Forum
 Strona główna forum Sprawë
Wëlôc galã... |
| | Od najnowszych | Poprzedni wątek | Następny wątek | Koniec |
| Nadawca | Wątek |
|---|---|
| slowk |
wysłane dnia:
21.9.2007 23:08
|
Współtworzę ten serwis   Zarejestrowany: 31.5.2007 z: Lëzëno/Wejrowò Wiadomości: 140 |
Re: Wëlôc galã... Je napisóné
W pąpówkach wùja Tóna- òczë mô niewëspóné… Co to są pąpówczi słôwk |
| fopke |
wysłane dnia:
22.9.2007 10:39
|
Nie mogę oderwać się od tej strony!   Zarejestrowany: 7.7.2003 z: Chwaszczëno Wiadomości: 462 |
Re: Wëlôc galã... Zort bùksów- tzw. ¾. Szeroczé w nogówkach, scygnioné na dole. Wëzdrzą, jakbë bëłë „napąpòwóné”.
|
| fopke |
wysłane dnia:
5.10.2007 23:30
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wëlôc galã... Snôżi dzewùs- Agnieszce
(Na spòdlim “Beautiful girl”- Seana Kingstona)- zaspiéwie razã z nim pò kaszëbskù: http://www.youtube.com/watch?v=RZJ32D-lrTE Temù, że tak snôżô jes Nie wëdô z tegò nick Zabijôsz kòżdim słowã (kòżdim słowã) Czedë gôdôsz: to kùńc Przesniti dzéwczëcy ród! Pòtrafią zrobic tôklów mòc Ùsmiercą kòżdim słowã (kòżdim słowã) Czedë rzekną: to kùńc... Òb ceminicą zacza sã Lózny më i lózy park Wej, tej mie serce wza Chòc bëlësma apart Bë mëslôł chto, Że tak bądze wieczno (bądze wieczno) - Wa jesz môta czas, Bë słowò so dac! Nas nimò to szło I jasné bëło to, Co dlô jinëch ba Do kùńca niezrozmiałé (niezrozmiałé) Widzysz, jaczé to prosté Sztót, i béł w tim- Bò të wmikna w mój môg Wësësza gò na wiór Ach, jo... Co òna ze mną wërôbiô... Temù, że tak snôżô jes Nie wëdô z tegò nick Zabijôsz kòżdim słowã (kòżdim słowã) Czedë gôdôsz: to kùńc Przesniti dzéwczëcy ród! Pòtrafią zrobic tôklów mòc Ùsmiercą kòżdim słowã (kòżdim słowã) Czedë rzekną: to kùńc... Mùsza minąc pôrã lat Z drëdżi stronë zdrzélnika Czej w sôdzy sedzôł jem Za taczi jeden grzéch... Bëm na to nie wpôdł, Że dóné nóm sã bądze pòtkac (bądze pòtkac) Ga wëszedł jem ju Szukac straconëch dniów Wej, òna to je, Co mie zawiąza swiat Òkôzało sã Że nie bëło to dzéwczã dlô mie (dzéwczã dlô mie) Widzysz, jaczé to prosté Sztót, i béł w tim- Bò të wmikna w mój môg Wësësza gò na wiór Ach, jo... Co òna ze mną wërôbiô... Temù, że tak snôżô jes Nie wëdô z tegò nick Zabijôsz kòżdim słowã (kòżdim słowã) Czedë gôdôsz: to kùńc Przesniti dzéwczëcy ród! Pòtrafią zrobic tôklów mòc Ùsmiercą kòżdim słowã (kòżdim słowã) Czedë rzekną: to kùńc... Terô na stegnie Ma jesma wòjnowi Czemù, le rzecz- Tak cos mie robisz...? I nie wiém jak Zrobic, bë ba lepi (bë ba lepi) We wërach jiny chłop... A z cebie je łżoch... Nie wierzã, co zdrok Do zrozmieniô mie pchô Jô tracã mój môg A mądré to gwës nie je (to gwës nie je) Temù, że tak snôżô jes Nie wëdô z tegò nick Zabijôsz kòżdim słowã (kòżdim słowã, kòżdim słowã)... Tómk Fópka, Chwaszczëno, 5 rujana 2007 rokù, gòdz. 21.58
|
| fopke |
wysłane dnia:
6.10.2007 22:02
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wëlôc galã... W żëdowsczim kraju
W Betlejem judzczim Na sankù w kùmkù Bóg Bë grzésznym lëdzóm Rozswiécëc cemnosc dniów W Betlejem judzczim Na sankù w kùmkù Bóg... Bidlątka grzeją Jezëska całã swim Biżónka płënie- Të, Bòżi Sënie spij... Bidlątka grzeją Jezëska całã swim... W żëdowsczim kraju Bòżiczk spòkójno spi Mô namienioné Dwigac krziż naszëch win W żëdowsczim kraju Bòżiczk spòkójno spi... Tómk Fópka, Chwaszczëno, 15.09.2007r.
