Forum : Nasze Kaszuby

Użytkownik: Hasło:
Zarejestruj Przypomnij hasło

Forum

Losowe zdjęcie

Pomerania

nr 12/12 poprzednie

Wygląd strony

Strona główna forum

Sprawë

Wëlôc galã...

| Od najnowszych

Poprzedni wątek | Następny wątek | Koniec

Nadawca	Wątek
fopke	wysłane dnia: 22.8.2004 12:10
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Z cyklu „Spiącë z Sëchtą”- "Na szrumie"- Szsztuka Sztela- Szturniãcëce, Sztram Szudra Szadélc, Sztolc Szëmich Szôgùła, Sztôłtnô Szpréca- Szãtk, Szôloné szocze, szëdrińce, Szpirtus, sznaps, Szatan, Szurzą sã, szwagrëją, Sztridka ò sziksã, szôł, szamòt, Szpetôczël: sztopòrczą széper z szëprã, szôłtës z szewcã szczwią, szkólny szkalëje... Szmërgnąc szlips! Szëkac szińdle, sztachétë! Szarpac! Sztrépnąc w szczãkã! Szczëri w szlachë- szterë...szesc... Szmërgnąc szalwrą! Szadégò szachã! Szëmla- szémlã! Szligã, szczotczi sztilã, szchôlką szmëksnąc! Szczipac w szipkã! Szpókùją w szurkù, w szaruzni... Szchaniama szargac szëjã! Szlópama, szëdłã, w szałwiji szlorą! Szpacëc szura w szabelbónie! Szpôdą w szpérã! Szątë- pątë szustnął- sztuklającë... Szpëtôl, szandara, Szëkùją sztrôfã - sznur... Szkòda... sztrófczi... Tómk Fópka, Chwaszczëno, 22 zélnika 2004 r., gòdz. 12.10

CzDark	wysłane dnia: 22.8.2004 23:32
Nie mogę oderwać się od tej strony! Zarejestrowany: 24.5.2004 z: Biebrznicczi Młin Wiadomości: 1133	Re: Wëlôc galã... tedë Szmërgnąc jak szajspapiór w szituzie

fopke	wysłane dnia: 23.8.2004 0:09
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Dobrze jidze! Pòczątk ju môsz za sobą!

fopke	wysłane dnia: 27.8.2004 0:39
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Spiéwka kòl piwka Do mùzyczi Jerzégò Stachùrsczégò Całi dzéń człowiek czurzi jak kóń Chwôlëc nie chce ce nicht- szkòda słów! Felô dëtków. Ach! Żebë chòc szef prémiã dôł... Sëché sztóle wëcygóm i żwiã... Wôrt bë pòpic je czims- ni ma jak... W kùńcu piwkò mie narajił drëch... Doma- Eeech! Të zôs môsz w kòdrë wlóné! Bùksëska wëczapóné! W taszi nick ni ma! Lózy miészk! Za tak cos dzysô bùten spisz! Dlô ni wnetka jem skórã bë zdzarł... Bëło mało, na wicy dërch żda... Szedł jem w górã, miôł wzątk bëlny dac- tak të chca... I nôlepi bëm doma wcyg béł... Czekôł rozkôzu, na rozkôz żił... A i tak, chòc tak bëło- jem tã spiéwkã czuł... Të zôs môsz w kòdrë wlóné! Bùksëska wëczapóné! W taszi nick ni ma! Lózy miészk! Za tak cos dzysô bùten spisz! Hewò nastôł szczestlëwie nen czas, Czedë wid żëcô mòjégò zgasł... Jiny robôk mie grëze i zark, w chtërnym spiã... Rôd bëm zalôł gò z bùdlë, co jã Kòpôcz zabëł wząc z kùlë... Wtim zdrzã- Jedna zmiartô, gnôcatô mie tã bùdlã wzã... Të zôs môsz w kòdrë wlóné! Bùksëska wëczapóné! W taszi nick ni ma! Lózy miészk! Za tak cos dzysô bùten spisz! Tómk Fópka, Chwaszczëno, 27 zélnika 2004r., gòdz. 00.17 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 28.8.2004 22:04
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Ju tëli lat... Do mùzyczi Jerzégò Stachùrsczégò Nasze żëcé je szôlonym tuńcã- Mùszi zwòlnic, bë nëkac dali... Leno jeden je tuńc, żóden dzëczi, szëdrińc, Tegò dzysô wcyg nócëc ce chcã... Wieselny walc, ju tëli lat nóm w dëszi grô... I jegò tón brzëmi jak zwón, wiedno ten sóm... Tak jak w tuńcu téż w żëcym swój nalôżôsz ritm... Milisz kroczi, w bòk skôczesz a bëne w ce spi... Wieselny walc, ju tëli lat, ju tëli lat... Dwòjgù lżi przińdze nieszczescy strzëmac, I robòta téż jidze chùtczi... Jaż nadińdze nen wiek, czedë rzekną ce- Wë, W waju dwòje zôs wleje swą mòc: Wieselny walc, ju tëli lat nóm w dëszi grô... I jegò tón brzëmi jak zwón, wiedno ten sóm... Tak jak w tuńcu téż w żëcym swój nalôżôsz ritm... Milisz kroczi, w bòk skôczesz a bëne w ce spi... Wieselny walc, ju tëli lat, ju tëli lat... Tómk Fópka, Chwaszczëno, 28 zélnika 2004r., gòdz. 22.10

