Czédës bëł Szczepcio i Tońcio, dzys mòże bëc Romcio ë Tomcio.

cyt: Tak pò prôwdze leno jedna gazéta je kaszëbskô- "Òdroda". Reszta je pòmòrskô...


Je téż "Zwónk Kaszëbsczi" w całoscë pò kaszëbskù, jedurno kòrbionka z biskùpã pelplińsczim bëła pò pòlskù.

----------------
Zdrzë: Peccunia non olet (Piniądz nie smierdzy)

Kòmùdnô jeséń

Séwnik
Séwnika nie lubią dzecë
Czas za nôùkã sã ju wzyc
Jesz na niebie slunkò grzeje
A ju nót do szkòlë jic

Rujan
Rujan to ribòwi czas
Ë na jabka ë na krëszczi
Tu sztudeńcë mają jiwer
Bò sã cząd zaczinô cãżczi

Lëstopadnik
Miesąc smùtkã sã zaczinô
Wiater z drzéwiąt lëstë rwie
To je cząd zwóny „barowim”
Bò w nym czasu pic sã chce

Gòdnik
Czë to jeséń, czë ju zëma?
Na mëszl w bani mie kòlibie
Czej jesz w kôlendôrzu jeséń
To za rutą chaja zybie

Jeséń to je dzywny czas
Niech le ktos òdpòwiesc dô
Czemùż taczi je kòmùdny
Ë szterë miesącë mô???

Na wrëje

Na wrëje, na wrëje
Nëkóm jô co wieczórk
Do sąsedny wsë
Do Anczi na wrëjë
Mòże z tegò lażeniô
Cosz tam w kùńcu bdze

Na wrëje, na wrëje
Wrëjowac mie sã chce
Jak to nie dô kòl Anë
Pùdã do nastãpny wsë
Mòże tam kòl Trudë
Pòszczescy sã mie

Nie dalo kòl Anczi
Ni w nastãpny wsë
Le jednô ë drëgô
Wënëkalë mie
Terô ju wrëjowac
Mie sã ju nie chce

Bôjka ò Pòsélcu Dómie

Rôz, czedës, dzes,
Òpòwiém to Wóm:
Ził jeden bies
Co zwôl sã Dóm

Takùż sã zwôl,
Dolmaczã jô Wóm
Rzeklënã òn miôl:
„Jô Wama dóm!”

„Dóm Wama dëtczi”
Jô sóm to czul
„Miech żëcô letczi,
A fùlny stól!!!!!!!!!”

Wcyg takùż gôdôl
Jaż zaszlo w glowë
Kòżdi gò lëdôl
A za nim wëlowôl

Jak wiôldżi Pòsélc
Òn w Sejmie pùrtôl
Miast ò nas sã bic
Nen robil bùrdel

Rãkã pòdnôszôl
Jak mù kôzalë
Ùstawë wnôszël
Jak jemù gôdalë

Chòc malo wiedzôl
Dobrze so miôl
Na rzëcy le sedzôl
A dëtczi wcyg brôl

Proszëlë më ó to:
„Nie żrë doch sóm!”
Òn gôdôl le nó to:
„Jô dzesz Waju nóm!”

Le przëszedł cząd
Że më sã zgòrzëlë
Ë wzãlë gò stąd
Flot pònëkelë!

Przëchodô Kazmiérz do Ùrzãdu Gminë w Plëtach Òbeschłëch...

- Dzień dobry!- rzekł, czej przelôżôł przez ùrzãdu próg
- Na wieczi wieków!- ùczuł zarô zza tómbaka
- Sadnijce so! Wójte jesz ni ma. Dóm Wami stółk.
- Chcelë Wë arbatã, kawã, mòże tobakã?

- Chciałbym- gôdô pòsélc- złożyć u Państwa wniosek.
- Hewò są drëczi! Òpiszce tej Waje sprawë...
- Ależ nic nie rozumiem! Po jakiemu wnoszę!
- Kò wiedno pò kaszëbskù! Jesce Wë ... z Warszawë!?

Krócechny, filozoficzno-filologiczno-telekòmùnikacëjno-geògraficzny wiérzt ò kùńczeniém, proszeniém, zwònieniém, jachaniém ë òdpòczëwaniém w daleczich stronach.

Czas ju na łikend
Tidzenia de edn
Proszã nie zwònic
Bò jadã do Kent!

Wanożnô wëliczónka

Lażą lëdze pò Kaszëbach, tuwò wiele jidze zwiedzac:

W Gduńskù Krësztofa, w Pùckù hôwingã,
W Wejrowie Kalwarëją, w Kartuzach mùzéùm,
We Wdzëdzach stôré chëcze, w Jastarni mòrsczé secë,
Na Zabòrach pëszné pòla, w Szwajcarëji zôs jezora,
Diable kamë tam-sam leżą, w Mechòwie do grotë bierzą,
W Łebie wiôldżé stoją dunë, kòl Darżlëbia lasë znóné...

Czasë nót je do te wiele - tu nie sygną trzë niedzele,
Trzéba chòdzëc całi rok, bë widokã napasc zdrok.

Wiérzt ò sztridze,
a téż ò tim co Kaszëb mô w gãbie
ë jak dalek mòże z tim czims dóńdz

Òd latów latecznëch
Lëdze sã
Sztridëją
Czë kaszëbskô gôdka
Jãzëk to
Czë gwara

Niejedny niekara
Cë rzecze:
“To je pòlskô gwara!”

A jô wóm rzeknã prosto
Jãzëk to jak trzeba
Z chtërnym dóńdzesz
Wszãdze
Nawetka do nieba

prof. Janowi Miodkowi

Lëtanijka do kaszëbsczégò jãzëka

Czej „ùczałi” jaczis wgadac cos sã starô- biôj mie précz niekaro, z twòją pòlską gwarą!
Czej kùreszce czëc, że na to ju nie zgarôsz- biôj mie précz niekaro, z twòją pòlską gwarą!
Czedë dwùch ùczałëch ò tim pleszcze narôz- biôj mie précz niekaro, z twòją pòlską gwarą!
Czej ò tim gôdanié kąsk za długò warô- biôj mie précz niekaro, z twòją pòlską gwarą!
Czej ju trzech ùczałëch przekònónëch baro- biôj mie précz niekaro, z twòją pòlską gwarą!
Czedë argùmeńtë mést sã skùńczą zarô- biôj mie précz niekaro, z twòją pòlską gwarą!
Tima, co w Warszawie lëchò nóm sã sprawią- biôj mie précz niekaro, z twòją pòlską gwarą!
Czej ju mëslisz, że z tim przespac bë sã dało- biôj mie précz niekaro, z twòją pòlską gwarą!
Zafeflotôł Remùs nad ksążk fùlną karą- biôj mie précz niekaro, z twòją pòlską gwarą!
Czej ju gôdką żódną nie przekònôsz miarą- biôj mie précz niekaro, z twòją pòlską gwarą!
Czedë dzywnô wiérzta, rim nie ten, tej dało- biôj mie précz niekaro, z twòją pòlską gwarą!

Tómk Fópka
Chwaszczëno, 10 lëstopadnika 2004 rokù, gòdz. 22.12

----------------
"Pòjmë w przódk z kaszëbizną!"- J. Trepczik- www.fopke.pl