Forum : Nasze Kaszuby

Użytkownik: Hasło:
Zarejestruj Przypomnij hasło

Forum

Losowe zdjęcie

Pomerania

nr 12/12 poprzednie

Wygląd strony

Strona główna forum

Sprawë

Wëlôc galã...

| Od najstarszych

Poprzedni wątek | Następny wątek | Koniec

Nadawca	Wątek
fopke	wysłane dnia: 1.11.2007 19:46
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Mùszka kòl tószka (do muz. W. Kirkowskiego) Lôtô mùszka kòle tószka Dërchã brzãczi, całô drżi Wnetkã wléca mù do ùszka Leno: bzy, bzy, bzy, bzy, bzy! Nen niebòrôk jã òdgóniô Pótą jakbë złapac chce Òna smieje sã fùl mùnią I zacérô pajków szesc... W kùńcu ùdôł piesk, że ùsnął Cos mùrmòce, jak przez spik Òna zdrzi zacekawionô- Sã wëcmanim legnã z nim Slépczi szczeniãca òtemkłé Òbsądzoné bzyczkã mô Za nôskwarnotã wzął w pëseczk I drzémiącą mùszkã zjôdł! Tómk Fópka, Chwaszczëno, 1.11.2007 rokù ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 1.11.2007 19:43
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Léczëk na jimrã (do muz. W. Kirkowskiego) Ùczbë tak jem nawielonô Lekcjów szesc- bùten zelono Jesz nen ptôszk w rutã wcyg dzobie... Ni mògã bez to nick zrobic... Côrnij nos! Ùnies włos! Zaglingòc ùszkã ters! Kòskôj tej! Gëldzë lëft! Pòdskòczë! Proscë krzept! Mało jem òb noc tã spała... Ksążkã tec przeczëtac miała. Pòwieka skrëwac chce òkò Wòla bëm do lasu skòknąc... Côrnij... Szkólny téż spiący dzys. Wejle! Dzywno sã chłopiskò chwieje... Ùsnął. Spi. Tej sej òdecknie - Czëtôjta!- rzecze ... i przësnie. Côrnij... Żelë ce tak cos czej zdjimô- Refrenu piesnie sã trzimôj! Chùtkò zrób wszëtkò, co kôże, Pòmòże! Wcale nie stożã! Côrnij... Tómk Fópka, Chwaszczëno, 1.11.2007 rokù, ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 11.10.2007 23:10
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Damka- etuda 2-gł. na rozrëszanié (z)miészónégò chùru - Je ten chłopsczi ród nipòcy! Wiedno nama cos przék spsocy! - Taczé waje wcyg plestanié! Jak wëkraczą- tak sã stanie! - Jak nen twórz wa zgniłi jesta! Z wërów bë nômili nie wsta! - Za czim z łóżka nama wstawac? Lepi z białkama co sprawiac... - Piéck wstec zëmny, ògnia ni ma! Bez nas wa bë chùtkò zdżina! - Lepi wa bë pic co dała- nié na ławie sã dërch grzała... - Jeden z drëdżim susô z bùdlë... Niedomëti, lómpë brudné... - Chto tampétą krëje gãbã? Słodczé winkò bë le żłãpôł...? - Kùska òd mie nie dostóniesz, bò sã slënisz, czëc ce z mùnie! - Móm bënômni zãbë swòje! Të gebis swój w sklónce mëjesz! - Czemù długò w karczmie sedzysz? Gwësno jaczi białczi gëldzysz...! - Czëté móm, że jak mie ni ma- brifka tobą sã zajimô...! - Biôj le, strëchù- zmów zdrowaszkã, abò chòcle zagrôj w baszkã! - Z kògùm w kartë? Trzech felëje... Jan je chòri, Zbich draszëje... - Ze mną zagrôj hewò w damkã. Wëgróm jô- mie kùszniész w rãkã... - Czedë jô dobądã- tédë bądze kùńc ti pùsti sztridë! Tak sã stało, miôł dobëté. Krzëkwia òsta zakùńczonô. Òd te czasu, czej górz chwëcył- wnetk ba damka rozstawionô... Tómk Fópka, Chwaszczëno, 4.10.2007 rokù, gòdz. 22.21 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 11.10.2007 0:36