fopke	wysłane dnia: 12.9.2004 9:07
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Z cyklu „Spiącë z Sëchtą“- Todrowanié Trzimelë sã Tómk z Tónkã- tôklów z te w trëmąda... - to òd tómbachã z towôrã trińdelë, - tej trãptelë pò trôwie, pò tëblach za trekrã, - tromòlelë sã troczącë w taszi trusë, - tej sej tuknãlë- tedë trzézwielë, - trzë tósze trochã w trzapie trzimelë, - trzaslë trinã w trézel, - trzészcza tëczëlë trutą z toczka, - twôrogã trëlë tëczniczi i tipkama, - w téatrze tësąc talerzów tłëklë- tëli téż tasków i topków, - tërlëkelë sã tërtã- tãdżi temù tërkòt towarzëł, - w tińce trzimelë tôflôk, - trapilë tatka bez telefón tãgódkama, - na trãpel sã todlelë pò trapach - twòrzëlë na twarzi triszcze, - tarczëlë sã, tacëlë i tarpielë, - w telcu tãchlë, tkelë tiksë w tëmrôt, - trzãslë twélą i trëchlelë przed twérą, - z tarinë bez trëchtel w tutã tobakã tłoczëlë, - targnãlë sã na trãbôcza- topórkã trafilë w tuńcu a tubistã topùlkã, - talkã w trajtkù tëkelë, - tajemno testameńtã tapétowelë tôblëcã, - trimny Tómk- tomk tkwił pòd tóną, - Tóna- trimer tóni, trôpił tołpã tëlpą i tëlpónã, - na trëpnicã tidzéń tkwelë, jaż tëpnãlë. I tëli todrowaniô... Tómk Fópka, Chwaszczëno, 12 séwnika 2004r., gòdz. 8.57

fopke	wysłane dnia: 21.9.2004 21:09
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Zemi trzãsenié na jeseni Mëmka mie gôda, czem brojił za młodu: Òpasëj synkù, bò Bóg cebie skôrze! Tak téż dzys nama trzãsenié Òn przëdôł. Chcemë sã spitac: ò cëż Jegò gòrze? Ò na mszi kòmórczi niewëłączenié? Ò żôl mój do czipczi dëtka szmërgnienié? Mô Chtos sã ò to, że zupa za słonô? Że białka spi w łóżkù kąsk nieachtnionô? A mòże przëczëna je czësto jinô? Takô, że w Biesłanie dzecëska dżiną? Leno tej dlôcze Kaszëbama trzãse? Czemù wãdzëbôczim nóm rzucô miãsã? Ni w jedny Òsetii czëc jamrowanié... Płaczu, nieszczesców na swiece je wiãcy... Ters wiém skąd trzôsk ten, zemi dërgòtanié... Zdrzëta- to przechòdzy lëdzczé pòjãcé... Tómk Fópka, Chwaszczëno, 21 séwnika 2004r., gòdz. 21.06

fopke	wysłane dnia: 16.10.2004 11:51
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Nowi Rok (Do mùz. Jerzégò Stachùrsczégò) Wejle, zdrzë! Chtëż to je? Z górë do naj zjedze wnetk! Cëż za Pón? Rãdé kònie rwią przez smiotë! Zwónczi zwònią! Chto to mòże bëc? Czësto krótkò je! Stôri Rok sóm trzimie lécczi! Fest zmãczony w kastkã wzérô, Dze knôpik w se mòce zbiérô, Bë kùczrowac kawlã lëdzczim... Wejle, zdrzë! Chtëż to je! W górã òd naj wjedze wnetk! Nowi Rok! Nëkô drawò, mrozã trzaskô, Kò karnawôł! Dzëwëch tuńców czas. Witôj pòstrzód nas! Tómk Fópka Chwaszczëno, 16 rujana 2004 rokù, gòdz. 11.33 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 16.10.2004 11:53
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Chòranka ò Jezëskù (Do mùz. Jerzégò Stachùrsczégò) Gòdnik zôs zazérô w òkna... Swiãta! Swiãta są ju tu! Przëszedł tuwò môłi Jezës, Spiéwą zbùdzëc tëch, co spią! Glorija! Dobrim dzecóm dô darënczi A nipòcym skamżëc mdze. Pùdzemë tej na Pasterkã, Dze ju w żłóbkù naju żdżë. Glorija! Chùtkò nama rok przenëkô, Znowù sã ùrodzy Bóg. Przińdze, dze na niegò czekô Nasz wigódny, cepłi kùmk... Gloria! Tómk Fópka Chwaszczëno, 16 rujana 2004 rokù, gòdz. 11.39 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 20.10.2004 21:32
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... W karnie W naszim karnie czas lecy chùtkò Razã jiwrë przedërchac lżi Czasã, czedë môsz mùniã smùtną, Rozwieseli cebie ten spiéw: Ref: La, la, la, la, la, la- tej swój górz w taszã włóż! La, la, la, la, la, la- mëslë złé dalek rznij! La, la, la, la, la, la- z òczów précz jidze spik... La, la, la, la, la, la- òdeckł na lëpach smiéch... Znowù pùrtk ce narajił biédã! Jiscysz, trapisz sã całi dzéń. Nëkôj bùten smãtka, na wédã! Niech zagòscy kùreszce mir! Ref: La, la, la, la, la, la- tej swój ... Pózni, w blónach, w ti mòdri chëczi Przińdze gwësno zôs pòtkac sã... Snôżi aniół flot k’nama skòczi, Na akordionie zacznie grac... Ref: La, la, la, la, la, la- tej swój ... Tómk Fópka Chwaszczëno, 20 rujana 2004 rokù, gòdz. 16.05 ---------------- "Pòjmë w przódk z kaszëbizną!"- J. Trepczik- www.fopke.pl

« 1 2 (3) 4 5 6 ... 18 »

| Od najnowszych

Poprzedni wątek | Następny wątek | Top

Wyróżnienia