|
| fopke |
wysłane dnia:
11.10.2007 0:36
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wëlôc galã... Pòmòc sąsedzkô
Czedë statk kùpiony nowi a jinstrukcjô pò niemieckù- Pòmòc sąsedzkô! Pòmòc sąsedzkô! Czej twój chłop kąsk nagòlony i duńc dodóm nie je letkò- Pòmòc sąsedzkô! Pòmòc sąsedzkô! Czedë solë zafelëje, kilo mączi, sklónkã cëkru- Pòmòc sąsedzkô! Pòmòc sąsedzkô! Czedë kwiatë pòdlôc mùszi, dozdrzec kòta abò pieska- Pòmòc sąsedzkô! Pòmòc sąsedzkô! Czedë autół w smioce stoji a jesz w kòle ni ma lëftu- Pòmòc sąsedzkô! Pòmòc sąsedzkô! Czedë brifka pół dnia klepie- nie chcą wpùscëc chłopa z rentą- Pòmòc sąsedzkô! Pòmòc sąsedzkô! Czej trzech łësych twòje dëtczi skrëté w stréfli prawie wëckło- Pòmòc sąsedzkô! Pòmòc sąsedzkô! Czej sã wòda w chëczi leje- w rórze dzurã sztopac przëszło- Pòmòc sąsedzkô! Pòmòc sąsedzkô! Czej nôtëra sã domôgô ajtakòwac szituz òstro- Pòmòc sąsedzkô! Pòmòc sąsedzkô! Czej pòsobny rok za régą nie chce sã ùrodzëc dzeckò- Pòmòc sąsedzkô! Pòmòc sąsedzkô! Tómk Fópka, Chwaszczëno, 10.10.2007 rokù, gòdz. 23.20
|
| fopke |
wysłane dnia:
11.10.2007 23:10
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wëlôc galã... Damka- etuda 2-gł. na rozrëszanié (z)miészónégò chùru
- Je ten chłopsczi ród nipòcy! Wiedno nama cos przék spsocy! - Taczé waje wcyg plestanié! Jak wëkraczą- tak sã stanie! - Jak nen twórz wa zgniłi jesta! Z wërów bë nômili nie wsta! - Za czim z łóżka nama wstawac? Lepi z białkama co sprawiac... - Piéck wstec zëmny, ògnia ni ma! Bez nas wa bë chùtkò zdżina! - Lepi wa bë pic co dała- nié na ławie sã dërch grzała... - Jeden z drëdżim susô z bùdlë... Niedomëti, lómpë brudné... - Chto tampétą krëje gãbã? Słodczé winkò bë le żłãpôł...? - Kùska òd mie nie dostóniesz, bò sã slënisz, czëc ce z mùnie! - Móm bënômni zãbë swòje! Të gebis swój w sklónce mëjesz! - Czemù długò w karczmie sedzysz? Gwësno jaczi białczi gëldzysz...! - Czëté móm, że jak mie ni ma- brifka tobą sã zajimô...! - Biôj le, strëchù- zmów zdrowaszkã, abò chòcle zagrôj w baszkã! - Z kògùm w kartë? Trzech felëje... Jan je chòri, Zbich draszëje... - Ze mną zagrôj hewò w damkã. Wëgróm jô- mie kùszniész w rãkã... - Czedë jô dobądã- tédë bądze kùńc ti pùsti sztridë! Tak sã stało, miôł dobëté. Krzëkwia òsta zakùńczonô. Òd te czasu, czej górz chwëcył- wnetk ba damka rozstawionô... Tómk Fópka, Chwaszczëno, 4.10.2007 rokù, gòdz. 22.21
|
| fopke |
wysłane dnia:
1.11.2007 19:43
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wëlôc galã... Léczëk na jimrã
(do muz. W. Kirkowskiego) Ùczbë tak jem nawielonô Lekcjów szesc- bùten zelono Jesz nen ptôszk w rutã wcyg dzobie... Ni mògã bez to nick zrobic... Côrnij nos! Ùnies włos! Zaglingòc ùszkã ters! Kòskôj tej! Gëldzë lëft! Pòdskòczë! Proscë krzept! Mało jem òb noc tã spała... Ksążkã tec przeczëtac miała. Pòwieka skrëwac chce òkò Wòla bëm do lasu skòknąc... Côrnij... Szkólny téż spiący dzys. Wejle! Dzywno sã chłopiskò chwieje... Ùsnął. Spi. Tej sej òdecknie - Czëtôjta!- rzecze ... i przësnie. Côrnij... Żelë ce tak cos czej zdjimô- Refrenu piesnie sã trzimôj! Chùtkò zrób wszëtkò, co kôże, Pòmòże! Wcale nie stożã! Côrnij... Tómk Fópka, Chwaszczëno, 1.11.2007 rokù,
