Cytat:
Jô mëszlã że wiém – ze zgniłotë.

Grif jakno kaszëbsczé godło zaczął sã popùlarëzowac w I połowie 90. lat, tédé bëł òn do ùzdrzeniô na rozmajitëch òbéńdowëch gazétkach ë cządnikach. Òb ten czas, mërkóm, bëło znac trzë nôpopùlarniejszé wzorë grifa: jednégo dostół jem w elektroniczny formie òd Eùgeniusza Prëczkòwsczégò czéj òn bëł przednikã klubù „Pomorania”; ten gryf mie sã nôbarżi widzał ë starał jem sã gò propagòwac, òn je w tamtoczasnëch dokumentach „Pomeranii”. Drëdżi grif to „kangùr” z logo Zrzeszeniô; na Kongres Kaszëbsczi w 1993 r. mielë zrobioné wiele fanów z tim grifã, mógł je widzec jesz cziles lat pózni. Wedle mie za tima kongresowima fanama poszła dba, że kaszëbskô fana to je żółta fana z òbrôzã grifa – czësto przék weksëlologii ë heraldice; czemù òrganizatorzë Kongresù zrëchtowalë cos taczégò na nié normalné czarno-żółté stanice – nié wiém, bédëjã pëtac òrganizatorów, np. tamtoczasnégò przédnika ZKP J. Bòrzëszkòwsczégò. Trzecy grif to je nen „szadi”, jô miał gò nazwónë „bëtowsczim”, bò do mie òn doszedł z òkoligò „Kùriera Brtowsczégò”. Jeden z Pomorańców wëdôł nalimczi z tim grifã ë nôpisã „Kaszëbë”. Te nalimczi stałë sã baro popularné – piérwi na aùtołach, pòzni téż na tôflach z mionama môlów. Mëszlã, że wzór tëch nalimków, zrëchtowóny gwes w jaczims Corelu, pòszedł w swiat i wszëscë do dzys dnia gò pòwielają.

Czemù jô piszã ò zgniłocë? Kò temù, że przez té wszëtczé lata nikomù nié chcało sã ògłosëc, jak pò prôwdze pòwinna wëzdrzëc kaszëbskô fana, a tim, co handlują nyma fanama, nie chcało sã pòmëslëc, co pò prôwdze słëcho jima sprzedawac.

Na slédnym zjazdu ZKP bëło stoisko z wëdowiznama Zrzeszeniô, mógł tam téż dostac te fanë z grifã. Jô sã spëtał białczi, czë òna mô kaszëbsczé stanicë. Rzekła że jo, i pòkôza mie te fanë z grifã. Jô rzekł, że to nié są kaszëbsczé fanë, bò té pòwinnë bëc czôrno-żółté. Òna mie spëta – A CHTO TO ZATWIERDZËŁ? Próbował jem ji wëtołmaczëc, że tak mùszi bëc, bò taczé są zasadë pòchodnoscë fanów òd òd hérbów – lë òna mie nié wierzëła, le gôda, że taczé dosta òd Zrzeszeniô i kùńc. Że òna pòwołëwała sã na Łukasza Grzãdzëcczégo, to sprôwadzëł jem gò i chcôł jem, żebë Łukasz rzekł jasno, jakô je kaszëbskô fana, jakną trzéba mdze dali zamawiac. Nie jem gwës, czë òni tam so wszëtkò wëtołmaczëlë, ale pò prôwdze wicy jô nië mógł zrobic. Przëbocziła mië sã Zasobowa diskùsëja ò jintelektualnym feùdalizmie bënë ZKP... znôù ùzdrzëł jem lëdzy, chtërny nié chcą miéc gwôsnégò zdania. Z drëdżi starnë co móm sã dzëwòwac niéùczałim lëdzóm, czéj do niedawna na sedzëbie Zrzeszeniô wisa prawie takô „kaszëbopòdobna” fana a nie czôrno-żółta stanica... jak je dzyso – nié wiém.

Cytat:
Marek zrzësził kaszëbską spoleznã w nowim môlù, ale nié pisze wiedno pò kaszëbskù... ... jak to òcenic - przëbôcziwa mié sã taska, jaknô mòże bëc do pòłowë fùl abò do pół pùstô. Czëstniã, że dba ò kaszëbsczi jãzëk je dlô Ce tak wôżnô, ale nim zaczniesz kritikòwac kògòs, że nie pisze pò kaszëbskù, przóde pòmëszlë, co Të zrobił wicy jak pisanié pò kaszëbskù na fòrum. Dobrze, że piszesz, ale to nie je jedinô rzecz, jaką móże zrobic dla kaszëbiznë. A na kòlbùdzczim zéńdzeniù miôł jem czëté jak Marek gôdôł wicy pò kaszëbskù jak pò pòlskù.