Forum : Nasze Kaszuby

Użytkownik: Hasło:
Zarejestruj Przypomnij hasło

Forum

Losowe zdjęcie

Pomerania

nr 12/12 poprzednie

Wygląd strony

Strona główna forum

Sprawë

Wëlôc galã...

| Od najnowszych

Poprzedni wątek | Następny wątek | Koniec

Nadawca	Wątek
fopke	wysłane dnia: 22.2.2005 22:05
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Latowô frantówka (do mùz. Jerzégò Stachùrsczégò) Òstatny nóm zaspiéwôł zwónk. Ju tôblëca i ksążczi spią... Regnąc w drogã przëszedł czas. Cëzô strona wòłô nas... Pòjmë za szesnôsti las... Ref: Leno nie zabôcz wząc swiéżëchnëch ùdbów kòsz, Smiéchù balikã, do te szportu kąsk, Róbzak nafùluj cepłim lëftã latnëch dniów, Bótë zarzeszë nitką z drësznëch słów... Pòtrôwniców zôs szmakã czëc, Na łące krusza sano cknie. Letczé ruchna môsz na se, Jakòs pic sã baro chce... Zmòkłi kòżdi w taką hëc... Ref: Leno nie zabôcz... Pò tëblach z fórą żëtka gbùr, Przed deszczã dżął- sôł zbòżé wkół... Chcemë garnąc dodóm téż! Tëc sã skùńcził szkòłë spik... Séwnik na naj z blónów zdrzi... Ref: Leno nie zabôcz... Tej le latkò do ùzdrzeniô! Do pòtkaniô znôu na drëdżi rok! Tómk Fópka Chwaszczëno, 22.02.2005r., gòdz. 21.46 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 4.3.2005 16:05
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Von Hagens won! Zwónk do dwiérzi! Òtmikóm. Stoji człowiek w mòdrëch ruchnach brifczi. Taszã sã zybie na remieniu jak baszka òd szafòwégò zégra. Pòmału pòdnôszô sã nëba czôpczi. W jednym sztóce nodżi robią sã z gùmë... Gòłô czaszka slépcëje na mie òcznyma kùlama a wëtrëpiałé zãbiska tacą sã w rëszny szczãce. Klekòcą: Lëst òd dochtora Hagensa... W Żarsczi Seniawie lëdzama nie je do smiéchù. Ni ma robòtë. Pòzamikelë fabriczi. Dëcht tak, jakbë wszëscë mielë namkłé na nã wies... Równak Niemc, Ginter von Hagens kùpił tuwò szterë mòrdżi zemi razã z bùdinkama pò stôrim POM-ie. Ùdbôł sobie w Seniawie preparowanié lëdzczëch całów...Tegò, co z nas òstnie pò smiercë. Cała òstałë zapisóné w spòsobie. Ginter i jegò karno ùczałëch pómpùje w zëmné miãso swòje preparatë, czëszczi flaczi, żëłë z krwi wësusywô. Mùskùle flëdrama zriwô. Mô czile na to mòdłów. Na tëch „òbrobionëch” człowieczich trupach ùczą sã przińdny dochtorze. Von Hagens rëchtëje téż wëstôwczi, na chtërnëch jak żëwëch pòtkac jidze np.: trupa grającégò w balã... Taczégò, co mù bëło za cepło w jegò gwôsny skórze- tej jã zjimnął i przewiesył przez rãkã... Białcëskò na drótach z lózym brzechã- drëgą z „pasażérã”... Dwùch zmiartëch na kóńsczim gnôce... Strëcha, na chtërnym sztëczi miãsa stoją jak na jindianie pióropusz... Tuten z mùskã na wiérzkù sedzy nad szachama i mësli prawie, czë rëszëc kòniã, wieżą, laufrã, czë mòże królewą... A sprôwca tegò wszëtczégò wëzdrzi, jakbë przed sztócëkã zjôdł ùgòtowóną piers swòji matczi i terô nie wié, rzëgnąc czë jesz pòtemac... Mieszkańcowie pòlsczi wsë mają tôczel. Wpùscëc Niemca? Mòże dô robòtã przë gòtowanim gnôtów, wëcyganim żëłów i „ùprôwianim” zëmnégò miãsa? Czë karowac z SS-mańsczim sënã, chtëren rągô bòsczémù dokazowi? Pòcwierdzywóm òdbiér lëstu. Gnôcati ze swòją wichlającą sã taszą rëszô na pòsobną szëchtã swòjégò jesz zemsczégò żëwòta... Tomôsz Fópka, Żukòwò, 3 strumiannika 2005r., gòdz. 16.03 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 24.5.2006 7:40
