Forum : Nasze Kaszuby

Użytkownik: Hasło:
Zarejestruj Przypomnij hasło

Forum

Losowe zdjęcie

Pomerania

nr 12/12 poprzednie

Wygląd strony

Strona główna forum

Sprawë

Wëlôc galã...

| Od najstarszych

Poprzedni wątek | Następny wątek | Koniec

Nadawca	Wątek
fopke	wysłane dnia: 21.5.2007 23:58
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... W jãzėk zgėldzony- słówka 5 Pòwiém, co wiém Jem tim, co zjém Na drén móm prén Spi- pò bùli krëwi Pò piwie sã cziwie Ribã na riwie riwùje i zéwie Spiéwie chòwie w chléwie ò séwie i żniwie Jaż dzyw je- że spiéwie Jak żiw je pò piwie... Tómk Fópka, Chwaszczëno, 21.05.2007 rokù, gòdz. 23.07 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 19.5.2007 20:41
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Jesénné czarë (do mùz. Wacława Kirkòwsczégò) Chtëż ną wąską stegną kroczi? Rujan ji w kapelusz dmùsze Zdrzącë na niã gwës òbôczi Zasëszoné w smùtkù róże... Złotô jeséń rëgnã w swiat W lëstny, farwny z wiatrã tuńc Z babim latã w „szëkbã” gra Przed nôwiãkszim skrëtô z słuńc... W darżny plëce bótë zmòczi Gãsé pãpczi w brzidze schòwie I pòd pierznã chùtkò wskòczi I krôsniãtom bôjkã pòwié... W pòlu zbierze bùlew kòsz Ptôszczi z kwiôtków dadzą wińc Tej pòłożi miasto, wies Na kòmùdny, dôczny klin... Tómk Fópka, Kãbłowò, 18.05.2007r., gòdz. 17.56 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 19.5.2007 17:41
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Bócón Nowi człowieczk na swiat przëszedł Płaczã dôwô znak, Że mdze jestkù chcôł òd mëmë Tédë pùdze spac... Ref: Bòcón przëniósł w dzobie dzeckò Knôpk je- młodszi brat Hewò lecy z drëgą bòrdą- Dzewùsk- córeczka... Jedny w kapùsce sznëkrëją Czëc chcą dzecny zwãk Chùtczi wilka w krziżach czëją- Niż głos dzecuszka... Ref: Bòcón... Jiny zôs, pòtómka spragłi W bòlnicy chcą żdac Mòże tam sã co wëlãgnie...? Jô móm bòcóna... Ref: Bòcón... Krążił niedzle wnetkã sztërë Béł z te rëszny synk Lôtôł miesądz- z tegò mielë Cos w rożewim tej... Ref: Bòcón... Niech le w co chce kòżdi wierzi Jegò wòlô, chãc Mie do bòcóna nôblëżi Jinëch nie chcã znac! Ref: Bòcón... Tómk Fópka, Chwaszczëno, 10.05.2007r. ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 2.5.2007 17:27
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Jeséń żëcô (do mùz. Wacława Kirkòwsczégò) Je to dobrze starkã bëc! Szescdzesątkã skùńczëc chòc Tédë kòżdi z bòżich dniów Jidze z górczi- ru-bù-bù! Czësto ni ma za czim gòniec flot Czas je, bë stateczno òbińsc płot Je to dobrze starkã bëc- ùwierzta mie! Baro letkò dżadkã bëc! Swój spòkójny żëwòt wiesc A ną wikszą pòłwã dnia Smaczno przespac: chrapù- chrap. Pëlów pôłknąc na noc gôrscë dwie- Pò tim ju sã mało co chce jesc... Zãbë- plóms!- do sklónczi, dze- gëbis ju je... Je to słodkò starkã bëc Z wiekã sã nie mùszi krëc Do kòscółka: tup, tup, tup Tam z białeczką złożił slub Na kòlektã w czipkã dëtka dôł Chòcô rząd mù z rentë dzél zôs wzął... Jakùż bëlno stark sã mô! Szczestlëwi chłop! Je to dobrze starka miec! Òd nie stôré dzeje czëc: Jaczi béł rôz czedës król, Wòjnã dobëł: Niemc czë Rusk? Ò tim prawic pëszno mòże stark Piesnią jesz zaspiéwô: la, la, la Bómka wiedno mô dlô mie... Dobrze, że je! Tómk Fópka, Chwaszczëno, 2 maja 2007 rokù, gòdz. 16.39 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 1.5.2007 22:01
