Forum : Nasze Kaszuby

Użytkownik: Hasło:
Zarejestruj Przypomnij hasło

Forum

Losowe zdjęcie

Pomerania

nr 12/12 poprzednie

Wygląd strony

Strona główna forum

Sprawë

Wëlôc galã...

| Od najnowszych

Poprzedni wątek | Następny wątek | Koniec

Nadawca	Wątek
fopke	wysłane dnia: 16.2.2008 2:22
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Józef skażił Na melodią „Jożin z bażin” Ivana Mladka Ùroczëstosc. Wôżny dzéń Gòscy dwasta sedzy wnetk... W pierszi rédze Józy spi Nie jinteresëje gò, Że do przódkù rëgnął swiat, Lëdzëskom sã darzi... Jemù plażi leno spac- To lubi nôbarżi... Ref: Józef skażił- To nie je ju to Józef skażił- Mòże co zle zjôdł? Józef skażił- Biédny z niegò chłop Józef skażił- Zôs nié tak mù szło... Jakùż òn tu przëszedł? Chtëż gò tuwò znô? Chto pùscył do lëdzy? Rzeczeta mie, chto? Na kòncertë rësził chùr- Do robòtë wiele je... Wszëtcë spiéwią, jak je nót, Leno jeden zwãk nié ten... Krący mùnią dirigeńt. Łowi: skąd ne tónë?! Z przëtu Jófka dërgòce- Miôł na próbach spóné... Józef... Nie przekònô Józka nicht Kò to òn nôlepi wié... Kòżdi, chto co rzec mù chcôł- Tegò zgłëpił Józwa miks... Le ù niegò licza sã To, co w ksążce stoja... A czej nié pò nosu szło- Tedë pisôł swòjã... Józef... Tómk Fópka, Chwaszczëno, 16 gromicznika 2007 rokù, gòdz. 2.06 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 24.2.2008 23:23
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Òpòwiôstka mùszelczi Biegóm pò sztrądze, stopë wòda òbmiwô Przëgrzéwô słuńce... Sã wënagòliwóm... Szëmi, tak szëmi to kaszëbsczé naj mòrze... Jak tuwò piãkno! Jaż nie chce sã wierzëc... Miłé wspòminczi... Nie zabëté chwilczi... Stôré òdjimczi, a na nich... Wiész të, chto? Ne snôżé wspòmnienia z lat ju dôwno minionëch... Chãtno tej sygóm do nich òb wieczórczi... Mùszelczi zbiéróm, co mie prawią na ùszkò... Zómk z piôskù bùdëjã- tej sej sã kruszi... Do Bôłtu wskòknã- jaż lëft w piersach zapiarti... Dzes mòtorówka, i chtos-tam na nartach... Miłé wspòminczi... Bùrsztinu grużel tãskno zdrzi piwnym òkã: - Wez, le mie w taszã. Tec na cebie czekóm... Zôpôch pieczony w bùdze ribczi dobiégô... Plecëska spiekłé- gwës zôs chtos sã zdrzémnął... Miłé wspòminczi... Hewò familia, co wëpòcząc je przëszłô... Prowadzy białka, ji z słomë kapelusz... Za nią sapiącë, nëkô z bòrdama tata... Ùrlop mô wzãté, żebë co chòc miec z lata... Miłé wspòminczi... Dzecëska wnetkã sëpią na sebie piôskã. Dze je wãbòruszk!? Znôw gònią sã z trzôskã... Tã, co przez gòdzënã pómpòwôł kaczuszkã- Do Szwecjë płënie- wiaterk tam mdze niósł jã... Miłé wspòminczi... Tómk Fópka, Chwaszczëno, 24.02.2008 rokù, gòdz. 22.40 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 9.3.2008 0:03
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Dwanôsce pùgów (z cyklu „W jãzëk zgëldzony”) Dwanôsce spiącëch pùgów so kléwer smaczno żgrze. Wtim jedna w krzôczi nëka- jednôsce leno je... Dwanôsce spiącëch pùgów na łące wczora ba. Wcyg jedna, wej, ùbiwa... Cëż to je! Alana! Jednôsce spiącëch pùgów pò miesce mô szpacér. Chtos jedną „zrobił w kònia”- pòd mòstã dzesãc drżi... Dwanôsce spiącëch pùgów na łące... Tej dzesãc spiącëch pùgów do krómù wlazło rôd. Za chwilkã òsta dzewiãc... Rabùsznik jedną skrôdł... Dwanôsce spiącëch pùgów na łące... Ju dzewiãc spiącëch pùgów w autobùs wsadło wnetk. Dojacha leno òsmë... Zabôczëła biliet... Dwanôsce spiącëch pùgów na łące... Wic òsmë spiącëch pùgów do karczmë rësza flot. Pò gòdzënie- je sédmë... Wzął, gòsc ną jedną zjôdł... Dwanôsce spiącëch pùgów na łące... No sédmë spiącëch pùgów ògòlëc chca sã dac. Zdrzë! Gòłëch leno szesc je... Sã brzëtwia zesëna... Dwanôsce spiącëch pùgów na łące... Szesc zmiarzłëch, spiącëch pùgów na piéck tromòli sã. Ta jedna, barżi spiącô- do piécka wkarowa... Dwanôsce spiącëch pùgów na łące... Piãc cepłëch, spiącëch pùgów sã pùrgac miało chãc. A jedna- plóms!