony

Strona główna forum

Sprawë

Wëlôc galã...

| Od najnowszych

Poprzedni wątek | Następny wątek | Koniec

Nadawca	Wątek
fopke	wysłane dnia: 1.11.2004 14:40
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Widzbë zażiwajka Nié tobaką, nié wònią kwiatów, nié białogłowską parfimą- leno prochã ze stłëkłi lëstopadnikòwim wiéwã ùrnë- zacygnął jem sã... Głãbòk, do bëna swòjégò „jô”, do greńcë dëszë i serca, pòdług bicô chtërnégò wanożą rãdé mëslë... Òbdôł jem sã, wëzwòlił z dôczi wątpieniô, przëchłoscył do żëcô i sôrknął jem: Widzã i czëjã... Swiãtopôłka twôrz i Damroczi głos... Gòscy, co niechãtno wstôjelë òd stołu: Òlafa òd pòkrzesnika, Wolfgãga òd pòdpôłnika i pôłniô, òd pòdwieczórka- Józefa Wisariónowicza... A wieczerzã jesz jiny wcyg żwią... Nëże! W drëgą dzurã! Kaszëbskô Karczma. „Dzysô bédëjemë zjestkù: - Czôrné zajiczé pòdniebia na słodkò - Jãzëk zgnilca w pòlaszącym zósu - Dëbeltowi klops z pò kaszëbskù do dzecy doma gôdaniô - Serce Grifa- pòwikszony zestôwk” Resztã lëdzczégò pichù wdichóm- szarpie mie wiater przińdotë… W radio pùszczają hëc-listã: -Hewò nowinë: òstro w górã jidze „Zemia rodnô” Trepczika! -Dzérzkò trzimią sã „Kaszëbsczé jezora” w wëkònanim Michôła Dżeksóna, krótkò z tëłu hip-hop „Trzë krze na rzmie”! -Mòckò spôdł szladżer diskò-pòlo „Tam, dze z wisznią tobaczera”. -Za sztót, z Kaszëbsczi Nôrodny Operë w Gduńsku transmitowónô mdze mùzycznô bôjka dlô dzecy „Ò Kazmierzu, co nie chcôł jãzëka...” -A terô wiodro: - Nad wszëtczima Kaszëbama słuńce... Tómk Fópka Chwaszczëno, 1 lëstopadnika 2004 rokù, gòdz. 13.10 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 10.11.2004 23:14
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Lëtanijka do kaszëbsczégò jãzëka Czej „ùczałi” jaczis wgadac cos sã starô- biôj mie précz niekaro, z twòją pòlską gwarą! Czej kùreszce czëc, że na to ju nie zgarôsz- biôj mie précz niekaro, z twòją pòlską gwarą! Czedë dwùch ùczałëch ò tim pleszcze narôz- biôj mie précz niekaro, z twòją pòlską gwarą! Czej ò tim gôdanié kąsk za długò warô- biôj mie précz niekaro, z twòją pòlską gwarą! Czej ju trzech ùczałëch przekònónëch baro- biôj mie précz niekaro, z twòją pòlską gwarą! Czedë argùmeńtë mést sã skùńczą zarô- biôj mie précz niekaro, z twòją pòlską gwarą! Tima, co w Warszawie lëchò nóm sã sprawią- biôj mie précz niekaro, z twòją pòlską gwarą! Czej ju mëslisz, że z tim przespac bë sã dało- biôj mie précz niekaro, z twòją pòlską gwarą! Zafeflotôł Remùs nad ksążk fùlną karą- biôj mie précz niekaro, z twòją pòlską gwarą! Czej ju gôdką żódną nie przekònôsz miarą- biôj mie précz niekaro, z twòją pòlską gwarą! Czedë dzywnô wiérzta, rim nie ten, tej dało- biôj mie précz niekaro, z twòją pòlską gwarą! Tómk Fópka Chwaszczëno, 10 lëstopadnika 2004 rokù, gòdz. 22.12 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 14.11.2004 7:46
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Pòjce, Panie... Hewò jidze nasz Pón Czëc ju są Bòżé Kroczi... Wnetka przińdze dac nóm Niebną drogã òbôczëc... Pòjce, Panie... Spieszi, chòcô nad Nim Wiszą ju czôrné blónë... Naszëch grzészësków pich W dôce swiat mô schòwóné... Pòjce, Panie... Krziża tacy sã céń Czekô lud na zbawienié... Przërëchtowóny kùmk Jegò żdże Narodzeniô... Pòjce, Panie... Tómk Fópka Chwaszczëno, 14. lëstopadnika 2004 rokù, gòdz. 6.35 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 20.11.2004 22:11
