Strona główna forum Sprawë Spisënk dzysdniowëch diôbłów |
| Od najnowszych | Poprzedni wątek | Następny wątek | Koniec |
Nadawca | Wątek |
---|---|
Belok |
wysłane dnia:
29.9.2004 20:59
|
Nie mogę oderwać się od tej strony! Zarejestrowany: 21.3.2004 z: Pëlckòwò Wiadomości: 295 |
Spisënk dzysdniowëch diôbłów Dzysdniowé diôbłë:
Kwachilc – nôwôżniészi diôbeł w piekle. Pò swiece jeżdżi czôrnym autółã, tëje w òczach, wiele gôdô ë… ni mô niżódny władzë. Chce wëzdrzec jak aniółk, le nijak ni mòże skrëc diôblëch różków, kòpëtów ë tëpë. Premierówc – nen czôrt rządzy òrszôkã, w chtërnym są pùrtcë zwóny Mynystrama. Razã, w grëpie, rządzą piekłã, le tak, że wcyg robią jaczés dëtkòwé deficytë… òkróm swòji taszi. Pòsélc – mô swòjé gniôzdo w Sejmie, lubi sedzec na slôdkù, pic, żréc a rëchòwac dëtczi. Òd czasë do czasë pòdnôszë rãkã, le nie wié docz. Pòsélców je dosc wiele. Żëją nôkrócy 4 lata, chòc są przëtrôfczi, że jaż 8 abò nawetka 12. Senatóra – je to ôrt Pòsélca, le kąsk mądrzéjszi - tak jemù sã przënômni wëdôwô. Radnélc – mniészi ôrt Pòsélca, robi to samò co nen. Je czile ôrtów negò diôbła: gminny, miesczi, pòwiatowi a wòjewódzczi. Staróst – chce miec władzã nad Radnélcama ë pùrtkama mniészégò szlachù, le cãżkò mù nad nima zapanowac, tej je baro nerwòwim czôrtã. Wójtówc ë Bùrmestr – nen pierszi straszi na wsach, drëdżi w miescë. Strëszé ne diôbłë nômili pùrtają w stółczi, sznëkreją w knérze, czorchają sã pò bani, ë rôd pòdpisëją dëtkòwą lëstã. Skarbòwi – dëtkòwi, chcëwi pùrtk, chtërnémù wiedno je mało. Czasã jidze jegò òszëkac, le jak złapi òszëkańca, te baro sã gòrzi. Chwatô tedë za szpérë ë trzãse tak długò, jaż wëtrzãse òstatnégò dëtuszka. Jegò pòmôdżerã je Kòmòrówc. Zusélc – nie milëc z zósã! Wëdôwô sã, że je to slepi, głëchi a mùmlowati diôbeł, a tak pò prôwdze je baro chcëwi ë lubi scygac z lëdzy skórã. Gôdô, że òddô ją na starosc òdnowióną, le nigdë nie dotrzimùje słowa, zwrôcając ją wëgarbòwóną. Jegò métel dzejaniô szlachùje za diôbłã zwónym Mafiówc, tak jak nen nôbarżi dokùczô môłim a strzédnym kapitalistą. Bezpiek – czedës diôbłë Bezpieczi sedzałë w jednym piekle. Terôczas są pòdzeloné, ë kòżdi mô swòjé apartné gniôzdo. Bezpiek je namieniony do nibë-òchronë lëdzy. Bierze zó to mieszk dëtków, chtërné cãżkò mù pùzni òddac. Jak jaczims cëdã przëchôdô do wipłatë, mòckò sã sztridëje. Milëcjón terô przechrzszczóny na Pòlëcjóna – grasëje na szasejach, łapiąc autóła. Lubi dëtczi. Mùs je na niegò òpasowac bò lubi zamëkac, a pòtémù straszëc, w sôdzë. Diôbłów negò ôrtu je baro wiele. Dobré je to, że letkò gò jidze rozpòznac pò òbleczenkù. Baro lubi mòdrą farwa. Chto pòtkôł jaczégòs jinszégò diôbła, proszã dopisowac. |
Tobacznik |
wysłane dnia:
30.9.2004 10:20
|
Stały bywalec Zarejestrowany: 25.5.2004 z: Wiadomości: 52 |
Re: Spisënk dzysdniowëch diôbłów Je jësz taczi diôchôł, co naziwô sã Tele. Wiele lëdzy lubi na niegò wcyg wzerac, i cos sã dowiedzëc, bò mô rodżi na dakù i scygô fale z piekła, chtërno mô swòjã sëdzbã na Wiejsczi w Warszawie. Klapie wiele ò pùrtkach, co smòłą robią jinéch na czôrno, a sami ùczajką pierzą czôrné (ùczapóné?) dëtczi. Nierôz, jak chwôcy gò grzenia, tej bez spik gôdô ò bëlnych rzeczach. Ale nëmù diôchłòwi mòżna zamknąc pësk przez wcësniãcé czerwòny knąpczi.
