Drësze,

Brëkùjã wiedzec, jaczé są wiérztë w zbiérkù J.Walkùsza „Kańta nôdzeje” (1981). Całô mòjô starã w slédnym czasu, cobë gò nalezc, rozbiła sã wałą ò òksëp, tak tej jesta mòją stolëmną nôdzeją.
Baro bëm béł wdzãczny za pòmòc. Mòże bëc òdjimk czë skan spisënkù zamkłoscë przësłóny mie na mejla (jobard@wp.pl).

Bóg zapłac

Grégòr

Grégòr - jak rozmiôc
rozbiła sã wałą ò òksëp
co to je òksëp

Słôwk

To je cos midzë "kamã" a "kamizną".
tf

----------------
"Pòjmë w przódk z kaszëbizną!"- J. Trepczik- www.fopke.pl

Òksëp to wiôldżi kam.

Słowò no nôtérëją słowarze A. Labùdë, J.Trepczika ë B.Zëchtë (mòże téż ë jinszé). Nen slédny mô „òksip” (SGK,t.III,s.316). Spisôł nã pòzwã w òkòlim Pùzdrowa ë przë słowie nym pòstawił dwa krziżiczi, co, jeżlë so dobrze wdôrzã, òznôczô, że wëszło ju òno z ùżëcégò (ni móm wszëtczëch zbierów SGK, tak tej wëbôczë mie, Sławkù, le nie jem w sztandze Ce terô sprawdzëc tëch krziżików).
Dopòwiém jesz, że słowò no tak do kùńca jesz nie zdżinãło - mòżna je nalezc w nônowszim zbiérze wiérztów Jidy Czajinë - „Kropla krëwi. Dërgnienié”.

Pòzdrówczi

Grégòr

Ps. Ju jem dostôł mejla z titlama wiérztów z pierszégò zbiéru Walkùsza. Bóg zapłac nemù, co je mie przesłôł, a téż tim wszëtczim, co ju za tim zbiérkã szukalë w swòjich biblioteczkach.

Witôj Grégòr
Cytat:
Jo, a jesz barzi akùratno òznôczô to tëli, że to słowò je ju czësto wëszłé z ùżëcô.
Cytat:
Jo - to nie dô doch lepszich zdrojów dlô rozwiju kaszëbiznë jak òna samô !
To je le mój pòzdrzatk, a że mòże bëc jinaczi, to szło przeczëtac pò naji robòce nad słowizną do KaszEda, dze òżëwione słowò "lopk" sã prawie nie widzało, a zdrojã do tegò bëł Słowińsczi Słowôrz Lorentza.

Pòzdrówczi

Mark

----------------
Ò mòwa starków nad twój zwãk
nick lepszégò nicht ni mô!
Jô lubiã ce, móm ò ce lãk,
ce stracëc strach mie zjimô.

Jan Trepczik