W pòniedzôłk 29 maja ò 7 wieczór karno Radia Kaszëbë serdzeczno rôczi na pòstãpną programã "Kaszëbë" w TVP 3.
Turistika na Kaszëbach w òbrëmieniach projekta "Turistika - pòspólnô sprôwa”. Kôrbic ò ùdbie mdą Jack Zdrojewsczi z Òbéńdowi Pòmòrsczi Turistny Stowôrë a Jarosłôw Białk, Przédnik Biura Wëżimôlowich Jinicjatiwów w Pòwiatowim Starostwie w Pùckù.
24 maja maturańtowie drëdżi rôz mielë leżnosc pisac maturã z kaszëbsczégò jãzëka. Ò tim jak wëzdrzi nen ekzamin ë jakô je przińdnota lëdzy, chtërné gò zdôwają rzeką nama Danuta Pioch (ùsôdzôrka ùczbòwników do ùczbë kaszëbsczégò a pëtaniów na maturowi ekzamin), Witôłd Bòbrowsczi (szkólny szëkùjący ùczniów do maturë z kaszëbsczégò) a Dorota Piernickô ë Marta Lange (latosé maturańtczi).
Lëdowi kùńszt na nowi ë stôri ôrt parłãczi familëjô Kazanów. Wastnô Mirosława robi pùpë w kaszëbsczich ruchnach a wasta Jón różczi do tobaczi. Pògôdómë z nima cëż jich mòtiwëje do taczi robòtë, jak wëzdrzi wërobina taczich òsoblëwich produktów a chto je kùpiô.
PROGRAMA NIÉ Z NAJI WINË MDZE PÒ PÒLSKÙ