Strona główna forum Sprawë Wiérztczi do smiéchù |
| Od najnowszych | Poprzedni wątek | Następny wątek | Koniec |
Nadawca | Wątek |
---|---|
Belok |
wysłane dnia:
10.7.2004 6:54
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù Nëkô bana pò bansztrece
100 wagónów z sobą wlecze A w wagónach jak na trónach Sedzą lëdze w dëmù blónach Kim ti są, co baną czadzą? Kòmùż òni dim nen kadzą? To doch nie bądze wiôlgą fatigą Wëmienic wszëtczich jak sedzą za régą: Tam dze nen pôch sã cygnie òkropny Sedzą Kaszëbi co zwóny są Blotny Zôs tam dze wiater banie wcyg znobi Sedzą zmiartilcë – Kaszëbi Piaskòwi A w tim wagónie dze w ùszach szëmi Do se „psiąkają” Mòrsczi bez zemi Fejny Kaszëbi sedzą na przódkù Ti co są Grëbi cësną sã w slôdkù Są Propòlôchë a Narodowcë Pòmòraniacë a Tatczëznowcë Farwnoruchnowi ë Dżinsowati Glacbómbòwati, a ti Klatati Nisczi, Wësoczi, Sëti a Zmiarti Trzézwi, Pòdpiti a w czit Ùżarti Wszëtczich Kaszëbów nicht nie pòliczi Bò jëch tam sedzy stodwasta wicy! Na kùńc òdpòwiesc: skąd wząl sã dim? To baro prosté: bë mógl bëc rim! Kòscérzna 10 lëpińc 2004 Nen wiérzt nalézesz téż w nônowszim numrze ÒDRODË! |
fopke |
wysłane dnia:
10.7.2004 20:40
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wiérztczi do smiéchù Pòkòscérznianô czikòtka- "B"- etuda
Bana- kòlibiąco- spiąco... Bëne- Drzeżdżonów dim i piwa surpanié... Bùten- niebò zacygnioné, tej sej prëczkùje... Barónkù Bòżi- letczé w piersë klepanié pò Szlôdżi kôzanim... Biną rządzył niepòkònóny Éd, chtëren zapòwiôdô... Baro piãkno pò pòlskù przemówił do lëdzy Przédnik Wszëtczich Przédników... Bëła téż pòdobno Wiceprzédniczka Dwùch Nôzwësków pòlsczégò rządu i chca wiele gadac, leno chtos zrobił z nią rząd... Brekòwało sztrómù- za 9. miesãcy mdze wicy Kaszëbów... Briczką jachało czile drëchów- mdze òdjimk kóńsczich rzëców... Brało pò tôbace na czich- òbniechôł jem nã Klich... Bédëjã Kombi sztëczi słëchac na platce Chëczi... Tómk Fópka, Chwaszczëno, 10. lëpińca 2004r., gòdz. 20.37 |
Belok |
wysłane dnia:
16.7.2004 16:27
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù Òżniwinë
Jedze trekrã bùszny gbùr Z pòla zebrôl dzesãc fór Stodolã mô nafùlnioné Kòpã dëtków zarobioné Òżniwinów naczic czas Bùdlów sznapsë wëpic las Bdze zôbôwa na lëdowò Nót je wëpic tedë zdrowò Mùzykańta skòczno graje Ë z kòmpùtra ritm nadaje A że spiéw mù cos feleje Te co sztót so wódczi wleje Knôpi wëspiéwùją spiéwczi Cknącë wieczór snôżé dzéwczi Òne chãcë wiele mają Dosc ju lat na beńlów żdają W stodole bdą sã scyskalë Zbòżé przë tim draszowalë Tam niejednô wiónk żniwòwi Òddô swòjémù knôpòwi Brzadã tegò „draszowaniô” Bądze „sztëka wëchòwaniô” Dzãka taczim òżniwiną Flot Kaszëbi nie zadżiną Le sã bądą rozmnôżalë A wcyg pëszno swiãtowalë |
fopke |
wysłane dnia:
16.7.2004 22:17
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wiérztczi do smiéchù Pò ti draszbië bãkart mdze...