|
lepusz |
wysłane dnia:
1.10.2004 0:24
|
Dobrzińc Najich Kaszëb Zarejestrowany: 25.9.2003 z: Kolbudy Wiadomości: 510 |
Re: Spisënk dzysdniowëch diôbłów Arcty Zusélc - to je taczi pùrtk chterny ùczëł sã na dochtóra i miôł bëc aniołã, le za dëtczi òstôł diôbłã. Òd wieloty dëtków jemù sã musk zmitczëł i òn dotątka wcyg milë Hipòkratésa ze hipòchondijã. Swòjé gniôzdo òn mô co le mało kole Zusélca.
Mô ful zasłużënów dlô piekła, òsoblëwie tim, że òn wmòdlëwa baro chòrim lëdzã hipòchondrija. Taczim lëdzã Zusélc nie dô niżódnegò dëtka, chòc sã jima słëchô. Do robòty téch lëdzy nicht nie chcy, bò chùtko mògą zabôczëc òddëchac. Tedë ti lëdze baro grzeszą, bò szkalëją, przeklënają, pùrtaczą na Kwachilca, Premierówca i tëch jinszëch diôchłów. Niechterny lëdze z téj trëchlëny òdbierają se żëcé, a tedë Arcty Zusélc je baro achtniony, bò we piekle je jednô dësza wicy, a na zemi je wicy dëtków do rozcharłãżeniô. |
lepusz |
wysłane dnia:
1.10.2004 23:10
|
Dobrzińc Najich Kaszëb Zarejestrowany: 25.9.2003 z: Kolbudy Wiadomości: 510 |
Re: Spisënk dzysdniowëch diôbłów Nabùsznic - to je kunigas westowigò dzélu Zemi. Òsoblëwié nemù diôchłu widzã sã kaszëbsczi brutczi ze Lewina. Òn baro lubi farwã czerwionã i dlôte chcôłbë wësłôc lëdztwo na Marsa. Le że henë je wiôlgô piôszczëzna, timczasã wénëkôł skòpicą lëdzy na przëszëkòwné òbùczënë do jinszégò dzélu Zemi , chdze téż je pùstiniô.
|
lepusz |
wysłane dnia:
1.10.2004 23:29
|
Dobrzińc Najich Kaszëb Zarejestrowany: 25.9.2003 z: Kolbudy Wiadomości: 510 |
Re: Spisënk dzysdniowëch diôbłów Pùrtin - kunigas òstowigò dzélu Zemi, erba pò baro niebezpiecznëch diôchłach taczich jak Stôlinc, czë Bredniew.
Żebë mirno sczëniac piekło na Zemi, rozmiôjë sã òfiarowac i nawetka czileset dësz òddac do nieba. |
| Od najnowszych | Poprzedni wątek | Następny wątek | Top |