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Biôłi walc (do mùz. Jerzégò Stachùrsczégò) W biôłim ùsniwô swiat Pòd sniegã stãkô dak Zapôla swą lampã noc... Na służbã rësził stróż W sóm nos gò szczipie mróz Grają!- tam czerëje zdrok... Wirëją w ceszbë szalach W ritm walca płënie sala Na pôlcach, cëchùchno ùnoszô jich żoch... Schòwóny w smiotach pałac Zdrzi w cemżą òknów skłama Òddichô mùzyką, co bëne mù grô... Chòc gòrô wkrąg żëcé Chtos sómno w noc krzëczi Miłosné nieszczescé gò pòtkało dzys... Pòdzérô, jak tuńcëją A w òczach łzë sã sklënią Czim wieselszô nóta- tim cãżi ji je... Pòdeszedł miłi knôp Szlë w tuńc, jak jinëch sto Ùmknãłë łzëska, skrzi smiéch... Zabëti tentam chtos Z wiaterkã lëftã gnô Pòwrôcô òbrôz nen zôs: Wirëją... Tómk Fópka, Chwaszczëno, 1 maja 2007 rokù, gòdz. 20.55 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 13.4.2007 23:54
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Jastrowé lanié wòdë (Felietón ùkôzôł sa w Gazéce Kartësczi z dnia 3.04.2007r.) „Ale zajc mądrzela wié, chto je grzeczny, a chto nié…”- pisôł Genk Prëczkòwsczi w jedny ze swich piesniów. Pitómë tej zajca, chto je grzeczny? Ten, co leje wòdã, czë ten co dëgùje? Co je pasowniészé na Kaszëbach? Mòże rzec, że laniô wòdë mómë dosc òbez całi rok. Radio, telewizja, jinternet i gazétë leją ji tëlé, że je mùsz w skòrzniach i z szorëmã tegò słëchac i to òbzerac… (Na môlu bëłobë sã téż dac zapisac na na chùtczi kùrs płiwaniô…w słowach.) Ale do rzeczi… Jak jô nie lëdóm tegò miastowégò chilaniô, òbléwaniô i strzikaniô H2O! Cëż to je za òbëczôj òblôc lëdzy, co jidą do kòscoła?! Na drodze z pôrã wãbórków narôz prisznic dzéwczãtoma zrobic?! Abò bez òtemkłé dwiérzë do autobùsa…?! Jaczi taczi zwëk mô cwëk?! Mój rozëmkù pòj dodomkù! Czãsto w Drëdżé Swiãto nie je za cepło. Zmòczony= zazebłi= chòri… Chto za te szkòdë zapłacy? Karno gòwniôczów, co w „głãbòczim ùwôżanim” mô tradicją i dobré wëchòwanié? Co sã dzeje z naszą kùlturą?! Dze są mëmczi, dze tatkòwie tëch hùleszpégrów?! Mùszimë cos na to zaradzëc. I to chùtkò. Bédëjã złożëc wniosk do Sejmikù Kaszëbskò- Pòmòrsczégò Wòjewództwa ò przëjimniãcé ùchwałë zakôzywający taczëch, bùten szëkù dzejaniów na szkòdã lëdzy i kùlturë. Na Zemi Kaszëbsczi je nót ùmòcnic nasze dëgùsë- jałówcã pò gòłëch, dzéwczëcëch nogach. Kùli przë tim je radoscë!? Bëńlowie mają leżnosc sã przedstawic starszima brutk, òbôczëc dzewùsë jesz pòd pierzną (mòże dostną prorodzynnëch chãców na przińdnosc- je nas wcyg mało). Jak ùdokazniwają ùczałi òd dëgùsów, taczé dëgòwanié rëszô krew w żëłach. Rozwijô sã midzë- lëdzkô łączba. Tej sej, czej knôpi przëtrôfkã stracą swòje „nôrzãdzé jastrowégò gëldzeniô” a „szmaksającô gałąza” wpadnie w rãce białk- ti drëdżi mògą doznac prôwdzëwie zymkòwégò ùrësznieniô… Je to w kùńcu téż mòżnosc spôleniô tëch kaloriów, co jesmë je nabëlë òbczas Pierszégò Swiãta… Jak ùkarac „wòdolejarzów”? 24- gòdzynny sąd i dwa miesądze słëchaniô laniô wòdë z òbradów sejmù. A mòże to bë bëło za òstro?... Tómk Fópka, 27.03.2007 rokù Slowôrzk: Jastrë- Wielkanoc Dëgùsë, dëgòwanié- zwyczaj smagania panien gałązką jałowca po nogach Pasowniészé- bardziej odpowiednie Òbez- przez Skòrznie- kalosze, gumowce Szorëm- parasol Môl- miejsce Chùtczi- szybki Chilanié- chlustanie Wãbórk- wiadro Zwëk- zwyczaj Cwëk- sens Zazebłi- zaziębiony Karno- gromada Gòwniôcz- smarkacz Ùwôżanié- szacunek Hùleszpédżer- łobuz Bùten szëkù- niedopuszczalne Nót- trzeba Kùli- ile Bëniel- młodzieniec, kawaler Brutka, dzewùs- dziewczę, panna Przińdnosc- przyszłość Ùdokazniwac- odowadniać Łączba- kontakt, łączność Przëtrôfk- przypadek Gëldzenié- łaskotanie, tu: pieszczoty Szmaksac- uderzać, tu: smagać Zymk- wiosna Ùrësznienie- aktywacja ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 7.4.2007 22:15
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Piesniô wòlnotë (na spòdlim „L’Estaca”, z rep. L. Llacha; pòl. wersjô „Mury” z rep. Jacka Kaczmarsczégò) Słuńce przegòniło cemnosc Do żëcô bùdzył sã dzéń Stôł jem ze starkã kòl pórtë Czuł jegò głos, jak mù drżił... - Rzeczce, czë wami je zëmno? Ògrôżka- chcemë jic spac... - Dzeckò, nie jiscë sã ò mie- Òjczëznã wëbawic czas... Mùszimë wstac i w dôlą zdrzec Òtrzepac pich, w pòszëkù bëc Przemówic razã, razã, razã Znikwic Trud, Niewôrto, Strach Kòżdi je wôżny, kòżdi brat W różnoscë równy- w tim nasz chwat Le dzejac razã, razã, razã To nóm mòże wòlnosc dac! W swiat jidã z Remùsa karą Jak Ôbram lińcuchë rwiã Lëdzëska zgniłé, z niezgarą Pitają- cëż òd nich chcã...? Starka òd lat krëje zemia Òstôł nen jeden òdjimk: - trzimie mie mòcno za remiã, jakbë cos przëbôczëc chcôł... Mùszimë wstac... Wiater mòcniészi sã zriwô W dzyrskòsc téż rosce nasz głos Pòd faną grifa dobiwô- Kùńc! Ùcemiãdżi ju dosc! Ters mégò starka wspòminóm, Wiém, czemù drżił tej mù głos- I za nim spiéwac zaczinóm, Łza z òka spłiwô, czej zôs: Mùszimë wstac... Tómk Fópka, Chwaszczëno, 7 łżëkwiata 2007 rokù, Wiôlgô Sobòta, gòdz. 20.40 Zaspiéwië z hiszpańsczim spiéwôkã pò kaszëbskù: http://www.xtec.cat/~aguiu1/socials/estaca.htm ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 7.4.2007 13:52
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... Na skrótë (Felietón ùkôzôł sã w Gazéce Kartësczi, 27 strumiannika 2007r.) Jak rzekł jeden z nôwiãkszëch, żëjącëch Kaszëbów, prof. Gerard Labùda- lëdze jidą dzysô na skrótë. Mómë corôz to mni czasu na wszëtkò, nawetk na gôdanié. Dze sã pòdzało: „Niech Bãdze Pòchwôlony Jezës Christus!”? Colemało czëc sã dô: „Niech bãdze pòchwôlony!”(Czuł jem rôz tak cos: „Niech bãdze pochwa…”- leno chto to je tej na Lona?!) Nôbarżi młodzëzna sobie skrôcô. Mejle, sms-ë i tak dali… Taczé mómë czasë… Chcã jic do robòtë- piszã CV. Dobrze znac anielsczi- przënômni FC. Na kòmpùtrze musisz rozmiôc: PC, CD, DVD. W krómie RTV i AGD. Przed nôzwëskã: mgr, dr, prof. hab. i schab (dëbelt schabilitowóny), inż. i jinszt. (jinsztalator). Úczałi òdkrëlë niedôwno, że żebë zrozmiôc słowò, nie mùszi òno bëc w całoscë, ani nawetka lëtrë nie darwają bëc w szëkù. (To je gwës na rãkã tima, co w titule mają dis-). Stowôrë i partie chãtno skrótë wëzwëskiwają. PiS, PÒ, LPR, PSL, (z Samòòbroną bëło bë cãżkò- chiba że sama BRÓNA). Strażacë gaszą w ÒSP, białczi spiéwią w KGW, w ÒDR-ach gbùrama pòdpòwiôdają, w PÚP-ach mają bezrobòtnëch. Zależi ce na kaszëbiznie- dzejôsz w ZK-P. Chcesz ùczëc bicé serca swégò pòtómka- słëchôsz KTG. Wòlôsz jiné- EKG. Zamikôsz ògromné państwò w trzech lëtrach- piszesz USA. Nie lëdôsz lôc wòdë- ùżiwôsz H2O. Sąsôd ce napsocył- slesz mù SANEPID do krómù. Bùrméster nie zasztopôł dzurów w twòji drodze- zwònisz do RIO i NIK-ù. Szef dôł za mało wipłatë- do PIP-ù z nim! Nie wiész, co z pieńdzama zrobic- pòmògą ce PKO, BP i S.A. Czedë chcesz jachac- to leno PKS-ã, PKPã abò SKM-ką… Nawetkã przë przëpitkach gôdiwô sã corôz krodzy. Dze òstało: „Chcemë le so wëpic!”