Szukóm młodëch raperów abò hip- hopòwców, chtërnëch cekawi rapòwanié pò kaszëbskù.

Tómk Fópka

Jô bë nawetka chcôl pòrapòwac, czë pòhip-hòpòwac, le nie wiém czë mògã. Dlôte móm szterë zapitaniô w ti sprawie:
Pò pierszé: Czë jô czasã nie jem za mlodi do ti robòtë?
Pò drëdżé: Czë mùs je rozmiec spiéwac?
Pò trzecé: Czë kòl rapòwanégò mùszi bëc rim?
Pò czwiôrté: Czë hip-hòpòwac mòżna le w Hòpòwie?
Rómk

Kaszëbsczi rap- men mùszi przede wszëtczim chcec rapòwac pò kaszëbskù. Nie brëkùje spiéwac. Przedô mù sã dobrô dikcëjô i wëczëcé ritmù. Rim nie je nót. Wôżné téż, żebë wiedzôł ò czim rapùje.
Tôczël z rapòwanim mòże mieć malis (swiéżo z łónka z pùnką wëlazłi) i starëszk, chtërnémù gebis na refrenie mógłbë zrobic jakąs „synkòpã”.
Tak tej mëszlã, że so pòradzysz.

Pò mòjémù nen zort mùzyczi dobrze nadôwô sã do promòwaniô naszégò jãzëka- mô sã rozmiôc, przë taczim rapòwanim, żebë lëdze rozmielë ò czim je gôdka. (Niechtërnyma jesz wcyg sã czasã wëdôwô, że spiéwią pò kaszëbskù- słëchińcowie pò przesłëchanim platczi ni mają pòjãcô ò co jidze, nawetk ti, co bëlno kaszëbsczi znają. Kò wiedno mòżna rzec, że to je tereczasno kaszëbskô pòezjô z czësto trepczikòwską, nową słowizną).
W pisanim mùzyczi i tekstów móm starã stôwiac na jãzëk zrozmiałi, blisczi słëchińcowi- bëlno (wërazno) w tim przëtrôfkù przekôzóny przez rapera. Mùzyka je dodôwkã, jaczi mô służëc „sprzedanimu” tekstu. Jãzëk je nôwôżniészi! Bez niegò ni ma „kaszëbsczi mùzyczi”!!! Zgôdzóm sã téż, że snôżô melodiô je wôżnô. Leno òna mô funkcją służebną procemkù tekstu- mô wpadnąc w ùchò i zachãcëc słëchińca do zapamiãtaniô tekstu- zajinteresowac jãzëkã.

Przë leżnoscë:
- Bòdôj „Hopòwiónowie” z Hopòwa òstro hip- hopùją. Piją przë tim „Hippo” i hopsają z hipopòtamã mionã Hipòlit. Niglë skòczą, krzëczą „hop”, a w całoscë tak robią hippisowie z sopòcczégò hippòdromù.

Tómk

Panie Tomku , mój 13 - letni syn Michał Klas jest utalentowanym tancerzem. Zgodził się , abym zgłosił jego kandydaturę i proszę o odpowiedź. Sławomir Klas z Luzina . Podaję mój e-mail : slawekj23autograf.pl

Jestem synem Sławomira Klas który właśnie przed chwilą wysłał do Pana e-maila. Uczestniczyłem w 3 miesięczym kursie tańca w naszej szkole w Luzinie. Bardzo chciałbym umiec trańczyc breakedance. Nie opuszczam żadnej dykoteki i świetnie się na nich bawię. Mój adres to greezly@wp.pl

Karno z Somònina je zajinteresowóné kaszëbsczim hip- hopã. Bądze jich mòżna ùczëc (jesz pò pòlskù), i òbôczëc 23 czerwińca, w Żukòwie kòl „Jezórkã”. Bédëjã młodémù tùńcorzowi zazdrzëc na ną jimprã.
Na zélnik szëkùje sã premiera kaszëbsczégò hip- hopù w Kòscérznie.
Pòzdrówczi
Tómk Fópka