Tak to sã ju czasã dzeje, że je jak je .

Robiã taczi jeden dolmaczënk ë móm jiwer z najima mionama pôru roscënów. Czarostwò to je taczé, że nawetka dzél z nych pòlsczich mionów je dlô mie wiôldżim „???” ë równo bë to mògła bëc roscëna jak ë miono jawajsczégò wùlkana. Ach, taczé żëcé!
Nie za baro nawetka wiém, gdze szëkac tich mionów, a téż, tak pò prôwdze, móm dostãp le do skrómnégò dzélu rozmajitëch zdrzódłów. Móm nôdzejã, że mie pòmòżeta. Sprawa je baro wôżnô.
A hewò ne roscënë:

- karagana
- jesion wyniosły (wiém, że „jesion” to pò naszémù „jasón”, le mòże nen ôrt jasóna mô jaczé fachòwé jinszé miono?)
- wiąz polny (wiera „wijąg”, le 100% zycher nie jem)
- zawilec gajowy
- pierwiosnek lekarski (nen ôrt ù Trepczika mô jaż trzë miona: „kùkówczé rãkawice”, „kòcy jãzëk”, „pierwùlce” – jaczé je nôlepszé, nôbarżi znóné ë sã przed jinszé wëbijô bë stac sã normą?)

Pòzdrówczi

- karagana

To je òzdobnô roscëna, temù mòże òna bëła sadzônô le we dworach i "wiésczi" Kaszëbi mòglë ji nié znac. Ù Zëchtë, Ramułta, Trepczika nié mô tegò miona.

- jesion wyniosły (wiém, że „jesion” to pò naszémù „jasón”, le mòże nen ôrt jasóna mô jaczé fachòwé jinszé miono?)

Ù Zëchtë "jasón" to je prawie 'jesion wyniosły Fraxinus excelsior'

- wiąz polny (wiera „wijąg”, le 100% zycher nie jem)

Jo, tak je ù Zëchtë. Trepczik pòdôwô téż "brzóst".

- zawilec gajowy

Trepczik: zawiłk, kòzogrézc, niészczestnica.
Zëchta: zawiłk, kòzogrësc, kòzëgrëska, kòzogrëst, gòzogrosc, kòzogroszczka, niészczestnica.

- pierwiosnek lekarski (nen ôrt ù Trepczika mô jaż trzë miona: „kùkówczé rãkawice”, „kòcy jãzëk”, „pierwùlce” – jaczé je nôlepszé, nôbarżi znóné ë sã przed jinszé wëbijô bë stac sã normą?)

Zëchta pòdôwô "piérwùlce" z kwalifikatorã "+" (wëmiarti). Kò ta pòstacëjô wëdôwô mié sã nôlepszô do "oficjalnëch" tekstów.

----------------
Stanisław Geppert

Staszkù, cëż jô bëm bez Cebie zrobił!!! Wiôldżé Bóg zapłac za pòmòc!

A jesz pëtanié: Czë Zëchta przë nym „zawilcu” nie wskôzywô jaczé miono mô nôwikszi òbjim? Ni móm Zëchtë (z wëjimkã suplementu, a tam le „kòcé jãzëczi” jem nalôzł), to ni mògã tegò sóm sprawdzëc. Mógłbës to, Staszkù, dlô mie òbôczëc?

Witôj!

Jô wskònã za Staszekã.
Zëchta mô to z kòl Żarnówca wzãté.

Generalno to bãdzesz miôł z tim zestôwkã problem Gregòr.
Bë to bëłó spójné, mùszi to bëc zestôwk z jednegò òkrãżô ë do tegò jeż trza sã baro òpasowac. Prosti przëmiôr na to ze starnów mòji memczi (jesma ë tak ju bez Zëchtã przë Żarnówcu to to téż pasëje)
- w Lësewie gôdają "Tipczi"
- na to samò (pò pòlskù "porzeczki") w Karlëkòwie za to gôdają ju "Swiãtojanczi"

Żëczã ce wiele zapiarcô w ti robòce a wszëtczim czëtińcom starnów www.kaszubi.eu wszëtczégò bëlnegò na Gòdë.