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Jo (Z repertuaru karna C.Z.A.D.) Skądka móm sã wëdowiedzec- skąd? Co të chcôł mie tej pòwiedzec- co? Widzã òbrôz: cziwiesz głową, lëpë skłôdôsz, żebë rzec Czësto swòjémù przék cału, i pòmału: Nie chcã ce! Jak cãżkò nóm przëchôdô rzeknąc „jo”- Tak, żebë bëło zgódné z prôwdą, z tim, co w głowie tej sã mô. Wcyg òchëbë w naszi gôdce czëc je zwãk, Nawetka nômitszé słowò czãsto stôwô sã jak kam... Na pòszëkù trzimiesz łżélstwò, dobrą minã do złi grë Prosto w òczë zdrząc cëganisz, mëszląc, że to ùńdze ce... Jedno dzeckò pòwié szczerze wszëstkò tak, jak pò prôwdze je A lëdzczi rak, falszëwi tak- wcąg dali łże... Jak cãżkò nóm przëchôdô rzeknąc „jo”- Tak, żebë bëło zgódné z prôwdą, z tim, co w głowie tej sã mô. Wcyg òchëbë w naszi gôdce czëc je zwãk, Nawetka nômitszé słowò czãsto stôwô sã jak kam... Skądka móm sã wëdowiedzec- skąd? Co të chcôł mie tej pòwiedzec- "jo"? Tomasz Fópka, Chwaszczëno, 24.05.2006 rokù, gòdz. 6.32 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 6.7.2006 10:03
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Kaszëbi, na Zjôzd! (do muz. Jerzégò Stachùrsczégò) Znôwù razã! Drëch przë drëchù, Z sostrą brat, z szewcã piekôrz... Wszëtcë w karnie jidą wprzódk Naszëch dëjów, swiądë barnic. Marsz jich dzyrsczi, równé kroczi ritm pòdają, Czedë wkół naj zwãczi spiéw: Ref: Dzys zbùdzoné spiącé wòjskò... Kóń do rézë je zaprzëgłi... Krzosô ògnie, w môlu drogã depce, sã na swiat wëriwô... Znôwù razã... Tómk Fópka Chwaszczëno, 30.06.2006r. ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 6.7.2006 11:35
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... W górã, szura! (do muz. Jerzégo Stachùrsczégò) Za mëmkã, za tatka, za cotkã Bernatkã... Tej szluk... wëpij so! Za sostrã, za brata, za złosc tegò swiata jesz rôz- w kòdrë szło! Niech jiny sã jiscą, z pògòrchë jaż trzeszczą a të- naléj w krop! Czej kropla sã łiszcze, kąsynk lózni w miészkù i znôwù chcesz ò wszëtkò grac... Ref: Wez, niech zaszëmi w głowie zôs! Lecë, kò hewò skrzidła môsz! Szarp, nad tim wszëtczim ùnies sã! Ceszmë sã z kòżdégò dnia! Wznies! Dzys do tegò leżnosc je. Drësze, jak pëszno z wama mie! Niech nóm pòpłënie spiéwny żoch- Chwila przenëkô jak szport! To je bùten szëkù, tak ò sëchim pëskù... Tej klin- klinã bij! Czej człowieka sëszi- tak czãżkò na dëszi... Neżë, w gôrdzel léj! Zatacy sã słuńce, të ùpieczesz plińce i wtim... zgaszą wid... Wieczórk nama zlecy w dómikù przë swiécy- zatonã w twich òczach jak kam... Ref: Wez, niech zaszëmi.... Za rząd, prezydeńta, za wësoką reńtã przëpitk wznaszac czas! Za zdrowié, za dzecë, w robòce dobëcé czeliszk w górã brac! Tëc gòrô w nas żëcé, wic dzyrskò w gôrsc chwëcë i pij, jaż do dna! Skòcz, halôj cos z krómù: wãbórk fùlny sztrómù, sztëczk worztë i gùrka na ząb... Ref: Wez, niech zaszëmi... Tómk Fópka Chwaszczëno, 5 lëpińca 2006 rokù, gòdz. 22.36 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 21.7.2006 8:56
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Kózlã (do mùzyczi Jerzégò Stachùrsczégò) Chto wsëpôł piôskù w zupã? A psa wëczëszcził szrópą? Założił cepłi kòżëch, czedë bùten wiôlgô hëc... Chto wlôł so zós do òka? Pòsolił z serã sznëkã? W nôlepszé tatë czôrné bótë wgarnął téksów mòc... Ref: Nipòcé kózlã! W pòmstwie sã nuzlô! Głëpieje! Za psotą psota- to ji prawie letkò przińdze... Znôù sã pòdsmiéwô! Gwës szkòda nowô! Jenësë ja! Jô z tim smôrszczã wieczny tôczel móm! Chto òwcã wprzigł do wòza? Óws z kùma kònia wëżarł? A starczi mùcã z kòzy wełnë szmërgnął jaż za szurk... Chto ùsnął na kôzanim? W sztok wrzucył mëmczi pranié? Dôł knąpã ksãdzu na kòlektã, a jesz resztã wzął... Ref: Nipòcé kózlã!... Wa znôta tegò trzészcza? Co z nórtu, wej sã blészczi? To smieje sã- to płacze zôs... Nie trafi za nią nicht... Kò to je naszô Marta! Do krwi kòlana zdzarté! Wcyg rowarzi, pò łące gnô- nie dzéwczã to- a knôp! Ref: Nipòcé kózlã!... Tómk Fópka, Przedkòwò, 20.07.2006r., gòdz. 16.48 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 24.7.2006 9:46
