Slodë jesmë mielë czëti ò czwiôrti roczeznë Radia Kaszëbë. Je leżnosc na gôdkã ò czerënkù na przińdnosc. Radio Kaszëbë mô wiôldzi zasłùdzi w promocji kaszëbsczigò jãzëka, mùzyczi, w całoscë naszi kùlturë, té swòjsczi ë té wëższi. Żle wdarzimë so, że radio robiło sã òd pòdstaw, a jak pòdôwô direktor Wastnô Anna Kòsciukiewicz, że radio to je na trzëcym môlu żle jidze ò wielena slëchińców na Kaszëbach, to robòta ta je pò prôwdze stolemnô. Mòżna wiele gôdac ò codniowim programie, nôwôżniéjszé żebë tej sej sã zmieniwôł, co dôwô radiu swierzota. Ale czë Radio Kaszëbë pò prôwdze je taczi kaszëbsczi za jaczi sã ùwôżô? Rozmiã, że na zôczątkù nie bëło wiedzëc, czë w całoscë na ùdba sã zjiscy. Czë radio przedërchô chòc rok i nót bëło robic radio w jãzëkù pòlsczim i kaszëbsczim. Przëzdrzëmë sã na dwa kaszëbsczi programë w Telewizji Gdańsk, chtërne belno pòtrafiłë sã dopasowac do lëdzy, móm na mëslë pòkòlenié ”starszich” ë „młodëch”. Òbadwa programë są rëchtowónë leno w jãzëkù kaszëbsczim i nie je czëc, żebë to jima miało zaszkòdzëc. Lëdze sã przenãcalë i jem gwës, że je to cos tak normalnégò jak jine pòlsczi programë rëchtowónë w pòlsczim jãzëkù. Żle Radio Kaszëbë nie mdze prôwdzëwie kaszëbsczi, to za pôrã lat nie mdze na trzëcim môlu midze jinyma, ale wiele dali. Nen trzëcy môl nie mdze na długò, słëchińcowie sã zmieniwają. Terô je nôlepszi czas, żebë nie leno zwiãkszac wielena słëchińców bez nowé sztudio czë antenë, ale nadac radiu prôwdzewie kaszëbsczi sztél, a to òznôczô jinwesticjô w kaszëbsczi jãzëk.

----------------
Słôwk Klas




http://www.rekreacjanakaszubach.bo.pl/