Wiadomości - Sprawy społeczne - Lëst òtemkłi w sprawie „kastrowaniô z kaszëbiznë”
Losowe zdjęcie
11 Dobiegniew - rycerz na winorośli
Pomerania
Wygląd strony

(2 skórki)
Sprawy społeczne : Lëst òtemkłi w sprawie „kastrowaniô z kaszëbiznë”
Wysłane przez: fopke dnia 13.8.2003 10:02:18 (3264 odsłon)

Pierszim pòwiôtã, jaczi wprowadzył do pùblicznégò żëcô kaszëbsczi jãzëk bëł p. pùcczi. Pòwiatowô radzëzna pòdjimnã ùchwała ò tim, że dopùscywô sã kaszëbiznã w nazëwanim pòwiatu. Pòstawionëch òstało pôrã tzw. „witaczów” w dwùch jãzëkach. Pózni, wejrowsczi pòwiôt szedł dali. Dopùscył ùżëwac kaszëbsczi téż w promòwanim pòwiatu (radzëcelowie nie zgòdzëlë sa na ùżiwanié gò w pòwiatowëch jinstitucëjach). Pòstawionëch òstało kòl 12 tôblëców pòlskò- kaszëbsczich na pòwiatowëch drogach na greńcach pòwiatu.
Dëcht niedôwno, kartësczi pòwiôt pòszedł jesz dali i wprowadzył ùżiwanié kaszëbiznë przë nazëwanim jinstitucëjów. M.jin. pòsélcka Arcëszewskô- Mielewczik pòwisa tôfle w dwùch jãzëkach na swòjim biurze. Wiém téż ò pòwiatowim, kartësczim szpëtôlu, dze miałe bëc taczé pòwiszoné. Jeden z direchtorów négò, przë tim pòwiatowi radzëcel –Ropel- bëł ùdbòdôwcą ti ùchwałë.

Czile tidzéniów temù dokònôł jem sã, że dzél kaszëbsczi wejrowsczich tôflów òstôł zamalowóné. Przodzy zdôrzało sã, że jaczis cëzy bówce cos „naszprajowelë”. Te tôblëce bëłë wëmieniwóné. Czej jem terô zmërkôł sprawã, rëchòwôł jem na to, że to mòże je jakôs naprawa. Jednakò przez tidznie do dzys dnia nick sã nie dzejało.
Móm nôdzejã, że sã milã i że ne napisë sã zôs pòjawią, bò jeżlë nié –to wëzdrzi mie to na czëstą, antikaszëbską prowokacją.
Czedë jadã do Lëzëna na cotidniową próbã Lutni (mieszkajã w Chwaszczënie), mijóm „wëkastrowoné z kaszëbiznë” witacze przed Dombrzewinã. Bòli mie to tim barżi, że to prawie mie, z ùdbë starostë Szalewsczégò przëpadło projektowanié i pilotowanié akcjë stôwianiô wejrowsczich witaczów.

Z ùwôżanim

Tomasz Fópka

Strona do wydruku Poleć tę stronę (e-mail)
Wyróżnienia
Medal Stolema 2005   Open Directory Cool Site   Skra Ormuzdowa 2002