W Jastrowi Pòniedzôłk, ò 7 wieczór Ana Cupa i Dark Majkòwsczi rôczą wszëtczich do òbzeraniégò w Gduńsczi Telewizëji programë "Kaszëbë". Témą negò dzéla mdą jastrowé zwëczi na Kaszëbach. Ò kaszëbsczim zjestkù, mùzyce, dëgòwanim, bãblowanim, a wielu jinszich rzeczach bądą gôdelë:
- Ana Pòmieczińskô (prowadniczka KGW ze Swôrzewa)
- Ana Barsowskô (prowadniczka KGW z Chwaszczëna)
- Zyta Fòrmela (szkólnô z Bòrkòwa)
- Sztefan Kóhnke (bãblownik z Jastarnëji)
- Witôłd Bòbrowsczi (szkólny z Głodnicë)
- ks. Mirosłôw Wãsersczi (wikari z Kòstkòwa)
- Tomôsz Fópka (mùzykańt, wicebùrméster Żukòwa)
- Miklosz Bòrzëszkòwsczi (sztudéra turisticzi z Karna Sztudérów Pòmòranijô)
Òkróm negò ùczëjemë téż dzecné karno z Bòrkòwa z piosnką "Ùczbë kraft" a "Kaszëbczi" z Chwaszczëna zaspiéwają "Zmartwëchwstôł Pón".
W programie przede wszëtczim òdpòwiémë na pëtanié: Ò kaszëbsczich zwëkach mòżemë gôdac w tereczasnym czë ùszłim czasu?