Zôrnã sëpnie z kòżdi dzurë... Wiater weznie plewë w bòk... Semiã zeżgrzą chcëwé kùr..ë... |
Belok |
wysłane dnia:
29.7.2004 18:11
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù Zdrzélnikòwô frantówka
Na zófie dobrze leżec mie Na zófie swiat cekawszi je Pilota w rãce mòckò trzimóm Kanałë zdrzélnika zmieniwóm W nim swiat cekawszi wiele je W nim wiedno cosz nalézã se Bò, wejle: Są tam zachãcbë Są gòłé jãdze Dzél pòlityczi A kąsk mùzyczi Fylmë wszëljaczé Zwiérzãta a ptaczi Roslënë Malënë Jedzenié ë picé A co tam jesz wicy! Knąpë pilota knypsac fejn je Zmieniwac kanałë dobrze tak mie W telegazétã dërch wcyg zazéróm Bëlné programë wiedno wëbiéróm Jô doma zdrzélnik mùszã doch miec Bò jô bez niegò ni mògã ju żëc! Bò, wejle: Są tam… ...dali Wa! |
fopke |
wysłane dnia:
29.7.2004 22:17
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wiérztczi do smiéchù ...je kaszëbsczëch programów trójno:
Tej „Rodnô Zemia”- w niedzlã pò pôłnim, Kòl wieczora, we strzodã, cos pò dlôdzecym Pòsobny magazin dlô zabôczlëwëch lecy... Tej sej wanożã pò satelice... Tam sam grają w balã, chtos pleszcze wice, Chòc le ta Jizka z pòlsczi lewicë, Co równouprawiac chce białczi i chłopa- Wszëtczich ùnisex- w jeden miech sztopac... Nierôz mie przińdze cëchò łzã pôłknąc, Czej grają snôżi film w „Stôrim Kinie”. Czasã zôs trafi na bôjkã wzérknąc, Dzeckò wierzgòli sã na mim klinie... Co pôrã tidzniów jidze ópera- Chãtno jã słëchóm leżącë we wërach! Flot knypsnã pò tim na teledisczi: Żôgùją knôpi, kôrczą World-Missczi Tu bùten szëkù, tam na pół z rzëcą... Pilotë w rãkach...spiã...tak co wieczór... |
Belok |
wysłane dnia:
2.8.2004 12:00
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù Kòmpùtrowô spiéwka
Sedzã jô sã na stóleczkù Móm pôluszczi na déleczkù Wcyskóm chùtkò „enter” knąpã W jintrnéce robiã ruńdã Ref. @laże! @lano! To ce je! To je to! Tegò nót mie! To mie sprawi Bë sã bëlno dzys zabawic W grósce scyskóm snôżą mësz Na sexbabë móm dzys lëszt Dlôte szëkóm a sznëkrëjã Jaż sexstronë jô òdkrëjã Ref. @laże! @lano! To ce je! To je to! Tegò nót mie! To mie sprawi Bë sã bëlno dzys zabawic A nôgòrzi jak sã zdarzi Jak kòmpùter mie sã skażi Nijak pògrac, pòòbzérac Le sã legnac ë ùmiérac Ref. @laże! @lano! To ce je! Blós nie to! Tegò nié! To mie nie sprawi Bë sã bëlno dzys zabawic dali wa… |
fopke |
wysłane dnia:
8.8.2004 9:53
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wiérztczi do smiéchù Rôd bë mòże chłop òkã ne seksë pòżérôł,
Jeżlë bë tam białka tej sej mù nie zazéra... Takô tej nama mòże stąd płënąc dorada: Swòją doma szmakac- nié nóm cknąc cëzą babã! |
Belok |
wysłane dnia:
25.8.2004 12:09
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Re: Wiérztczi do smiéchù Dzyń, dzyń, dzyń
Skąd nen jamer, wiôldżi krzik Lzawi placz a glosny blék Skąd szarpanié ë tupanié Tatka pasa ùżiwanié Skądkaż nënczi zawòdzenié Wùje glosné jarmòlenié Ópë palëcą machanié Ómczi pacérzów klepanié??? Chto mie rzecze cëż je lós Nen dobądze dëtków wóz To je, wejle, prosti wic Czas do szkòlë je ju jic! |
fopke |
wysłane dnia:
30.8.2004 22:42
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wiérztczi do smiéchù Sôdł jem i lëtrë dostôł do szëkù
Taką móm ùdbã na zdrzódło krzëkù: Dejadë z òbzéraniô òlimpiadë... Krzëkwia, czej Kòrzéń skùńcził piãcdzesąt, Rusk ledwò żëwi slôdë sã plątôł Òstro rwa w górã kilo kòl tësąc Wróbel Agatka, spòsobnô skóra... Chùtkò téż czadza wòdą Mòtilia Gruchała mia wnetk ùpchłé Włoszkã A Szaranowicz, Babiôrz i jiny Jakùż sã ni mòglë dobëcô dożdac... Barżi kùltura mie òdpòwiôdô Stąd jednym òkã na tom blós wzérôł... Nôlepszim sportã- a wiém, co gôdóm- Je wëpic zëmné z lodówczi piwò... |
« 1 (2) 3 4 5 ... 8 » |
| Od najnowszych | Poprzedni wątek | Następny wątek | Top |