- w przerãbel... Ò tą ju mni mô piãc... Dwanôsce spiącëch pùgów na łące... Kąsk mòkré pùdżi szterë so drogą szłë: Tup, tup! Zgrochòta! Trzë są. Zabrôł òd òdsniéżaniô pług... Dwanôsce spiącëch pùgów na łące... Na rénkù smùtné pùdżi szandarzë łapią trzë. Kòntrola dokùmeńtów! I dali dwie ju szłë... Dwanôsce spiącëch pùgów na łące... Samòtno spiącëch pùgów ter’s pôrka jidze le. Z nich jedno bëło wilkã... Co pózni?! Dokùńczë! Dwanôsce spiącëch pùgów na łące... Tómk Fópka, Chwaszczëno, 8 strumiannika 2008 rokù, gòdz. 23.26 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 17.3.2008 22:26
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Haszkôj, malinkô (mùz. T. Perz) Haszkôj, malinkô- ter’s bibkac je czas... Spijkôj w kòlibce, bë witerkò wstac... Mòja ribùlkò, mòje pisklątkò Mòje dzeculkò- miéj słodzëchny spik... Haszkôj, malinkô... Zamknijczkôj òczka. Przëkrëjã deczką... Wej! Miesądz zéwie ju dzesąti rôz... Haszkôj, malinkô... Chrapią aniółczi schòwóné w chmùrczi... Noc zgasza widë. Jak kam drzémie las... Haszkôj, malinkô... Tómk Fópka, Chwaszczëno, 10 strumiannika 2008 rokù, gòdz. 23.22 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 17.3.2008 22:27
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Biżónka dlô Mëmczi (do mùzyczi T. Perza) Ju za òknã noc Znowù rãką szło Òsta z tëłu dniowé jiwrë Sã ùsmiéwôsz tak, jak nigdë A kòl Cebie jô... Cepłé łóżkò żdże Synk Ce zaspiéwie Ò krôsniãtach w wiôldżim lese Ò stolemach, co kam nieslë Jaż mdzesz spała mie... Haszkù, biża, bi Mòja Nënka spi I ò kwiatny łące roji Dze w wëstrzódkù dzeckò stoji Rãczką cziwie ji... Lulkôj, bibkôj le Jô przë Tobie jem Kruk kòl nogów dobrze grzeje Bùten mróz, jesz wiater wieje Spie, Matinkò, spie... Tómk Fópka, Chwaszczëno, 16.03.2008 rokù, gòdz. 00.50 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 17.3.2008 22:30
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Szwatołczëné snienié (mùz. T. Perz) Rôz szwatołk na zemiã spôdł Bielëszinczi, wdzãczno sôdł Na, co w zëmë strój sã òblôkł, kwiôtk... Zawiôł wiater, przeniósł gò W cëchą gãstwã jiglënë: - Haszkôj, môłi- mù na ùszkò rzekł... Ùsnął, dalek stąd mô ùniosłé gò spik Lecy, wkół sã krący jak bąk Szwatołczënô Mëma kòlibie zôs sëna. Szwatołczëny Tatk z jejich niebã... Rôz szwatołk na zemiã spôdł Bielëszinczi, wdzãczno sôdł Na, co w zëmë strój sã òblôkł, kwiôtk... Zawiôł wiater, przeniósł gò W cëchą gãstwã jiglënë: - Haszkôj, môłi. Mù na ùszkò rzekł... Znôù szwatołk na zemiã spôdł Ten, co dëszã chtos mù skrôdł Do serduszka miłotã swą wlôł... Wëzdrzôł zeza zëmë zymk Czôrną noc zastąpił dzéń Płom wseczëcô wnetk zagòrôł w nich... Zdënk swój mielë tej, czej sã skrził Wiôldżi Wóz Òrganistą béł sóm Pón Mróz Na wieselim bawilë sã jaż do rzozë Słuńca cepłi switk skùńczëc kôzôł... Znôù szwatołk na zemiã spôdł Ten, co dëszã chtos mù skrôdł Do serduszka miłotã swą wlôł... Wëzdrzôł zeza zëmë zymk Czôrną noc zastąpił dzéń Płom wseczëcô wnetk zagòrôł w nich... Môłi szwatoł smaczno spi Ò pùchòwi pierznie sni, Chtërną wiater òkrëje gò rôd... Gwiôzdów łiskô w górze sto Zemia chrapie jak nen jôpsc Do ùzdrzeniô, ju na drëdżi rok! Gòscënã mdze miôł wszeden sniegòwi pich Dôką spłënie w dół, w zemsczi klin Zawirëje swiat, jak òd tësący lat ju Gróny bądze tuńc- walc na sniegù... Môłi szwatoł smaczno spi Ò pùchòwi pierznie sni Chtërną wiater òkrëje gò rôd... Gwiôzdów łiskô w górze sto Zemia chrapie jak nen jôpsc Do ùzdrzeniô, ju na drëdżi rok! Tómk Fópka, Chwaszczëno, 17. 03.2008 rokù, gòdz. 20.40 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 23.3.2008 22:29