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Pòmòc sąsedzkô Czedë statk kùpiony nowi a jinstrukcjô pò niemieckù- Pòmòc sąsedzkô! Pòmòc sąsedzkô! Czej twój chłop kąsk nagòlony i duńc dodóm nie je letkò- Pòmòc sąsedzkô! Pòmòc sąsedzkô! Czedë solë zafelëje, kilo mączi, sklónkã cëkru- Pòmòc sąsedzkô! Pòmòc sąsedzkô! Czedë kwiatë pòdlôc mùszi, dozdrzec kòta abò pieska- Pòmòc sąsedzkô! Pòmòc sąsedzkô! Czedë autół w smioce stoji a jesz w kòle ni ma lëftu- Pòmòc sąsedzkô! Pòmòc sąsedzkô! Czedë brifka pół dnia klepie- nie chcą wpùscëc chłopa z rentą- Pòmòc sąsedzkô! Pòmòc sąsedzkô! Czej trzech łësych twòje dëtczi skrëté w stréfli prawie wëckło- Pòmòc sąsedzkô! Pòmòc sąsedzkô! Czej sã wòda w chëczi leje- w rórze dzurã sztopac przëszło- Pòmòc sąsedzkô! Pòmòc sąsedzkô! Czej nôtëra sã domôgô ajtakòwac szituz òstro- Pòmòc sąsedzkô! Pòmòc sąsedzkô! Czej pòsobny rok za régą nie chce sã ùrodzëc dzeckò- Pòmòc sąsedzkô! Pòmòc sąsedzkô! Tómk Fópka, Chwaszczëno, 10.10.2007 rokù, gòdz. 23.20 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 6.10.2007 22:02
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... W żëdowsczim kraju W Betlejem judzczim Na sankù w kùmkù Bóg Bë grzésznym lëdzóm Rozswiécëc cemnosc dniów W Betlejem judzczim Na sankù w kùmkù Bóg... Bidlątka grzeją Jezëska całã swim Biżónka płënie- Të, Bòżi Sënie spij... Bidlątka grzeją Jezëska całã swim... W żëdowsczim kraju Bòżiczk spòkójno spi Mô namienioné Dwigac krziż naszëch win W żëdowsczim kraju Bòżiczk spòkójno spi... Tómk Fópka, Chwaszczëno, 15.09.2007r. ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 5.10.2007 23:30
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Snôżi dzewùs- Agnieszce (Na spòdlim “Beautiful girl”- Seana Kingstona)- zaspiéwie razã z nim pò kaszëbskù: http://www.youtube.com/watch?v=RZJ32D-lrTE Temù, że tak snôżô jes Nie wëdô z tegò nick Zabijôsz kòżdim słowã (kòżdim słowã) Czedë gôdôsz: to kùńc Przesniti dzéwczëcy ród! Pòtrafią zrobic tôklów mòc Ùsmiercą kòżdim słowã (kòżdim słowã) Czedë rzekną: to kùńc... Òb ceminicą zacza sã Lózny më i lózy park Wej, tej mie serce wza Chòc bëlësma apart Bë mëslôł chto, Że tak bądze wieczno (bądze wieczno) - Wa jesz môta czas, Bë słowò so dac! Nas nimò to szło I jasné bëło to, Co dlô jinëch ba Do kùńca niezrozmiałé (niezrozmiałé) Widzysz, jaczé to prosté Sztót, i béł w tim- Bò të wmikna w mój môg Wësësza gò na wiór Ach, jo... Co òna ze mną wërôbiô... Temù, że tak snôżô jes Nie wëdô z tegò nick Zabijôsz kòżdim słowã (kòżdim słowã) Czedë gôdôsz: to kùńc Przesniti dzéwczëcy ród! Pòtrafią zrobic tôklów mòc Ùsmiercą kòżdim słowã (kòżdim słowã) Czedë rzekną: to kùńc... Mùsza minąc pôrã lat Z drëdżi stronë zdrzélnika Czej w sôdzy sedzôł jem Za taczi jeden grzéch... Bëm na to nie wpôdł, Że dóné nóm sã bądze pòtkac (bądze pòtkac) Ga wëszedł jem ju Szukac straconëch dniów Wej, òna to je, Co mie zawiąza swiat Òkôzało sã Że nie bëło to dzéwczã dlô mie (dzéwczã dlô mie) Widzysz, jaczé to prosté Sztót, i béł w tim- Bò të wmikna w mój môg Wësësza gò na wiór Ach, jo... Co òna ze mną wërôbiô... Temù, że tak snôżô jes Nie wëdô z tegò nick Zabijôsz kòżdim słowã (kòżdim słowã) Czedë gôdôsz: to kùńc Przesniti dzéwczëcy ród! Pòtrafią zrobic tôklów mòc Ùsmiercą kòżdim słowã (kòżdim słowã) Czedë rzekną: to kùńc... Terô na stegnie Ma jesma wòjnowi Czemù, le rzecz- Tak cos mie robisz...? I nie wiém jak Zrobic, bë ba lepi (bë ba lepi) We wërach jiny chłop... A z cebie je łżoch... Nie wierzã, co zdrok Do zrozmieniô mie pchô Jô tracã mój môg A mądré to gwës nie je (to gwës nie je) Temù, że tak snôżô jes Nie wëdô z tegò nick Zabijôsz kòżdim słowã (kòżdim słowã, kòżdim słowã)... Tómk Fópka, Chwaszczëno, 5 rujana 2007 rokù, gòdz. 21.58 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 22.9.2007 10:39
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Zort bùksów- tzw. ¾. Szeroczé w nogówkach, scygnioné na dole. Wëzdrzą, jakbë bëłë „napąpòwóné”. ---------------- "Pòjmë w przódk z kaszëbizną!"- J. Trepczik- www.fopke.pl

