Kaszëbi sprzed naszi erë
Data 12.9.2003 19:17:09 | Kategoria: Aktualności
|  | We czwôrtk, 11 sëwnika, w Môłi Przëjazni kòl Żukòwa òdkrëté òstałë dwie ùrnë z lëdzczima gnôtama. |
Jeden z òkòlëcznëch gbùrów szukôł kamów do bùdowë. Natrafił na szeroką, kamianną platã, pò òdsëniãcym chtërné pòkôzałë sã dwa glëniané zbónczi, kòżdi z wërëtima sztriczkama. Gbùr zazwònił do Ùrzãdu Gminë w Żukòwie, a na starżë kòl grobù pòstawił swòją familiã. Za sztót przëjachelë ùrzãdownicë, kôzelë zabezpieczëc ùrnë i zazwònilë do Archeologicznégò Mùzeùm we Gduńskù. Na drëdżi dzéń na placu bëlë ju badérowie, pòdług chtërnëch ne gnôtë są z V-VI stalatë p.n.e. Terô dérëją badérowania: w jaczim zbónie bëł chłop- w jaczim białka.
|
|