Mie ninia barżi czekawi jak to je z Pòmòrzónama. To je: Pòmòrzónie to nie leno Kaszëbi, to jesz Słowińcë, Kòcewióczi, Bòrësë ë wszëtcë jini, chtërny są òtrokama dôwnégò plemiona Pòmòrzónów. Le òstatno nalôz' jem na Wiczipedie nico taczégò co mie dosc zdzëwiło: że Chełminiacë a Dobrziniacë téż słëchają do pòmòrzczi grëpë. To je tuwò: http://pl.wikipedia.org/wiki/Dobrzyniacy ë hénë na dół nót zjachac ë tam je "Grupy etnograficzne i etniczne Polski" do rozwicégò. Jô sã pierszi rôz pòtkôł z taczim pògrëpòwanim, nichto wié mòże co wiãcy?

Dobrziniôcë są Mazurama (Mazowszanama); je to klôr widzec dlô tegò chto rzetelno przeczëtôł "Pana Tadeùsza". Równak tã je cësk pòmòrzczich znanków temù jëż pò òsłabienim Prësów wiele Pòmòrzónów (ninia bë më rzeklë Kaszëbów) òsedlało sã w Pòmezanijë, Pògezanijë, Warmijë jak tëż w Dobrzińsce, temù je w jich gwarze përzinka pòmòrzczich znanków, ale jesz wicy je kùjawsczich.

Jeżlë jidze ò Chełmińską to më wiemë jesz mni. Tã pòmòrzczich znanków je wiele wicy jak w Dobrzińsce, ale to nie je wiedzec czë to je le skùtk migracëji, czë téż tã równak tã téż pierwi mieszkelë Pòmòrzónie.

----------------
Zdrzë: Peccunia non olet (Piniądz nie smierdzy)