Zmiana gòni zmianã w Karnie Sztudérów Pòmòraniô. Nie bëło jesz tuwò rzekłé, temù zajinteresowónych jinfòrmùjã, że òd 15 gòdnika Pòmòraniô mô nowégò przédnika.

Ùszłi przédnik sóm złożił dwa tigòdnie chùdzy rezygnacjã z fùnkcjë. W ùzasadnienim napisôł lakòniczno, że pòwòdë rezëgnacjë są òsobisté, a téż są nima problemë na ùczebnie.
Walné zéńdzenié wëbrało na jegò plac Hanã Makùrôt z Lësych Jóm, sztudérkã òstatnégò rokù pòlsczi filologie, a téż piérwszégò rokù slawisticzi na GÙ.

W òdpòwiedzë na ùdbë nowégò przédnika na zmianã składu zarządu (przede wszëtczim włączenié nôbarżi aktiwnych nôleżników do czierownictwa òrganizacjë), donenczasny zarząd pòdjął w òstatną sobòta (17.12.) wnetk jednogłosną (1 głos procemny) ùchwałã ò samòrozwiązanim.

Terô żdajemë na pòstãpné ju latos walné zéńdzenié karna, chtërno wëbierze resztã swòjich nowich władzów.
Wôrt nadczidnąc, że ju dôwno nie bëło taczi sëtuacje, żebë w pòłowie rokù zmiéniłë sã całé władze Pòmòranie (chto wié, czë w ogóle bëła). Je téż drãgô sprawa, w zwiãzkù z rokrocznyma pòdjimiznama karna, chtërne jesz w ti chwilë ni mają lëdzy, co bë bëlë za nie òdpòwiedzalny.

Wôrt miec to na ùwôdze i w nôblëższim czasu miec wiãcy zrozmieniô dlô Pòmòranie.