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Akcjô „Zëma” Przëkrił smiotã zemsczé gònë Nen Nôwëższi, Pón nad Pónë... Zwònią w daczi mrozu zwònë... Rutë w kwiatë malowóné... A pòd sniegã drzémie zemia... Chrapią drodżi w mòcnym spikù... Chòjnë òbjimnął swim remniã Wiater- zbiég, co wieczno szukô... Ùsna rëklënë, spią plëtë... Tósz cos mùmlô òbczas snicô... Nawetk chłop, co szedł z robòtë Spi, zamôrzô smôrkùl w swiéce... Pùrgô sã pò błotkù miesąc- Szrëce z parminiów tuńcëją... Dzecëska sã z zëmë ceszą- Mni jich starszi (...)Psëska wëją... Za czim pisac taką wiérztã? Zôs ò zëmie, mrozu, smiotach... Mòże temù, żebë përznã Rozëmk rozgrzôc- gwësno dlôte... Tómk Fópka Chwaszczëno, 20 lëstopadnika 2004 rokù, gòdz. 21.11 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 28.11.2004 10:59
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Niekòchóny tószk Òdnąd- donąd so chòdzy, Z daleka òd lëdzy- Niekòchóny tószk... Slépczi w zemiã wcyg wbijô, W plëtach sã przëzérô- Niekòchóny tószk... Chtos cos czasã mù spsocy, Jegò górz nie schwôcy- Niekòchóny tószk... Chòc psã bëcé mù dóné- Mało wëszczekóny- Niekòchóny tószk... Lózô stoji wstec miska, Bùnków nie chce wiskac- Niekòchóny tószk... Nicht nie smùcze w òkòlim, Nie czëje, czej skòli- Niekòchóny tószk... Szerzchel deszcz mù wëliże, Wiater zamknie dwiérze- Niekòchóny tószk... Jiné scërze sã tacą, Nie rôd sã kamracą- Niekòchóny tószk... Zyb do spikù gò zybie, Na pótach kòlibie- Niekòchóny tószk... Ògónkã nie pòcziwie, Miłoserno zéwie- Niekòchóny tószk... W sniég sã schòwie przed zdrokã, Dzes przed Nowim Rokã- Niekòchóny tószk... Słuńce rozwidni niebò- Nie doczekô tegò- Niekòchóny tószk... Tomôsz Fópka Chwaszczëno, 28 lëstopadnika 2004 rokù, gòdz. 9.54 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 19.12.2004 23:39
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Szãtkòwé szãtolenié (Dzéwczëcy jiwer) Cëż jô mògã, biédnô za to, że jem takô snôżô! Że mie przez to wcyg knôp jiny prawie w drogã wlôżô... Òd małoscë chòdzą za mną, chòc jich nicht nie prosy- Antosz cos na ùszkò prawi, Józefk taszã nosy... Adam mie chce dwigac w górã, Bòles rôd bë wòzył... Rómk je „maczo”, Jónk spòkójny- nigdë sã nie gòrzi... Tómk? Ten leno czëtô ksążczi. Zygùsz lubi tuńce, A nôbarżi mie szmakają Augùstkowe plińce! Jurk fejn graje, Genek spiéwô, Witk zazérô w òczë, Jack zôzdrosny- dërch zadzywô. Staszk je chłop „do rzeczi”. Brunk spòsobno krący wąsa. Riszk mô zachtną brodã... Zbiszk wësoczi, Michôłk môłi. Tadk flot rãce skłôdô... Kazik- mòcny jakno stolem. Wòjk wié, jak zarobic... Mirk, jak nicht mie wice pleszcze- z Piotrã sã zaznobisz... Leszk je pisôrzã, Benk ceslą. Jôrka w bankù pòtkô... Andrzej doktorã, Mark brifką, Mariusz robi letkò... Cëż jô mògã, biédnô za to, że jem takô snôżô! Że mie przez to wcyg knôp jiny prawie w drogã wlôżô... Tómk Fópka Chwaszczëno, 19 gòdnika 2004 rokù, gòdz. 23.15 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 21.12.2004 21:35
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Czej sã Christus rodzy (Lëterackô jimprowizacëjô na temat) Czej sã Christus rodzy i na swiat przëchòdzy, Cemnô noc sã w blôskù parmniów widu złocy. Aniołë sã baro ceszą- w nieba stronã spiéwac spieszą: Gloria in excelsis Deo! Pasturkama mówią, co pilëją karna, Że nót jima chùtkò do Betlejem garnąc. Bò tam Zbôwca ùrodzony, co òdkùpi wszedné stónë! Gloria in excelsis Deo! Wej niebiesczé dëchë i pòsélce niebny, Rzeczta nama proscy, docz mësma pòtrzebny. Môg naj zrëszëc sã ni mòże, strach nie dôwô słowa wërzec. Gloria in excelsis Deo! Biôjta do Betlejem, dze Dzecã zrodzoné, W pielëszczi zawité, w kùmkù pòłożoné. Skłóńta Mù sã baro niskò- nie dô wóm sã wicy jiscëc. Gloria in excelsis Deo! A czej ju kùreszce zrozmielë pasturce, Wnetk