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Białce (do mùz. Jerzégò Stachùrsczégò) Jak to je dobrze Cebie miec! Pòmòcną rãka w rãce czëc Wiedzec, że w nocë, czë òb dzéń Towarzi mémù twój céń... Ref: Ta piesniã spiéwóm mòji Białce Dzecóm Matce Nócy jã ze mną kòżdi bëniel, co sã żenił... Nen spiéw Kòchlińskô mòja czëje Wej, sã smieje... Gwës dobré zjestkù przërëchtëje Pitkù wleje... Stréfle na zëmã ùwiãze W kòscele razã w łôwce je Zabòli- gwôsną pëlã dô... Jak anioł stróż ò mie dbô... Ref: Ta piesniã... Czej noc gardiną krëje chëcz Spią dzecë, sami jesmë më Miesądz pòdzérô, òn wié że: Za wszëtkò dzãkùjã Ce... Ref: Ta piesniã... Tómk Fópka, Chwaszczëno, 23.07.2006r., gòdz. 12.14 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 24.7.2006 9:47
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Tangò pò pół ... (do mùz. Jerzégò Stachùrsczégò) Sąsôdka Lusza spiéwô, wuja Franc w nórce zéwô A më przë stole w baszkã fest rzniemë Karta jidze, „stôri jadą”- grac! Werónika ùsniéwô, Waleri w zdrzélnik wzérô W kùchni grochòcą, wòda sã leje I jak wiedno zatuńcowac chãc: Ref: Tangò pò pół... tangò pò pół ... tangò pò pół- litrze Z letką głową, słabą nogą, òkò cos sã skrzi... Tej chcemë w tangò pò pół – litrze Gwës jaż pò witrze zakùńczi sã... Tangò pò pół... tangò pò pół ... w tangò rëszëc czas! W jizbie są zasztëkóny, Antosz z szëkòwną panną Niżóden gòwôr stąd nie dobiégô- Pewno dôwno òbëdwòje spią... Slôdë miastowô pani jinyma gôdkã wstôwiô: „Jak ja nie lydam tich uleszpygrów”- Prawie zédżer tak zaczinô bic: Ref: Tangò ... Pleszczą krëjamno białczi- chto chòdzy do ti Danczi?... „Kąsk je zgrëbiałô ta trina małô!? Co mdze z tegò? Zôs pògòrchã dô?...” Pòrénk ju w òkno kùkô, spòkójny nótë szukô. Nick z te nie wëdô- tu rządzy przecąg! W całach, magach ritm apartny drgô! Ref: Tangò ... Tomasz Fópka, Chwaszczëno, 23.07.2006r. gòdz. 14.32 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 24.7.2006 9:48
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Mégò serca gitara (do mùz. Jerzégò Stachùrsczégò) Pòwiedzec Ce, jak snôżô jes... Wëspiéwac sztôłt, pòchwôlëc szëk... Chòcbëm miôł starã- tak drãgò jidze to mie... Òddac Twój głos, nen niebny chód Ùchwëcëc włos, co z mim sã splótł... Do Twégò miona wënalezc rimë i ritm... Leno mòja gitara z serca malëje zarô Òna jedna wëgraje, co rzeknąc Ce chcã... Kòchóm Twój głos, Twój chód, Twój szëk Wcąg je mie mało na Ce zdrzëc... Zatonąc w oczach, schòwac sã bënë w Twój spik... Całujã szlach, kądka Të szła, Chòwiã jak skôrb kòżdëchną łzã, Naszégò szczescô, miłotë cëdowny skrã... Tomasz Fópka, Chwaszczëno, 23.07.2006r. , gòdz. 16.48 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 25.7.2006 9:43
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Dzéwczã ò smùtnych òczach (do mùz. Jerzégò Stachùrsczégò) Nicht do tuńca nie pòprosy... Nie przepùscy w dwiérzach wprzódk... Za nią taszë nie pònosy... Z òczów ji wëzérô smùtk. Ref: Na darmò pitac sã, Co w dëszë krëje swi. Chòcô nôlepi wié- Dac nie chce znac... I tãskno w dôlą zdrzi... Na bòkù pôłknie łzã... Wid ji nie ceszi dnia... Nie ceszi nick... A jesz wczora jinak bëło Żił ji szczescym całi swiat Temù, tak mie je do dzëwù Czemù dzys je prawie tak: Ref: Na darmò... Mòże szãtka co dzes bòli? Krokòdila nie chcą dac? Mòże cos jinaczi wòli? Cëż nie dôwô piãkny spac? Ref: Na darmò... Mòże witro to ce minie? Òczë rozskrzi jiny switk. Rzeczesz: précz kòmùdo! Biôj mie! Wezniesz na roscenié krwi... Ref: Na darmò... Tómk Fópka, Chwaszczëno, 25.07.2006r., gòdz. 00.14 ---------------- "Pòjmë w przódk z kaszëbizną!"- J. Trepczik- www.fopke.pl

« 1 2 3 4 (5) 6 7 8 ... 18 »

| Od najnowszych

Poprzedni wątek | Następny wątek | Top

Wyróżnienia