Dzys wieczór w karczmie Mùlk w Miszewie më rozpòwiôdelë ò nowò wëdónëch zbiérkach pòézje Gracjanë Pòtrëkùs i Mateùsza Mejra ("zderzenia" i "... zamkłô w słowach"), le nié leno ò tim...
Zaczãlë më òd krótczégò, przëszëkòwònégò w całoscë przez aùtorów, programù; bëło w nim gôdóné ò tim, czim je pòézjô, i dlôcze lëdze wiérztë piszą, a aùtorzë czëtalë nama swòje dokazë, w dzélu òdpòwiôdającé na pitania, jaczé zadôwa prowadzącô wieczórk.



Dziś wieczorem w restauracji Mùlk w Miszewie rozmawialiśmy o niedawno opublikowanych zbiorkach poezji autorstwa Gracjany Potrykus i Mateusza Meyera ("zderzenia" i "... zamkłô w słowach" ), ale nie tylko o tym...
Wszystko się zaczęło krótkim, przygotowanym przez autorów montażem słownym; była w nim mowa o tym, czym jest poezja, i co powoduje, że ludzie piszą wiersze, a autorzy czytali nam swoje utwory, które w części stanowiły odpowiedź na pytania zadawane przez prowadzącą spotkanie.

A pòtemù béł czas na gôdkã z młodima ùtwórcama. Pitelë më jich ò to, jak wëzdrzi jich pòéticczi warsztat (np. czë pòmôgô jima dajmonion, czë mùszą cãżkò prôcowac, żebë napisac cos bëlnégò), dlôcze i dlô kògùm piszą, jaczé wiérztë czëtają i czë cos dzãka temù zwëskùją... I òd te më doszlë do kôrbiónczi na rozmajité kòlpòéticczé i kòlkaszëbsczé témë: dlôcze sã pisze; czë ùsôdzca wiedno chce miec "rząd dësz" w jaczis spòlëznie; jaczé òbrzészczi mają kaszëbsczi "piszący"; czë pòézjô mùszi sã ò cos biôtkòwac, czë mòże to bëc "l`art pour l`art"; chto i zaczim sztudérëje tpzw. kaszëbistikã, i téż chto i jak jich ùczi i jaczé z tegò mòże wëcygnąc swiądë; jakô je rówizna szkólnëch kaszëbsczégò i dlôcze prawie takô jak je; czë nowi czerënk na GÙ, tj. etnokaszëbistika, mdze w sztãdze rozwijac kaszëbską swiądã... I jesz, i jesz...
W zéńdzenim wzãlë ùdzél òkróm PT Aùtorów i starszich Gracjanë, dwaji przedstôwcowie banińsczégò partu KPZ, drëszë pòétów, lëdze, chtërny twòrzelë "Tatczëznã", robòtnik Radia Kaszëbë i më, redakcjô nk. /
A potem był czas na rozmowy z młodymi twórcami. Pytaliśmy ich o warsztat poetycki (czy wiersze dyktuje im dajmonion, czy może sami muszą ciężko pracować, żeby stworzyć coś, z czego będą zadowoleni), po co i dla kogo piszą, czyje wiersze czytają i czy to im coś daje... I od tego doszliśmy do dyskusji na różne okołopoetyckie i okołokaszubskie tematy: po co ludzie piszą; czy twórca zawsze marzy o tym, by mieć "rząd dusz" w pewnej społeczności; czy i jakie obowiązki mają ludzie, którzy piszą; czy poezja zawsze musi o coś walczyć, czy może być "sztuką dla sztuki"; kto i po co studiuje tzw. kaszubistykę oraz kto ich uczy i jak to robi, i jakie z tego można wyciągnąć wnioski; jaki jest poziom nauczycieli uczących kaszubskiego (w szkołach) i dlaczego właśnie taki, jaki jest; czy nowy kierunek, jaki powstanie w przyszłym roku na UG, tzn. etnofilologia, będzie w stanie doprowadzić do rozwoju kaszubskiej samoświadomości. I jeszcze o tym i o tamtym...



W spotkaniu uczestniczyli oprócz PT autorów i rodziców Gracjany, dwaj reprezentanci oddziału ZKP w Baninie, przyjaciele i znajomi poetów, twórcy "Tatczëznë", pracownik Radia Kaszëbë i my, redakcja Naszych Kaszub.