Forum : Nasze Kaszuby

Użytkownik: Hasło:
Zarejestruj Przypomnij hasło

Forum

Losowe zdjęcie

Pomerania

nr 12/12 poprzednie

Wygląd strony

Strona główna forum

Sprawë

Wëlôc galã...

| Od najstarszych

Poprzedni wątek | Następny wątek | Koniec

Nadawca	Wątek
fopke	wysłane dnia: 3.5.2011 12:48
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Drzéwiã kaszëbiznë Kòrzeniska mòje w kaszëbsczim roscą piôskù Sygóm w głãbią pò wòdã nima i spòkójnosc W kòrunie mi wiater lëste szarpie ze złoscą, Że jesz są zeloné, że wcyg tak je jich trójno... Twéle są mòje dzyrsczé, zniesc są wiele w sztãdze Niejeden zwiérz, chòc robôk pò nich mô wanogã Nawetk, czej jómkã kùmô - mie to nick nie grãdzy Sok, co w mich żëłach płënie ze zemi - wspòmôgô... Dzéń z nocą zazérają miesącã i słuńcã To sniég wietewczi zgëldzy, mróz scësnie, tej zelga Ptôszków do spikù zybie spiéwanié bez kùńca Tej sej deszcz kroplą wpadnie, co w ni jô sã przezdrzã... Cëż ùzdrzã za lat setkã, czej na kraj dokroczã? Bãdze wkrąg mie drzewné wòjskò stojec? Czë grobë W zemiã wrosłé a na mie tôblëczkã òbôczã: Nie rëszac! Je pòd òchróną! Pòmnik przirodë... Tómk Fópka, Chwaszczëno, 3 maja 2011 rokù, gòdz. 9.58 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 16.6.2009 19:36
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Sonet na próbã Szesc pò piąti reno piszã sonet na próbã Liczã, mô bëc trzënôsce szlabizów w lënijce... Pierszô sztrófka zaczãtô, wej, wnetka ji kùńc mdze! (Różnëch rzeczi próbòwôł- to sã mòże ùdac...) Sztërë na bòkù! Nawetk sã dosc zrëmòwało! Pisadło w rãce pewniészé tuńce zaczinô. To dłëgszé słowò, krotszé z mùskù wëdobiwô I ùsôdzô na kôrtce lëtrów réżkã całą... Terô, żebë wiérztë fòrma zakùńczëc z szëkã Pò trzë do grëpë wersë dëbeltno zestawia (Wnetkã mdze czas wstajac, bë do robòtë nëkac...) Jesz përznã pisaniô i je gòtowé prawie... Nie bëło z tim tak drãgò...! Jeszcze rzucã òkã Na zédżer- trzëdzescë minut! To krótkò zbawia... Tómk Fópka, Chwaszczëno, 15 czerwińca 2009 rokù, gòdz. 5.36 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 16.2.2009 23:48
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Żëcô krãtë- wãtë (Mùzyka: Tomasz Perz) Znowù kroczã szlachã złim, Za słuńce móm céń... Serce mie ze strachù drżi Na mëslã, co mdze witro... Grzéchów z kòpicą miech Pùczel mój przëgniôtô... Rãczi mie nie pòdô nicht- Strzód lëdzy jem serotą... Panie mój, rzeczce, jak móm przejsc przez żëcô krãtë- wãtë?! Jezë, kądka móm jic, czedë pòmstwów dôka pòrénkù cepłi wid z zëmnym miénia smrokã...? Panie, przez mie ten ból, rëda z bòkù płënie...! Jem to zawinił sóm- Krziż Twój, Bòżi Sënie! Panie mój, rzeczce, jak móm przejsc przez żëcô krãtë- wãtë?! Bòże, dôjce ten Krziż! Niech chòc kąsk pòmògã! Òn wskôże drogã, wiém! Jak doprzińc do nieba! Òjcze, brzemiã mich win sómno dwigac bãdã! Zmartwëchwstac razã z Nim- tegò leno pragnã! Panie mój, terô wiém, jak przejsc przez żëcô krãtë- wãtë! Tómk Fopka, Chwaszczëno, 16.02.2009 r. gòdz. 23.46 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 16.12.2008 1:19
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Leno Të Muzyka: Weronika Korthals Jak móm wëznac, że Ce kòchóm? Jak prosto pòwiedzec to...? Sygnie dac sã pòtkac òczóm- Ju wiész... Rãce splotłé w lubczim tuńcu Dze mùzyka- miłotą... Serce kôże szczescu: przińdz tu! Në pòj... Czedë jes zôs tak bliskò mie, Jakbë czas w szôlony nëkbie wprzódk rwie... Leno Të Sprôwiôsz, że chcã Ten zmienic swiat, bë béł Bëlniészi, dobrã skrził... Leno Të Zwątpieniô łzã Zamiéniôsz na pôcórk Nôdzeji, rzozã dnia... Jak òprzestac móm miłowac Kò wiater... òn kòchô Ce... Nawetk parmiń słuńca złoti Téż Twój... Nie pòtrafiã nalezc słowa Na to, co w mi dëszi je... Hewò chwila, sztót redotny Dzys, tu... Czedë jes ... Leno Të ... Tómk Fopka, Chwaszczëno, 15.12.2008 rokù, gòdz. 23.12 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 7.12.2008 23:26
