1 lëpińca mielë jesmë fejrowóné VIII Zjôzd Kaszëbów w Gdinie, tedë w nôblëższi programie “KASZËBË” nie mòże zafelac relacëji z ti rozegracëji. Mdzemë kôrbilë ò tim co Kaszëbów apartni a òd kògò chcemë sã jinaczëc. Równak przédną témą mdze sama kaszëbskô juwernota. Jaczé przedkłôdczi decydëją ò tim chto je Kaszëbą, a chto nié?
Sygnie le ùrodzëc sã na Kaszëbach, czë miec kaszëbsczich starszich, a mòże mùs je rozmiec gôdac pò kaszëbskù, abò bëc aktiwnym nôleżnikã Kaszëbskò-Pòmòsczégò Zrzeszeniégò? A co z tima, chtërné Kaszëbama są z wëbraniégò? Ò tim bãdzemë kôrbilë z najima gòscama, jaczima mdą:
Artur Jabłońsczi (przédnik K-PZ )
Róman Drzéżdżón (redachtora pismiona “Kaszëbskô Òdroda”, kaszëbsczi pòéta)
dr. Jón Mòrdawsczi (usôdzca „Statystyki ludności kaszubskiej)
Wańda Czedrowskô (szkólnô òd kaszëbsczégò jãzëka, dzejôrka ze Stãżëcë)
Katarzëna Czedrowskô-Zagòzdón (kaszëbskô dzejôrka, córka Wańdë Czedrowsczi)
Aneta Szopnë (“Kaszëbka z wëbraniégò”, dzejôrka z Pùcka)
Tadeus Dargacz (przédnik karna “Koleczkowianie”)
Na programã “Kaszëbë” rôczimë do TVG w pòniedzôłk (10 lëpińca) ò pół sódmi wieczór ë w niedzelã (16 lëpińca) ò pół sódmi wieczór.