Mark

----------------
Ò mòwa starków nad twój zwãk
nick lepszégò nicht ni mô!
Jô lubiã ce, móm ò ce lãk,
ce stracëc strach mie zjimô.

Jan Trepczik

Dzãczi Marëkù!

Te wszëtczé miona na „zawilec gajowy”, tak tedë jak pòdôwô za Zëchtą Staszk „zawiłk, kòzogrësc, kòzëgrëska, kòzogrëst, gòzogrosc, kòzogroszczka, niészczestnica” są wzãté z òkòlégò Żarnówca???!!! Ò matizernoga!
Czë bëłbë mie chto jesz w sztãdze rzeknąc, jak tej na nen „zawilec gajowy” gôdało sã w òkòlim jegò dodómù?

A co do „tipków” a „swiãtojanków”, Marëkù, to mòja starka na nã roscënã gôdô „swiãtojónczi”. A je òna z òkòlégò Brusów. Tak tej wëchòdzy na to, że miono „swiãtojónczi” je znóné na dwùch różnych skrajach Kaszëbsczi.

Acha, jesz jedno.

Napisôł jes, Marëkù:
„Bë to bëłó spójné, mùszi to bëc zestôwk z jednegò òkrãżô”.

Mëszlã, że tu ni môsz rechtu. Jem dbë, że mùszã ùżëc mionów, jaczé mają/miałë nôwiãkszi òbjim. Wezmë np.

I. „pierwiosnek lekarski” ë jegò trzë kaszëbsczé miona: „kùkówczé rãkawice”, „kòcy jãzëk”, „pierwùlce”. Wezmë, że np.:
1) „kùkówczé rãkawice” są znóné le w Srôkòjcach ë nôblëższim òkòlim.
2) „kòcy jãzëk” je znóny na Gòchach ë wikszim dzélu westrzednich Kaszub
3) „pierwùlce” są znóné na Gòchach, Zôbòrach ë całich westrzednich Kaszëbach.

II. „zawilec gajowy” ë jegò kasz. miona: „zawiłk, kòzogrësc, kòzëgrëska, kòzogrëst, gòzogrosc, kòzogroszczka, niészczestnica”. Wezmë na to, że np.:
1) „zawiłk” znóny je w dzélu Gòchów ë w pôru wsach Zôbòrów
2) „kòzogrësc” – le we Wielu ë òkòlim
3) „kòzëgrëska, kòzogrëst” – wnet całich Zôbòrach
4) „gòzogrosc” – le w Szimbarkù a nôbleższim òkòlim
5) „kòzogroszczka” – pasu midzë Kartuzama a Srôkòjcama
6) „niészczestnica” – całi nordze

Jem dbë, że w taczi sytuacëji mùszôł bëm ùżëc mionów „pierwùlce” ë „nieszczestnica” (jakno, że mają nôwikszi òbjim wëstãpòwaniégò), chòc ne miona żëją w dwùch różnëch môlach Kaszub.

Jô napisôł blós ò pl:"zawilcu"/csb:zawiłkù" ë nen je wzãti z kòl Żarnówca.

Mark

----------------
Ò mòwa starków nad twój zwãk
nick lepszégò nicht ni mô!
Jô lubiã ce, móm ò ce lãk,
ce stracëc strach mie zjimô.

Jan Trepczik

Gregòr napisôł:
Cytat:

Jo, mògã ni miec prôwdë. Mëszlec jô mëszlôł kònkretno ò teksce co bë zamëkôł ne miona w se - dlô mie taczi bë bëł spójny, mùszôłbë to ò czim piszã (dlô mie) spełniac , a ce jidze gwës ò ùstôwienié normë ë tuwò môsz prôwdã.

Pòzdrówczi

Mark

----------------
Ò mòwa starków nad twój zwãk
nick lepszégò nicht ni mô!
Jô lubiã ce, móm ò ce lãk,
ce stracëc strach mie zjimô.

Jan Trepczik

Jena, ale jes mie terô zôkrãcył, drëchù . Ju nie wiém, co je lós. „Zawilec” to doch pòlsczé miono. To jak tedë kòl Żôrnowca na nã roscënã gôdają? Téż „zawilec”, czë mòże jakòs tak z tich pòdónëch bez Staszka?

Wëbôczë, że sã tak dopitiwóm.

Cytat: