Forum : Nasze Kaszuby

Użytkownik: Hasło:
Zarejestruj Przypomnij hasło

Forum

Losowe zdjęcie

Pomerania

nr 12/12 poprzednie

Wygląd strony

Strona główna forum

Sprawë

Wëlôc galã...

| Od najstarszych

Poprzedni wątek | Następny wątek | Koniec

Nadawca	Wątek
fopke	wysłane dnia: 21.9.2007 1:37
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Warszawsczi pòlonézer Sł. Jerzy Ficowski, mùz. Tadeusz Sygietyński Chòcô tëli w swiece miast Wiãcy niżlë w niebie gwiôzd Tu nôpiãkni płënie czas- nôblëższô sercu je Warszawa Nicht ju nie òdińdze stąd Drodżi je nóm kòżdi nórt Dokôz naszich serc i rãk- nasza bùcha, nasza sława Tu krëjamnô môlów céń Z pichù je do nieba wzniosłô Tu przepłiwô dzéń za dniã, czejbë nóta znóny piesni Smieje sã Warszawa zôs tak serdeczno i wiesoło Bë co rzeknąc- żódnëch słów nóm nie trzeba- sã rozmieje... Dze je wiater jak tuten? Dze swiat młodi jak ten je? Dze ju tëli dłudżich lat Je hôwinga dlô serców dristnëch? Nié, dze cëzy łiskô sztrąd Blós le tuwò, prawie tu Dze, czë wiodro, czë téż szkwôł Smùkô brzég warszawsczi Wisła Płënie Wisła jaż do gór Wałą gëldzy brzég piôsczësti Żoch òdmłodniôł, nowi szpùr Stôri Wisłë, naszi Wisłë Tuwò pôdô słuńca blôsk W strzébrze dënëżczi naj rzéczi Nôsnôżniészi pòlsczi gard Swòje òdbijô òbliczé. Tómk Fópka, Wejrowò, 20.09.2007 rokù, gòdz. 17.11 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 20.9.2007 12:12
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Na prawò mòst, na lewò mòst Sł. H. Kołaczkowska, mùz. A. Gradstein Czedë reno jadã òsmënôstką, chòcô casno, chòc je tłok Wzeróm na kòchané mòje miasto, jaczé mie zadzywiô co krok Bò tu Marszałkòwskô i droga W-Z, Krakòwsczé Przedmiescé i tunel i wnetk: Na prawò mòst, na lewò mòst- a spódkã Wisła płënie Tu rosce chëcz, tam rosce chëcz- co rusz co nowégò zôs je Na czerwiono aùtobùsë łiszczą i elektriszóm w òkna sã blészczą Dzéń głosni dnia, wcąg wicy nas w Warszawie- nômilszim z miast! Pò robòce z Pradżi jidã piechti- bòkã nowô réga chëcz I nad brzegã stojã, bë szeroczi na stolëczny pòzér gard miec Bò tam Stôré Miasto pòżegna ju spik. Mariensztat rożewi swój sélô ùsmiéwk. Na prawò… W niedzelã, czej smrok na òkno klepie- z mòstu widzã widów blôsk Ga w daleczich òknach w jednym sztóce zapôliwô noc tësące gwiôzd. Pòzéróm na wòdã, na latarniów switk i dôką òkrëti tak nócã ji tej: Na prawò… Tómk Fópka, Wejrowò, 20. 09.2007 rokù, gòdz. 11.08 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 20.9.2007 0:17
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Czerwòny aùtobùs (na spòdlim „Czerwony autobus”, sł. K. Winkler, mùz. W. Szpilman) Czej na ùszrôc nëkóm drogów czësto z rena Jak drëch dobri mòje miasto witô wstec I dolëbóg, tëli szczescô Wama żëczã, Kùli dôwô w kòżdi dzéń Warszawa mie... Tej wsadnijta! Wszëtcë zdążą do robòtë! Drawò jachac mdzemë, chòcô wkół je las Las sztelôżów- co znac daje hewò ò tim, Że nie stoji tuwò w môlu czas... Ref: Aùtobùs czerwòny kòżdą drogą mégò miasta gnô Nimò òstôwają chëcze i ta céń, co ògard znô... Czasã dzéwczã sã przëzdrzi- a to zdrzenié, nibë z ògnia kwiat... Nowi je nié leno Nowi Swiat- z kòżdim dniã je prawie tak. A motór tak hùczi, to grzmi basã pònad mòstã W ti redotny tonacji, w jaczi serce mòje grô Aùtobùs czerwòny, a w nim lëdze, chòcbë të, czë jô Tak wzerają, jakbë pierszi rôz przëszło ùzdrzec jejich gard... W chwatczé rãce chwëcëc mùszi czeru kòło Czedë autół, jak òdżerk do przódkù rwie- Nawetk chùtczi nie dogòni naji gòłąb A wiaterk, ten méster miónków- z tëłu dzes... Tej wsadnita! Rôz òstatny turzëc mdzemë! A pòtemù, ga aùtobùs pùdze spac- W Twòje òczë, Mùlkò zazdrzã, bë òbôczëc Że mie kòchôsz- głosno w piersy tak mdze grac: Ref: Aùtobùs czerwòny... Tómk Fópka, Chwaszczëno, 19.09.2007, gòdz. 23.10 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 9.9.2007 22:19
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Pierszi dzéńk (do mùz. Wacława Kirkòwsczégò) To dzysô pierszi rôz jem w szkòle Z radoscą czekóm tidz’niów wiele Jô wiém, jô wiém- to bądze mój szczestlëwi dzéń! Werónkã znajã òd zerówczi Mô wiedno dlô mie mitczé krówczi A jô, a jô- bë leno dërchã jôdł i jôdł... A nasza pani mie pòsmùka Jem bez to wnetkã spôdł ze stôłka Móm ji, blós ji zamalowóné w kwiôtczi zsziwk... Ta Anka, co mô fejné copczi- Ji pùzë zdobią słuńca kropczi A mie słuńce òbezdrza leno nodżi dwie... Kòl tôblëcy jem nalôzł krédã Jã zgrizł, a szkólnô nick nie widza Pò tim, mie wcyg sã pic le chcało- spragłi béł... Jem „z bùksama” na przerwie wëlôzł Sã zamkł, sã zrobia z môla cëchò A tej zwónk grôł- a jô na wëpùszczenié żdôł... Czej mëma pò mie w kùńcu przëszła Jem płakôł w nórtkù z tegò szczescô Tak rôd jem sôdł na mëmczi kòło- z górczi szło... Tómk Fópka, Chwaszczëno, 9.9.2007 rokù, gòdz. 20.13 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 9.9.2007 11:37
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Piesniô ò mòji Warszawie (Na spòdlim „Piosenka o mojej Warszawie”- sł. i mùz. Albert Harris) Jak mùlczin ùsmiéwk ùkòchóny, jak zymkù, co bùdzy sã wiéw Jaskùleczków swirzkòt nad renã, młodzónczé ò miłoce snienia Jak rosa łiszczącô na trôwie, wseczëca rodzący sã żôr Tak serce radëje ti chòranczi spiéw- spiéw piesni ò mòji Warszawie... Warszawò, kòchónô Warszawò- ò Tobie jô rojã i sniã Redotnych przechòdniów Twëch strëgą, co kòżdi z nich dze jindze biegô Të wòłôsz mie, wòłôsz stesknionô za mùzyką- òbòną słów Jak jô bëm Ce ùzdrzec, òbôczëc zôs chcôł- Të mòja Warszawò wësnionô... Tak chcôłbëm sã copnąc do tëłu, znôù krokama mierzëc nen gard I chòcle sã przejsc Marszałkòwską, na Wisłã nawzerac sã z mòstu Dzewiątką w Aleje pòjachac i z lëdztwa rzmą wplesc w Nowi Swiat I ùzdrzec, jak przódë, za młodëch mich lat, jak do mie, Warszawò sã smiejesz... Jô wiém, że Të dzysô nié takô, że krwawé przeżëté môsz dnie Że ból i jadłoba Ce trawią- nômili bë wzął, sôdł i płakôł Le taką, jak w pamiãcë chòwiã- ùczëniã, nie skamżącë krwi I wierz mie, Warszawò, króm piesni i łzë- parôt jem Ce żëcé pòswiãcëc... Tómk Fópka, Chwaszczëno, 9.09.2007, gòdz. 10.32 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 8.9.2007 11:55
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Warszawa dô sã zlëdac (na spòdlim „Warszawa da się lubić”, sł. S. Brok, mùz. J. Wasowsczi, spiéwôł jã Adolf Dimsza w filmie „Cafe pòd Minogą”) Mùszi miastu zazdrzec w òczë, jak Mariszce swi w òczãta Ju ti chwilë, ti ùroczny sã nie zabôczi, sã zapamiatô... Warszawa dô sã zlëdac, Warszawa dô sã zlëdac Tuwò szczescé mòże nalezc, tuwò dëszã mòżna sprzedac... Je wiedzec: gard stolëczny i niepòtrzébné słowa I òglowò, i môlowò, równo z jaczi weznie stronë... Z nią sã nawetk, gôdają, i miasto Pariż równac ni mô prawa Bò, pò prôwdze, je wiedzec, „pardon”- le ni ma, ni ma jak Warszawa... Warszawa dô sã... Chto mô jinszé ò tim zdanié, téż spòkójnô nasza głowa Mómë na nie zapitanié: „chłopie kòchany- za czim ta mòwa...?) Warszawa dô sã... Z nią sã... Warszawa dô sã... Tómk Fópka, Chwaszczëno, 8.09.2007 rokù, gòdz. 10.49 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 6.9.2007 23:59
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Pòrénkòwi cwiczënk (Z repertuaru chùru Batuta z Szemùda, mùz. Wacław Kirkòwsczi) Rôz, dwa- gimnastika Piãc, szesc- czas z łóżka zlezc Òtemknąc òkno, wdichac swiéżi lëft Przecygnąc mùszisz sã Tej „mòstk” wëdżibnie cã Pòbiegac w môlu- swiécy na ce mòk... Mùskùle napnąc wnetk, sfrëszowac spiący krzept Pómpków trzëdzescë zrobisz jesz na kùńc... Tómk Fópka, Chwaszczëno, 3 séwnika 2007 rokù, gòdz. 23.00 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 6.9.2007 23:57
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Celëczé miłotczi (z repertuaru chùru Batuta z Szemùda, mùz. Wacław Kirkòwsczi) Na no dzéwczã w pierszi łôwce Wiedno z tëłu rôd pòzéróm Jasné włosë, splotłé w copë Czej òbezdrzi sã- jaż zmiéróm... To jak grom serce tkło Lubny widk w òczach skrzi Tédë płom dëszã skrôdł Kò to miłosc je! Nen wësoczi knôp z kòmórką Co mie zbierac ksążczi pòmógł Tak zagôdôł, że òd wtórkù Le nen bas wcyg w ùszach zwòni... To jak... Copë wëszłë dôwno z módë Przez kòmórkã jiny gôdô Stark wspòminô, jak ba przódë Czej òn sóm do szkòłë chôdôł... Tómk Fópka, Chwaszczëno, 5 séwnika 2007 rokù, gòdz. 01.58 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 3.9.2007 0:40
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Miéj òczë òtemkłé (na spòdlim tekstu ks. Piotra Topòlewsczégo, mùz. Tomasz Perz) Miéj òczë òtemkłé na smùtk i na biédã, niech zdrok twój téż dozdrzi i lëdzczé cerpienié Miéj zdrzenié, co ból, kòżdi skweres òbjimnie, i tłuczebné żëcé i wszelczé strôpienié Bò Òjc nasz niebiesczi je dobri i wiérny, bò Jegò Òpatrznosc dlô wszëtczich jednakô A w dobrocë swòji je wiedno niezmiérny dlô człowieka, co mù wcyg dobrze grzéch szmakô. Miéj słëch wëòstrzony na smùtnëch i chòrëch, ùwôżny, wrazlëwi na płacz i błaganié Miéj ùszë wstec ôpen na głodnëch, żôrotnëch, miéj starã ùczëcô w jadłobie wòłaniô Bò Òjc nasz... Miéj serce, co kòchô, na jinëch wrazlëwé, parôt pòmòc zawdë, bëc wspiarcym, nym spòdlim Miéj serce redotné, co wierzi bez greńców, co je na pòszëkù, bë dobrze le czënic Bò Òjc nasz... Miéj rãce tak żëczné, bądz chwatczi dlô blëznych, dozérôj ùbòdżich, samòtnëch zez chãcą Miéj dłonie òfiarné, ùżëczné, serdeczné. Zôchòwã dôj tima, co bùten sã tacą Bò Òjc nasz... Miéj wioderną dëszã, na strażi stój dëcha, ùsmiéwk z twòji twarzë niech nigdë nie schôdô Radosnym przëjacelã smienim wcąg darzë- kò òn ce, twój blëzny gò wdzãczno òddôwô Bò Òjc nasz... Tómk Fópka, Chwaszczëno- 2.09.2007 rokù, gòdz. 23.39 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 1.9.2007 12:08
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Lëgòtka na szkòłã (Na platkã rëchtowóną przez chùr gimnazjum w Szemùdze, mùz. Wacław Kirkòwsczi) Jak jô lubiã jic do szkòłë! W taszi móm ksążczi i zesziwczi W piórnikù je pisadłów wiele A do zjedzeniô sztërë sliwczi... Tej maszerëjã, sã nie czerëjã Czë padô sniég, zacynô deszcz... To mie sã widzy- ta góń za wiédzą! Tak jô do ùczbë chãtny jem! Na wùefie grelë w balã Jem stôł na brómce, a timczasã Kòlega, (chòc nié tak bëc miało) Pòwëbił rutë w szósti klasy... Tej maszerëjã... Na historii zôs dzéwczãta Nijak czëc nie chcałë ò wòjnach Z tëłu wcyg plesta jak najãté Jaż szkólnô pò jedince strzélna... Tej maszerëjã... Geògrafiô. Je ò Tatrach Szkólny mô kôrtã rozłożoné Tómkòwi dobrze jidze karta- Pioter fest zéwnął- spi zmãczony... Tej maszerëjã... Czas pòd dodóm garnąc znowa Nôùczi jerzmò përznã zlóznic Witro tak samò krótkô droga- Wic chùtkò wstanã- niechc sã spóznic... Tej maszerëjã... Tómk Fópka, Chwaszczëno, 15.08.2007 rokù, gòdz. 12.51 ---------------- "Pòjmë w przódk z kaszëbizną!"- J. Trepczik- www.fopke.pl

« 1 2 3 (4) 5 6 7 ... 18 »

| Od najstarszych

Poprzedni wątek | Następny wątek | Top

Wyróżnienia