Ze tczą dôwajã do wiedze, że ùkòzôł sã nowi numer kaszëbskòjãzëkòwégò pismiona Òdroda. Òdroda dosc tëli sã zmieniła. Òd tegò numra ji tilël ë winieta są jinszé (Òdroda terô nazywô sã Kaszëbskô Òdroda), zmienił sã téż wëzdrzatk pismiona (np. òbkłôdka ë dwa starnë benë są farwné).
Òdroda z darmòwégò sta sã pismionã za dëtczi! Temù téż zmienił sã ôrt kòlpòrtażu ë temù w niechtërnych dôwnych môlach sã ji ju nie dostónie. Dlôte zachãcywóm do zapisywaniô so Òdrodë.
Normalno priz Òdrodë to 2,00 zł. Zapisanié kòsztëje wicy, bò do prizu numra dorechòwùjema kòszt wësłaniégò (kùwertów ë lëstowëch merkòw). Temù zapisanié kòsztëje: na pierszé 3 numrë, benë Kaszub ë Pòlsczi – 10,50 zł, 6 numrów - 21,00 zł., 9 numrów - 31.50 zł. Bùten Pòlsczi za piérszé 3 numrë – 6,00 euro, 6 numrów - 12,00 euro, 9 numrów - 18,00 euro.
Zapisanié je mòżno zrobic w redakcëjë (Gdiniô, ùl. Gòska 8, tel. 058/629-59-46); abò téż bez wpłacenié dëtków na kònto wëdôwcë (NORDEA 2214401026 0000 0000 0320 1888), z dopisënkã "Odroda-prenumerata" (je mùs téż pòdac swój adres bësma wiedzelë, gdze wësłac zapisóné numrë Òdrodë, a téż òd jaczégò numra mómë zacząc wësëłanié cządnika)
Baro zachãcywóm do czëtaniô najégò pismiona.
Rôczã téż do zazdrzeniô na najã jinternetowã starnã: odroda.zk-p.pl
brateczno pòzdrôwióm
Grégòr J. Schramke