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Tatków triptik Kòlibiónka Anuszi W łóżeczkù swòjim, pòd pierzną w kwiôtczi Ania ùsniéwô, jesz spik mô snôdczi Pòmału lecą chmùrë i chmùrczi Niosą mùzyczkã dlô tatka córczi... Na jedny chmùrce sedzą dwa skórce Na drëdżi, bliższi- szterë mòtilczi Trzëcô zajãtô je przez jabłuszka A zôs do czwiôrti- z szwatołków dróżka... Slôdë je òkrãt z domòwëch smaczków: Są szôkòlôdczi, żélczi i kùszczi Zachãcywają: Anulkò, naczkôj! Spróbùj, kò wnetkã gwësno nóm ùsniesz... I to jã nãcy, i to jã kùsy Że w mëslach sygô, bierze i szmakô Wej, ùsna dzeckò. Nócã Anuszi A sniég pò cëchu zsuwô sã z dakù... Tómk Fopka, Chwaszczëno, 7.12.2008 rokù, gòdz. 19.30 Kòchanô psotka Kòl mòji psotny córczi Agatczi Wiedno rzecz nowô je „na tapéce’ Hewò malëje, na scanie farbczi Różné, różnisté, chòc w nocë swiécą... Sygnie, że chwilkã je dzeckò samò Jakbë krãcëszk bënë chëczi przeszedł Nalezc nie jidze, dze co wprzódk kładłé Córeczka jiné wprowôdzô zwëczi... Cos do wëlaniô? Dôj le minutã I płënie jizbą rzéka dosc rëszno A òbleczenié? Zgùbioné bóta Mô dzewùsk znowù- nalezc- nié letkò... Równak flot mijô górz za ne psotë, Czej przińdze sprôwcka- Kòchóm Cã!- pòwié A nocë cëszô i miesądz złoti Rzekną: A psoce, dzeckò, na zdrowié! Tómk Fópka, Chwaszczëno, 7.12.2008 rokù, gòdz. 19.47 Dzecny szifer Tata, brum brum!- Mateùszk mie pòwié, Czej reno z słuńcã zôs dzéń pòwitô Kluczë w gôrsc chwôtô i przódkã bieżi- Tak lubi synk mój naszã „karétã” Òkróm te: Mniam, mniam téż wôżné baro Zjé jak sã patrzi, jak tatk, pò chłopskù Tegò kąsk, tegò i ... lózy talérz Tero czas haszkù, a toto? Môsz tu... Spik chùtkò zminie. W łóżeczkù stoji Ten, co przed sztótã jesz spôł tak słodkò... Wòłô familiã, kòżdégò z miona Biegómë wszëtcë, dze nasze „złotkò”. Tómk Fópka, Chwaszczëno, 7.12.2008 rokù, gòdz. 20.10 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 6.11.2008 22:34
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Ten zédżer stôri (kaszëbskô wersjô Arie Skòłubë ze „Strasznégò Dwòru” St. Mòniuszczi) Ten zédżer stôri czejbë swiat Melodiów trójno grôł Zepsëti je ju òd stalat Nakrącac- chto bë chcôł... Le, żelë niespòdzajno Cëzy tu òstnie na noc Pón zédżer, czej zapieje kùr Zbùdzywô régã rór Dzys czëc sã dô Kòncertk, wej, taczi Bòjisz sã? Nié?! Zażij tobaczi! Na scanie są malënczi dwa Òpasuj na nie, bò Te miecznika prastarka ta, Na starką starczi je... Cëzyńców w póznym czasu Ne białczi chãtno straszą I z ramów: hops! Na swiéżi lëft Pludrëją, jaż bòli łep! Tej- sej sã chtos w noc Ną gôdką „racził” Strach wasce? Nié?! Zażij tobaczi! Tómk Fópka, Chwaszczëno, 6 smùtana 2008 rokù, gòdz. 21.26 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 27.7.2008 12:12
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Co to bãdze? (etiuda na „ã”- z rëchtowónégò zbiéru „W jãzëk zgëldzony”) Kùra zdrzémna sã na grzãdze Kòt w lodówce miãso wãdzy Co to bãdze? Co to bãdze? Robią służkòwie za ksãdza Cotka sama w jizbie z zãcã Co to bãdze? Co to bãdze? Trzecy dzéń cos sąsôd grãdzy Pòd prisznicã chùtczé zdjãcé Co to bãdze? Co to bãdze? Zjadłé wszëtkò, a chcesz wiãcy Wëlëniałi z włosów pãdzel Co to bãdze? Co to bãdze? Czej sã wilk do chëczów znãcył Nie chcą z taszi wëlezc rãce Co to bãdze? Co to bãdze? Krótczé z brifką w dwiérzach spiãcé W bòkù z rena mòcné pchniãcé Co to bãdze? Co to bãdze? Wlezc na piãtro nie jes w sztãdze Chcesz lëpińc w Egipce spãdzëc Co to bãdze? Co to bãdze? Zakòchóny Bògùsz w Ance Czej transmisjô z Sejmù mãczi Co to bãdze? Co to bãdze? Ga wstac z wërów ni ma chãcé Prokùrator pije z sãdzą Co to bãdze? Co to bãdze? Dobrze bãdze! Smiészno bãdze! A ju „ãdze” nié tak drãdżé Nié tak drãdżé... Nié tak drãdżé... Tómk Fópka, Chwaszczëno, 1.05.2008 rokù, gòdz. 10.12 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 14.6.2008 19:59