|
| fopke |
wysłane dnia:
1.11.2007 19:46
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wëlôc galã... Mùszka kòl tószka
(do muz. W. Kirkowskiego) Lôtô mùszka kòle tószka Dërchã brzãczi, całô drżi Wnetkã wléca mù do ùszka Leno: bzy, bzy, bzy, bzy, bzy! Nen niebòrôk jã òdgóniô Pótą jakbë złapac chce Òna smieje sã fùl mùnią I zacérô pajków szesc... W kùńcu ùdôł piesk, że ùsnął Cos mùrmòce, jak przez spik Òna zdrzi zacekawionô- Sã wëcmanim legnã z nim Slépczi szczeniãca òtemkłé Òbsądzoné bzyczkã mô Za nôskwarnotã wzął w pëseczk I drzémiącą mùszkã zjôdł! Tómk Fópka, Chwaszczëno, 1.11.2007 rokù
|
| fopke |
wysłane dnia:
29.11.2007 17:41
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wëlôc galã... Czej snôżô Panna
(Na spòdlim „Gdy śliczna Panna”) Czej snôżô Panna Synka Swégò zyba Tak Mù z wieselim kòlibiónkã spiéwa: Biża, biża, bi Malinkô ribùlkò Biża, biża, bi Słodzëchné dzeculkò… Wszëtkò, co żëje biżónkã Mù nócy W ni ritm sã Zemia z Nieba mùcą krący… Biża, biża, bi Kawlów swiata Panie Biża, biża, bi Spijkôj-czkôj na sanie… Nabierzta w skrzidła dobri lëdzczi wòlë Zróbta Mù cuszą- Stróżowie- Janiele… Biża, biża, bi Kwiôtkù przepôchnący Biża, biża, bi Spijkôj, haszkôj, spiący... Tómk Fópka, Wejrowò, 29 smùtana 2007 rokù, gòdz. 16.17 Wiãcy tłumaczeniów pòlsczich (i nié leno) gòdowëch spiéwów wnetkã na: www.fopke.pl
|
| fopke |
wysłane dnia:
26.1.2008 19:56
|
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462 |
Re: Wëlôc galã... Panie, kùli razy
(Z cyklu „Ewanieliô w chòrance” ks. Piotra Topòlewsczégò- Mt 18, 21-35) - Panie, kùli razy móm przebaczëc, Żelë procëm mie bracyn mój zgrzészi? Czë òdpùscëc mù jaż sédmë razy? - Sédmëdzesąt- môsz- sédmë- rzekł Jezës. Tak to je z niebiesczim téż królestwã Jak z nym królã, co rozliczôł słëdżi Òddac miôł taleńtë jeden dłużnik. Ni miôł z czegò- kôzôł pón gò przedac. A nen ùpôdł przed nim i gò prosy: - Miéj cerplëwòtã nade mną, panie. Ùlëtowôł sã, i wnetk wëpùscył Do te doszło dłëgù darowanié... Leno wëszedł słëga z pańsczi chëczi Pòtkôł jednégò z swich pòspółsłëgów, Co denarë jemù rôz pòżëcził Dëszi gò: - Co jes mie winien- òddôj! Pôdł tej przed nim terô dłużnik jegò: - Òddóm, le ò përznã czasu proszã Ten nie słëchôł, prosto szedł i dôł gò Pòkąd dług je- w cemną zamknąc sôdzã Chùtkò doszło wiadło to do króla - Taczi z ce je człowiek niegòdzëwi?! Jak môsz pòstąpioné- ce sã stónie! Jistno zrobi Bóg tim, co tak czënią! Tómk Fopka, Chwaszczëno, 26 stëcznika 2008 rokù, gòdz. 19.22
|
| « 1 ... 11 12 13 (14) 15 16 17 18 » | |
| | Od najnowszych | Poprzedni wątek | Następny wątek | Top |
Wyróżnienia
Rozpowszechnianie materiałów zamieszczonych w portalu naszekaszuby.pl jest dozwolne z zachowaniem warunków korzystania z treści.
Użycie wykraczające poza te warunki jest zabronione bez pisemnej zgody stowarzyszenia Kaszëbskô Jednota. Naruszenie tych zasad jest łamaniem prawa.
Wszystkie prawa zastrzeżone. Stowarzyszenie Kaszëbskô Jednota 2001-2024
¤ Regulamin ¤ O Portalu ¤ Kontakt