slowk	wysłane dnia: 21.9.2007 23:08
Współtworzę ten serwis Zarejestrowany: 31.5.2007 z: Lëzëno/Wejrowò Wiadomości: 140	Re: Wëlôc galã... Je napisóné W pąpówkach wùja Tóna- òczë mô niewëspóné… Co to są pąpówczi słôwk

fopke	wysłane dnia: 21.9.2007 2:11
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Ùkòchóny krôj Sł. Konstanty Ildefons Gałczyński, mùz. Tadeusz Sygietyński Wszëtkò dlô Ce, ùkòchónô Zemio Nasze mëslë wcyg le przë Ce są Cebie lotnik na niebie dobëca A robòtnik dôwô rãk swëch plón Të przez serce nóm jak Wisła płëniesz Brzmi jak rozkôz Twój pòtãżny głos Mùlôrz, żôłniérz, cesla, zdun, jinżinier- Swòją cegłã Pòlsczi Chëczi dô Ùkòchóny krôj, ùmiłowóny krôj, ùkòchóné i miasta i wiosczi Ùkòchóny krôj, ùmiłowóny krôj, ùkòchóny, jediny nasz- pòlsczi Ùkòchóny krôj, ùmiłowóny krôj, ùkòchónô i zemia i pòzwa Ùkòchóny krôj, ùmiłowóny krôj, nasza droga i słuńce i gwiôzda... Nama swiat leno rãką jidze Żóden wróg nie złómie dôżnëch nas Smiało w słuńca przińdnosc wzerac przińdze W rozspiéwóny, rozwidniony czas... Prawie dlô Ce nôceplészé słowa Wszëtczé serca, sëłë wszëtczëch rãk To dlô Cebie, piãknô jak królowa Kòżden dzéń i kòżdi piesni zwãk. Ùkòchóny... Tómk Fópka, Wejrowò, 20.09.2007 rokù, gòdz. 15.35 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 21.9.2007 1:58
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Jak przigòda- to leno w Warszawie Sł. L. Starski, mùz. T. Sygietyński W tim miesce codzénno òd rena przeżiwôsz to samò co krok Zdzëwienié- ti drodżi jesz nie znôsz... Òlsnienié- nowi bùdinôszk... Jim dali- tim cëdów nëch wiãcy: WùZetka, to tunel, to gmach I znowù jem przezdrzôł na òczë i czëjã: Serca równo dwa biją, kò je znac, że: Jak przigòda- to leno w Warszawie, w Warszawie Jak Warszawa- to w maju, czej kwitnie bes Jak tuńcowac- to leno walôszka w Warszawie Jak walôszka- to z panną taką, jak të! Zygmùnce, królu rzeczcë nóm- Môce tak snôżą widzóné czejs ju? Jak przigòda... Krakòwsczim Przedmiescym do trapów i trapoma zjedzymë w dół Przigòdo, warszawskô przigòdo- dze nalezc ce, żelë nié tu? Na Rénkù mùzyka przëgriwô, do tuńca pòdôwô nóm takt To grają walôszka- na ùszkò ce spiéwóm- Chcemë tej sã brac, tuńc òbjimô nas tak: Jak przigòda... Tómk Fópka, Wejrowò, 20.09.2007 rokù, gòdz. 16.44 ---------------- "Pòjmë w przódk z kaszëbizną!"- J. Trepczik- www.fopke.pl

« 1 2 (3) 4 5 6 ... 18 »

| Od najstarszych

Poprzedni wątek | Następny wątek | Top

Wyróżnienia