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Ju zamknioné Twòje òczë Ju zamknioné Twòje òczë Dniowi wid zastąpia noc Ju Ce ni ma na tim swiece Dzysô żegnóm Cebie łzą... Tam, na górze, w niebny krôjnie, Dze aniółków spiéwie chùr Zôs sã pòtkómë, tam rôj mdze- Tak niech sprawi dobri Bóg... Òstawioné môsz jadłobã Wiater żëcô zdmùchnął płomk I nie jidze nalezc słowa, Bë wërzeknąc serot żôl... Tam, na górze... Jesz nié dôwno razã bëlë Lica nóm rozswiécôł smiéch Terô zëmné krëją déle Cało dobëł wieczny spik... Tam, na górze... Tómk Fópka, Chwaszczëno, 23.03.2008 rokù, gòdz.14.18 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 11.5.2008 21:22
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Gòdnik 70’ (do mùzyczi Marka Rodzeń) Krew i matczi chlëch, Co sëna mia, Do robòtë gò sła... W gòdnikòwi szedł dzéń, Z tëłu smierc robia céń- Nie wrócył ju... Wiém, të téż tam béł, Za wòlnosc bił, Procëm tankoma stôł... Partii spôlił bùdink... Mòże twój to béł strzél- Co pò nim spi... Zëmny béł czas i tak wiele nas, tak mało nas... Pôłką lôł brata brat... Sôdza... Twój rozkôz brzmiôł: Môsz zdëszëc krzik! Dlô władzë- mir! Piôsk dobrze nëczi wëcëszi... A za dzesãc lat sã doznôł swiat, że nié próżné to ba... Mòcni w gardłach grôł głos: Solidarnosc!- i cos Sã w òkù skli... Dzys zabëti wnetk Nen gduńsczi krzëk, Co przék Warszawie grzmiôł... Wrôcô z robòtë syn I nie jiscysz sã tim, Co w zemi spi... Zëmny béł czas... Tómk Fópka, Chwaszczëno, 11 łżëkwiata 2008 rokù, gòdz. 22.16 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 29.5.2008 0:13
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... To je niedz’la òstatnô (kaszëbskô wersjô „Ta ostatnia niedziela, sł. Z. Friédwalda, mùz. J. Petersbùrsczégò”) Terô kąsk pózno, bë sã tłumaczëc Bëło. Skùńczoné je! Wej, przëszedł jiny, bògatszi, òd mie spòsobniészi I skrôdł mòje szczescé i ce... Jedną móm prosbã, mòże òstatną Pierszą òd wiele lat. Dôjkôj mie niedz’lã òstatną Le jedną, zwëczajną A tej niech sã chòc wali swiat...! To je niedz’la òstatnô Dzysô mdze rozestanié Cëché w nórce chlëchanié Nie zrzeszi nas... To je niedz’la òstatnô Ter’s nié czas na skamżenié! Na mie zwrócë wezdrzenié Nen slédny rôz! Jesz tëch niedz’lów bądzesz mia z kòpicą! Co sã ze mną stónie- chto to wié...? To je niedz’la òstatnô Com so miôł ùrojoné Mòje szczescé wësnioné Sã zmienia w pich...! Pitôsz, co zrobiã i dze jô pùdã...? Dze jô móm jic?... Jô wiém? Dzys leno jedną móm drogã i jiny nie widzã... Na kùńcu je... Në, mniészô z tim... Jedno je wôżné: môsz bëc szczestlëwô Ò mie nie jiscë sã! Le niglë żëcé noc skrëje i dôką zasceli- Ną jedną blós niedz’lã chcej dac... To je niedz’la òstatnô... Tómk Fópka, Chwaszczëno, 29.05.2008 rokù, gòdz. 01.04 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 14.6.2008 19:57
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... W „Mestwinie” Kaszëbskô wersjô tekstu „Bùbliczków” Rôz do Gduńska Żid przëjachôł Wëladowôł aczipaczi Rësził przed se z lózym krukã Gôrdzel „balsamã” kąsk spłókac... Zôs Kaszëbie w jegò chëczi Drãgò strzëmac- białka skrzeczi... Mùcã włożił, pas przez szlófczi- Wzął do miasta w taszi „stówczi”... Jeden mô kòmùdné lica Drëdżi chwatczi je do bicô Pòtkelë sã pòd „Mestwinã” Chcesz sã ùpic bëlnym piwã? Jo! Pité, żarté, szpérą dzarté Bëło tedë w gduńsczi karczmie Żid z Kaszëbą- dwaj bratówcë Do wëpitkù i do tuńca! Tómk Fópka, Chwaszczëno, 1.06.2008 r., gòdz. 17.27 ---------------- "Pòjmë w przódk z kaszëbizną!"- J. Trepczik- www.fopke.pl

« 1 ... 12 13 14 (15) 16 17 18 »

| Od najnowszych

Poprzedni wątek | Następny wątek | Top

Wyróżnienia