ks. bp. K. Dominik - sesja
Data 10.3.2004 2:01:15 | Kategoria: Wydarzenia
| W sobòtã 6 strëmiannika we Wëższém Dëchòwném Seminarium w Pelplinie, òdbëła sã sesja pòswiãconô Bòżemù Słëdzë ksãdzu biskupòwi Kònstantowi Dominikòwi - òbezdrzi òdjimczi Całi zińdzeni zaczãło sã òd wëspólnégò rozwôżaniégò Mãczi Pańscziéj na Krziżowéj Drodze w jãzëkù kaszëbsczim, przërëchtowanéj bez gòspòdarzy, to je Klub Sztudérów Kaszëbów „Jutrzniô”. Pózniéj wszëtce zeszłi, przë arbace ë sznekach, wësłôchëlë referatów ò żëcym ë dzëjaniém ksãdza biskupa. Piérwszy dzél, to je do swiãceń kapłańsczich, przedstawiéł Adam Hintzka, nôleżnik wespółorganizatora zińdzenigò – Karna Sztudérów „Pòmòranijô” ze Gduńska. Ò dalszéch dzejach biskupa Dominika òpòwiôdôł król „Jutrznië” klerëk Wiesław Szuca. Prezentacëja rozpòczãła sã ë tôż zakuńczã wësłôchaniém tematicznëch wiérztów, przërechtowonéch bez nôleżników òbadwóch karnów. Pò zapòznaniém sã z tã wialgã pòstacëją „Kaszëbë, Biskùpa, Człowieka” wszëtce ùdëlë sã na pelplińsczi smàtôrz, gdze je pòchòwany ksãdz Dominik. Tam téż w rozdéj mòwie òdmówiele różańc a téż złożëlë kwiatë ë zapôlëlë znicze. W ten spòsób Kaszëbi òddële czesc temù swiãtemù człowiekòwi ë wialdżémù òrãdownikòwi kaszëbsczigò jãzëka.
|
|