Jeżlë bë chtos wiedzôł, baro proszã ò infòrmacëjã, jak zainstalowac kaszëbską kluczplatã przë systemie Windows Vista?
Pòzdrówczi!

----------------
http://meta-fizyka.blogspot.com/

Hana,

jô Vistë nié móm, le mòże ce to doch kąsk pòmòżé w instalacëji:
http://pl.kaszubia.com/komputery-i-internet/kaszubska-klawiatura/windows/zestaw-kaszubskich-ukladow-dla-windows
Teòreticzno to bë mùszało téż w Visce szlachòwac za tim przëmiôrã.

Mark

----------------
Ò mòwa starków nad twój zwãk
nick lepszégò nicht ni mô!
Jô lubiã ce, móm ò ce lãk,
ce stracëc strach mie zjimô.

Jan Trepczik

Baro dzãkùjã.
Le prawie ò to jidze, że te wskôzënczi sã nie sprôwdzają na Visce... Instalacëjô sã przeriwô i kaszëbsczi kluczplatë ni ma.

----------------
http://meta-fizyka.blogspot.com/

Dobré je chòc to, że Të sã sta testownikã ë terô je klôr, że to nie chôdô na tim. Sprôwdzoné równak môsz czë sã czasã doch nié zainstalowa?
Zdrzë za (to za wiadłã o rusczi klawiaturze - nie jem w sztãdze tegò sprôwdzëc, le mëszlã, że to je pòprôwné):

Panel Sterowania > Ustawienia regionalne i językowe...
Zakładka Języki > Ustawienia tekstowe i języki > Szczegóły > Dodaj.

---
Acha ë jesz cos. Tam to dô dwie wersëje ti Vistë 32 ë 64 - mòże to je téż z tim sparłączoné, że môsz ną 64 bitową.
---

Mark

----------------
Ò mòwa starków nad twój zwãk
nick lepszégò nicht ni mô!
Jô lubiã ce, móm ò ce lãk,
ce stracëc strach mie zjimô.

Jan Trepczik

Instalacëjô przeriwô sã w 9. pùnkce - wedle ti instrukcëje z kaszubia.com.
W panelu sterowaniô są kąsk jiné nazwania, ale tuwò ni ma jiwru, bò móm czile jinëch jãzëków zainstalowónëch...

system 32-bitowi

----------------
http://meta-fizyka.blogspot.com/

Cytat:
OK, në to wëzdrzi za tim, że nen czérownik nié pasëje do Vistë. Jesz bë bëło fejn sã dowiedzec, czë të môsz 32-bitową czë 64 - bitową wersëjã.

Alternatiwą do tegò bë narô móc chòc jakòs pisac pò kaszëbskù je wzyc narô Linuksa z systemą na live CD - takô co jã nié je nót instalowac, a jeżlë ce bë sã widza, to wiedno jesz mòżesz jã doinstalowac ë wëbierac midzë dwama systemama. Wicy przeczëtôsz n.p. tuwò.

Mark

----------------
Ò mòwa starków nad twój zwãk
nick lepszégò nicht ni mô!
Jô lubiã ce, móm ò ce lãk,
ce stracëc strach mie zjimô.

Jan Trepczik

Cytat:

Dlô brëkòwników Windows lepszą alternatiwą zdôwô sã brëkòwanié XP w plac Vistë. Microsoft dpoùszcziwô downgrade z OEM Vista Business i Business Ultimate do XP Professional. Kò to tikô sã le "bizesowëch" wersjów Vistë, wersje "Home" nié dôwają prawa do downgradu:
http://download.microsoft.com/download/d/2/3/d23b9533-169d-4996-b198-7b9d3fe15611/downgrade_chart.doc

Tuwò prosba do programistów: mdzemë wdzãczny za napisanié czérownika dlô Vistë. Chãtnëch proszã ò kòntakt - sgeppert(at)zk-p(dot)pl

----------------
Stanisław Geppert

Cytat:
Në to je to. Staszk, chto tak pò prôwdze bãdze ù se miôł dwa razë drogszą wesëjã Vistë, na kòmpùtrze co gò mô kùpioné ë jesz do tegò bãdze sã chcôł copnąc z wersëją Windowsa?
Jô dôł Staszk wëżi blós darmôk alternatiwã na to jak narô mòże sã w tim pòmóc.

Mëszlã, że generalno to ju je lepi brëkòwnikòm Windowsa ùżëwac "Microsoft Keyboard Layout Creator" (http://www.microsoft.com/globaldev/tools/msklc.mspx), mògã sã równak téż w tim milëc, bò jesz nié móm tegò przetestowóné. Chôdô to równak na téż na Visce.

