We strzodã, 8 łżëkwiata ò gòdz. 18.15 w TV Trwam òbôczëc i ùczëc bądze mòżna kòncert wiôlgòpòstnych kaszëbsczich piesniów w wëkònanim sparłãczonëch chùrów- nôleżników Radë Kaszëbsczich Chùrow: „Lutnia” z Lëzëna i „Piãclëniô” z Lëni.

Wikszosc dokazów òsta napisônô specjalno na tã leżnosc. Nie zabraknie midzë nima znónych ju piesni, m.jin. „Na górze Krziż” Witosławë Frankòwsczi.
Chùrë przërëchtowelë Jan Szulc- lëńsczi i Tomôsz Fópka- lëzyńsczi. Ten drëdżi dirigeńt pòprowadzy spiéwanié w Toruniu. Na akordionie grac mdze Riszard Bòrisónk.
Do stołu òstną rôczony: ksądz prof. Jan Perszón, przédnicë chùrów Zygmùnt Brzezyńsczi i Édmùnd Szëmikòwsczi ë téż T. Fópka.
Òba chùrë nagrają w tim rokù swòjã pòspólną platkã, na jaczi nalézą sã religijné kaszëbsczé dokôzë, m.jin. „Mszô Kaszëbskô na chùr i diôbelsczé skrzëpice”. Promòcjô platczi mdze òbczas jubileùszu 15-lecô „Lutni” ju w rujanie tegò rokù.

Tómk Fópka