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Litaniô do Matczi Bòsczi Kaszëbsczi (Henrikòwi Stachùrsczémù dedikùjã) Matkò Bòskô Kaszëbskô, co Sëna jes nóm dała- bądz wiedno z nama! Co w nieszczescym nas barnisz, przed piekła ògnia skrama- bądz wiedno z nama! Co dozérôsz w dnia gòńbie. Przed złima chrónisz snama- bądz wiedno z nama! Cos Bòga Òjca rãkã, kôrzącą òbłaskawia- bądz wiedno z nama! Matkò Bòskô Kaszëbskô, co rôd na prosbë słëchôsz- zesłac chcej pòkój! Czej zôs niezgara z òchëbą dobroc dëszë tłëką- zesłac chcej pòkój! Czej nôrodë procëmno stają, zdrzącë dzëkò- zesłac chcej pòkój! Czej zbrojił nipòcéùsz. Tatk rozgòrzony nëkô- zesłac chcej pòkój! Matkò Bòskô Kaszëbskô, miec w nagłi ùcemiãdze- cos na dorãdzym... Mądroscë tëlkò, bë rozëmù nie mùszôł skamżëc. Tédë dobãdze.. Bëc wiãcy jak miec i jinyma dac- co je sã w sztãdze. Chòcô to drãdżé... Miłowac swiat, ptôcha i kwiat, kam i zdebło łãdżé... Jakòs to bãdze... Tómk Fópka, Chwaszczëno, 14.06.2008 rokù, gòdz. 20.15 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 14.6.2008 19:57
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... W „Mestwinie” Kaszëbskô wersjô tekstu „Bùbliczków” Rôz do Gduńska Żid przëjachôł Wëladowôł aczipaczi Rësził przed se z lózym krukã Gôrdzel „balsamã” kąsk spłókac... Zôs Kaszëbie w jegò chëczi Drãgò strzëmac- białka skrzeczi... Mùcã włożił, pas przez szlófczi- Wzął do miasta w taszi „stówczi”... Jeden mô kòmùdné lica Drëdżi chwatczi je do bicô Pòtkelë sã pòd „Mestwinã” Chcesz sã ùpic bëlnym piwã? Jo! Pité, żarté, szpérą dzarté Bëło tedë w gduńsczi karczmie Żid z Kaszëbą- dwaj bratówcë Do wëpitkù i do tuńca! Tómk Fópka, Chwaszczëno, 1.06.2008 r., gòdz. 17.27 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 29.5.2008 0:13
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... To je niedz’la òstatnô (kaszëbskô wersjô „Ta ostatnia niedziela, sł. Z. Friédwalda, mùz. J. Petersbùrsczégò”) Terô kąsk pózno, bë sã tłumaczëc Bëło. Skùńczoné je! Wej, przëszedł jiny, bògatszi, òd mie spòsobniészi I skrôdł mòje szczescé i ce... Jedną móm prosbã, mòże òstatną Pierszą òd wiele lat. Dôjkôj mie niedz’lã òstatną Le jedną, zwëczajną A tej niech sã chòc wali swiat...! To je niedz’la òstatnô Dzysô mdze rozestanié Cëché w nórce chlëchanié Nie zrzeszi nas... To je niedz’la òstatnô Ter’s nié czas na skamżenié! Na mie zwrócë wezdrzenié Nen slédny rôz! Jesz tëch niedz’lów bądzesz mia z kòpicą! Co sã ze mną stónie- chto to wié...? To je niedz’la òstatnô Com so miôł ùrojoné Mòje szczescé wësnioné Sã zmienia w pich...! Pitôsz, co zrobiã i dze jô pùdã...? Dze jô móm jic?... Jô wiém? Dzys leno jedną móm drogã i jiny nie widzã... Na kùńcu je... Në, mniészô z tim... Jedno je wôżné: môsz bëc szczestlëwô Ò mie nie jiscë sã! Le niglë żëcé noc skrëje i dôką zasceli- Ną jedną blós niedz’lã chcej dac... To je niedz’la òstatnô... Tómk Fópka, Chwaszczëno, 29.05.2008 rokù, gòdz. 01.04 ---------------- "Pòjmë w przódk z kaszëbizną!"- J. Trepczik- www.fopke.pl

(1) 2 3 4 ... 18 »

| Od najstarszych

Poprzedni wątek | Następny wątek | Top

Wyróżnienia