Mark

----------------
Ò mòwa starków nad twój zwãk
nick lepszégò nicht ni mô!
Jô lubiã ce, móm ò ce lãk,
ce stracëc strach mie zjimô.

Jan Trepczik

Witóm

Në to jem pò testach ë wëzdrzi to dobrze z tim nôrzãdzã
http://www.microsoft.com/globaldev/tools/msklc.mspx

Hana (ë chto jesz tegò brëkùje):

1. Zladëjta na programa
2. Je nót przë tim téż Microsoft .NET Framework v2.0 (lënk do tegò je na ti sami starnie), jeżlë nié môta, to téż zladëjta ë zainstalëjta
3. Òtemknijta pò instalaceji aplikacëjã Microsoft Keyboard Layout Creator - je na gwës dodónô do programów
4. Wladëjta klawiaturã na jaczi chceta wprowadzëc kaszëbsczé céchë (n.p. pòlsczi programistë bë dostac pl+csb, abò n.p. cs bë tegò brëkòwac do csb). Lëstwa menu programë>File>Load Existing Keyboard...
5. Dodôwôjta kaszëbsczi céchë (n.p. wlëmiwôjąc je) na placach zgòdno z ùstôwama (jak na òbrôzkach dlô csb czë pl+csb). Proszã pamiãtac ò tim, że je nót zaznaczëc w programie z lewi kastkã na sparłączenié z "AltGr".
6. Mòżeta sã waji projekt zapisac. File>Save Source File As...
jeżlë jesz nie jesta z tim fardich (pòzdze klëknijta le na ikònkã ë róbta nad tim dali)
7. Pò skùńczony robòce biéjta z Lëstwë Menu do:
Project>Build DLL and Setup Package
8. Zapiszta wają robòtã ë môta ju klawiaturã, jaką mòże dodôwac do systemë

Në to ë kòżdy mòże sã to zrobic ë nie je pò prôwdze nót bëc do tegò programistą, co je doch fejn sprawą. Napiszã Wama za sztërk krótczi artikel ò tim. Acha, rôz tak ùsôdzonô klawiatura mòże ju dôwac drëdżim do zladënkù, czë selac jã dali.

Bôczënk!!!!
Wëdôwô mie sã, że w Visce (ë nié le blós w ti) mòże bëc nót instalowac to jakno administrator, proszã tegò nie zabëc.

Prosba
Zdrząc na to, że ùsôdzenié kaszëbsczi klawiaturë nie je problemą, wôrt bë bëło dlô mùltisystemòwi spójnotë w rozwiązaniô pl+csb jaczé je dlô Windowsa, przesënąc doch nen merk € (n.p. na "y") (ë zwëskac bez ro dlô 'ù' knąpã 'u')tak bë wëdostac równy ùstôw dla Windowsa/Linuksa ë Maca (pisóné mómë z Michôłã ju ò tim rëchli). Proszã ò to ju slédny rôz, jak sã ùprzeta, to nick nie zrobiã, le jem na 100% tegò gwës że je to nôlepszé z mòżlëwich dwajãzëkòwich rozwiązaniów.

Pòzdrówczi

Mark

----------------
Ò mòwa starków nad twój zwãk
nick lepszégò nicht ni mô!
Jô lubiã ce, móm ò ce lãk,
ce stracëc strach mie zjimô.

Jan Trepczik

Witôj Hana

Zestôwk nowich czérowników (Windows 2000/XP/Vista) mòże zladowac z:
http://pl.kaszubia.com/wp-content/uploads/2008/04/kaszubskie_uklady_klawiatury.exe

Je to samòrozpakòwëjący sã lopk. Bënë nachôdô sã instrukcëjô pòmòcnô przë instalacëji (zdzë za czytaj_to.html )

Zmianë w lopkù pl+csb są le blós co do €, nen céch je na placu "y", a bez to "u" je dlô "ù" - całô reszta dwajãzëkòwegò ùstôwù òstało jak bëło ë mòże pisac pò pòlskù ë kaszëbskù

Lopk csb òstôł jak bëł ju rëchli.

Mark

Ps. Proszã ùprzistãpniac ne lopczi dze chto chce ë jak chto chce

----------------
Ò mòwa starków nad twój zwãk
nick lepszégò nicht ni mô!
Jô lubiã ce, móm ò ce lãk,
ce stracëc strach mie zjimô.

Jan Trepczik