Strona główna forum Sprawë Sromajce sã, Wasta Prëczkòwsczi |
| Od najnowszych | Poprzedni wątek | Następny wątek | Koniec |
Nadawca | Wątek |
---|---|
sgeppert |
wysłane dnia:
25.9.2004 14:38
|
Dobrzińc Najich Kaszëb Zarejestrowany: 17.6.2003 z: 索波特 Wiadomości: 1608 |
Sromajce sã, Wasta Prëczkòwsczi Dzyso w "Ikei" ùzdrzôł jem snôżé dzéwcza, fejn pò kaszëbskù òblokłé, chtërne stojałë kòl kasów ë pakòwałë klientóm zôkùpë. Zapëtôł jem - z jaczégò karna wa jesta? - ùzdrzôł jem le wiôldżé zdzëwióné òczë. Zapëtôł jem jinszé - to samo. No to pò pòlskù - tej mié òdrzëkłë, że z zespołu "Kaszubskie Nutki" z Banina. - I nie rozumiecie po kaszubsku? - No, niektórzy mówią.
Donądka czuł jem ë czëtôł, że Banino to taczi òstrzódk kaszëbiznë, z bëlnyma animatorama. A tu je widzec, że kaszëbsczé karno nié rozmieje pò kaszëbskù. Sromajce sã, Wasta Prëczkòwsczi. |
Belok |
wysłane dnia:
26.9.2004 14:11
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Sromajce sã, Wasta Prëczkòwsczi Bez przesadë!
To ju je czepianié sã Geneka ò wszëtkò. Czë to je jegò wina, że ne dzéwczãta doma pò kaszëbskù nie kôrbią? Mëszlã, że tak je prawie za przëczëną jëjich starszëch. Czë Genk mô kòl nich doma sedzec ë pilowac bë starszi do nich, a òne midzë sobą pò kaszëbskù wcyg gôdalë? Òn doch jaż taczi wiôldżi wladzë ni mô! Mòże przekònëwac, gadac, że to nic dzecóm nie szkòdzy, a starszi ë tak robią swòjé ë do dzecy z wësoka gôdają. Taczi sóm prziklôd mògã pòdac z kònkùrsu Bë nie zabëc mòwë starków, chtërny òdbiwô sã co rok na Nordze. Wikszi dzél wëstãpùjącëch w nym dzecy, pò kaszëbskù doma nie gôdô. Są wëùczoné blós na nen kònkùrs (në mòże jesz na Rodną Mòwã). Ë co, mómë taczé dzecë do kònkùrsu nie dopùszczac? Mòże niech le wëstãpùją ne, co doma pò kaszëbskù gôdają? Blós, że tedë miast 70. dzecy bëlobë 20 abò 30. Òkróm tegò, chto bë miôl to sprawdzac? Drëgô sprawa jesz je takô, że terôczas dzecë nie są zwëczajné czëc kaszëbską gôdkã w taczich placach jak króm (Ikea tim barżi!), szkòla ëtd. Je to dlô nich cos nienaturalnégò. Jo, chcemë to rzec – kaszëbizna sedzy doma a jesz dërch bòji sã wëlézc bùten, bë rikac na cali glos, we wszëtczich placach a wszëtczich sëtuacëjach. Kąsk rozgòrzony Róman Drzéżdżón |
Tobacznik |
wysłane dnia:
26.9.2004 19:25
|
Stały bywalec Zarejestrowany: 25.5.2004 z: Wiadomości: 52 |
Re: Sromajce sã, Wasta Prëczkòwsczi Jô bëm był òstróżny z òbsądã kògòs, że mô winã, że jegò wespółprôcownice nie gôdają pò kaszëbskù. Takô pòstawa je letkò gôdając smiésznô.
Pò se wiém, że jak doma sã gôdô pò kaszëbskù z dzecama, tej òne rozmieją gôdac w rodny mòwie. Bespòstrzédny wpłiw na to mają starszi. Nicht z bùtna nié mòże kôzac kòmùs robic në, co ùwôżô za bëlné. Człowiek sóm wëbiérô. Mòżna bëlno zachãcëc, ale nié kôzac "cëzym". Są rozmaité bëlné i pòtrzébné akcje, chtërne mają pòdtrzëmac kaszëbiznã, ale nié mòżna nakôzac kòmùs gôdac, czë robic wedle swòji ùdbë. Zresztą Genk robi bëlną robòtã, i nié mô sã czegò sromac, jeżle chòdzy ò robòtã dlô kaszëbiznë, chtërny Òn je òddóny całim sercã. Nie chcemë robic z igłë widlãtów, czëj nié ma kù nëmù spòsobnotë. |
fopke |
wysłane dnia:
26.9.2004 20:48
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Sromajce sã, Wasta Prëczkòwsczi Ò tim ju téż tu bëło- http://www.naszekaszuby.pl/modules/newbb/viewtopic.php?topic_id=221&forum=1
|
lepusz |
wysłane dnia:
27.9.2004 11:13
|
Dobrzińc Najich Kaszëb Zarejestrowany: 25.9.2003 z: Kolbudy Wiadomości: 510 |
Re: Sromajce sã, Wasta Prëczkòwsczi Jô mësla, że w Baninie nie wszëtkò zanôlégô òd Wasty Prëczkòwscziegò. Tén, chterny tak fejn òblokłégò dzewùsa wësłôł do IKEA miôł bëlnô ùdba, le bòdoj zabéł, że w Gduńsku i òkulim żëjã lëdzë chtërné sã nie sromajã pò kaszëbskù gôdôc nawetka we wiôldżim zapôdnim hiperkrómie.
Jô jem skòpicą nôddzeji, że pò tim szëmòce, jaczi tuwò dało, w przindnoce chtos da no to bôczënk. Je nót téż wdôrzac, że Kaszëbë żëjã nie le blós w Pòlsce, a téj séj zazërają do swòji tatczëzne. Cëż sã taczi cëzinc o naji pòmësli, pò zetkanim z kaszëbsczim dzewùsã, chterna nie rozmieje pò kaszëbskù gôdôc, a mô bëc reprezentantã Kaszëb. |
| Od najnowszych | Poprzedni wątek | Następny wątek | Top |