do Betlejemù nëkelë jak skórce. Tam Bòrénk żdże w krëpkù krótczim- jak ba rzekłé w sztrófce chùtczi... Gloria in excelsis Deo! Stanãlë na môlu mòcno zdzëwòwóny, Że sóm Bóg chcôł zazdrzec na te përdëgónë! Na kòlana przed Nim pedlë, bë Gò achtnąc- ni sã mòdlëc. Gloria in excelsis Deo! W kùńcu, czedë Jezësk béł ju ùczestniony, Pasturze pòd dodóm rëszëlë wiesołi. Letkò sã wnet zmina droga- z redotë pòznaniô Bòga... Gloria in excelsis Deo! Tómk Fópka Chwaszczëno, 21 gòdnika, gòdz. 21.18 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 28.12.2004 22:26
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Jedno... Jedno, czegò chcã- to pòcałowac Cã w rãkã... Krãcysz głową, òczama cyskôsz piornë... Dërgòce cało dzëwim gòrzu tuńcã... Jesz chwila i miłota nama zwiornie... Znobisz lëpama, ògardzôsz sã szuńcã... Jedno, czegò chcã- to pòcałowac Cã w rãkã... Mòc we mie wzbiérô, bùdzy sã spiący dëch... Gòrô krew w żëłach, rosce w cwiardosc wòlô... Przë tim òbdóny jem wszëtczim szczero dëcht... W żëcym bë nie rzekł, że jidze ò leno... Jedno, czegò chcã- to pòcałowac Cã w rãkã... Tëli razy pòsobicą! Dôj pòkù! Człowiek, wnetk jak nen zajc za tëpką gòni... Zmarachòwóny jem! Tëc felô mòkù! Ju zmiéróm- tegò ni ma widzec pò Ni! Jedno, czegò chcã- to pòcałowac Cã w rãkã... Tómk Fópka Chwaszczëno, 28 gòdnika 2004 rokù, gòdz. 21.38 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 4.1.2005 23:57
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Dzysô z Betlejem... (Lëterackô jimprowizacëjô na temat) Dzysô z Betlejem wiesołé nóm wiadło, Że matką òstac na dzéwicã padło... Christus sã rodzy, nas wëswòbòdzy. Anielë grają, mãdrcë witają, Pasturze spiéwają, bidlãta klãkają... Cëda lëdzóm pòznac dają... Marija Panna piastëje Dzecątkò, A Józef stôri nócy Mù żużónkã... Christus sã... W żôrotnym kùmkù Syn sã Bòżi rodzy, Kò dô Òn prawie duńsc do Nieba krodzy... Christus sã... Tedë Trzech Królów z wschòdny przëszło stronë, Kòżdi z darënkã Panu namienionym.. Christus sã... Chcemë téż rëszëc Jëzesa òbôczëc, Òn wëższi królów- do se Gò przërôczë! Christus sã... Niech mdze chwôlony Jezës Christus Dzecã! Co w stani leżi, dze gwës zyb i przecąg... Christus sã... Reduj sã lëdztwò z Sëna Creatora! Chòcô mô przeżëc lat trzëdzescë pôrã... Christus sã... Rukòc na krziżu Gò ùniese wëżi, Tej zmartwëchwstónie, pòkôże, że je żiw... Christus sã... Wiele to razów dzyso sã krziżëje...? Temù kòlãdã kòżdi rôd ùczëje! Christus sã... Niech rosce ceszba wstec kòl kùńca rokù, A rãdô mësla chùtkò wrôcô zôs tu... Christus sã... Tómk Fópka Chwaszczëno, 4.01.2005r., gòdz. 23.22 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 15.2.2005 16:57
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Mëmie- chòranka w pòdzãkã (do mùz. Jerzégò Stachùrsczégò) Z bëna dzecnégò serca cepłi lëstk, żëczbów gôrzc sëlô Wami, dzys Mëmkò nen winôszk Wóm wdzãcznëch dzôtk Za bòrénkã piastowanié, dobré słowò pò dniu złim Dozéranié codniowé i czuwanié, czedë spisz... Ref: Mòji Mëmie dzys w môl kwiatów Dac chcã nótczi w lopk zrzeszoné mòją miłotą... Pòcałujã Nënkã w rãkã narobiałą i zmãczoną- niech so òdpòcznie... Dalek, w żëcô wanodze tej sej smùtk, tamsam górz Dze je chëcz? Dze je Matka? Dze sã pòdzôł dzecny czas? Dze je z bratã przecywianié? Chto na pôłnié wòłô nas? I naléwô fùl talérz, ùrznie chleba- kòchô nas... Ref: Mòji Mëmie... Tómk Fópka 15 gromicznika 2005r. gòdz. 13.57 ---------------- "Pòjmë w przódk z kaszëbizną!"- J. Trepczik- www.fopke.pl

« 1 2 3 (4) 5 6 7 ... 18 »

| Od najnowszych

Poprzedni wątek | Następny wątek | Top

Wyróżnienia