? Przechôdô terô w „Chcemë le…”, pò tim w „Chcemë…”, tej w „Neżë!”- w kùńcu òstnie „Në!”. Dzecë nie ùwôżają swòjëch starszëch. W môl „dôjce, wezce, pòjce, chcelë wë bë...”- je czãsto „dôj, wez, pòj, chcesz”... Dze më jidzemë?! Czë za sto lat bądzemë sã dogôdiwac szifrã? Dôjmë na to , w kòscele, przë czëtanim ewangelië ksądz rzeknie leno „tipitipiti- i pò czëtanim...? Ò spòwiedzy nie wspòmnã... W krómie, przë kasy klijent rzucy cąg cyfrów i pò sprôwianim...? Jak taczé radio na se zarobi- kò òpiérô sã na gôdanim...? Jak w tim wszëtczim sã naléze kaszëbsczi jãzëk? Mòże bëc drãgò- tej piszã, czej jesz mòżna „normalno”... Pa pa! Tómk Fópka Kartuzë, 1.03.2007r. gòdz. 10.57 Słowôrzk: Gwës- pewno Dëbelt- podwójnie Ùczałi- uczeni Lëtrë- litery Darwac- musieć Szëk- szyk Stowôrë- stowarzyszenia Wëzwëskiwac- wykorzystywać Bróna- narzędzie rolnicze, nieodzowne przy organizacji blokad drogowych Przëpitk- toast Ùwôżanié- szacunek Môl- miejsce Leno- tylko Króm- sklep Cąg- ciąg Sprôwianié- robienie zakupów Drągò- ciężko, trudno Tej- więc Wëmòwa: „é”- „y” lub „i” w zestawieniu „ié” „ã”- nosowe „a” „ą”- nosowe „u” „ô”- „y” „ò”- „łe „ù”- „łu” „dż”„cz” sz” „ż”-odpowiednio: „dź” „ć” „ś” „ź” ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 1.4.2007 12:32
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... W jãzëk zgëldzony- słówka3 Róta dzëków w ruce sã przezérô Stroją dzywné minë, co rusz sã ze sebie chrochcą Wtim zgruchnãłë sã pòde twélą Twérã chcą przeczekac, timczasã wilëją nokce... Përznã dali lud na lód wpùrgniãti Rubùbù! Na szlópach, pò rëklënach, flot- na miónczi! Wcale nié tak prosto. Krãtë- wãtë Próbùją, wëzwëskiwawszë do te szrëce, sónczi... Ò przëpôłnim òprzałi pszmiél brzãczec òprzestôł A spiący zãc na pùlczi dostôł chãc Dulczi na kùlczi swòji Julczi z flintą lesny Szpókùje w jizbie wuje strôszków piãc. ZUS- ce ùbezpieczi... Zôs- të na mie krzëczisz... Zós- na bùlwë lejã Szpôs- sã z tegò smiejã... Tómk Fópka, Chwaszczëno, 1 łżëwkwiata 2007 rokù, gòdz. 11.17 ---------------- "Pòjmë w przódk z kaszëbizną!"- J. Trepczik- www.fopke.pl

fopke	wysłane dnia: 28.3.2007 1:41
Nie mogę oderwać się od tej strony! Zarejestrowany: 7.7.2003 z: Chwaszczëno Wiadomości: 462	Re: Wëlôc galã... W jãzëk zgëldzony- słówka 2 Pòdkôrbiają kôłpie kaczkoma Ò wëmôwianié jidze spiérka I midzë jãzëkòwima smaczkoma- Co sztót- zmiłka... Szkalëją na nie òd pòcëdów swiata- A kaczé sznoble smùtno zwieszoné Òstro jidze- mô brat na brata ùdokaznioné... Że rupa wiózł na szlópach W czeliszk lôł kórzcwią zupã W gropùszkù szópą szura Ùtopił, òsta skóra... I że ómka Jirena sã nie chca szëcô jigłą jëmac... a sąsôd wąsati rąklą pãcôł w dak ji... Hewò gbùr na wóz fùl czipkã bùlwów niósł... Miôł przë tim bùksë lóz pùczelk i włosë kruz... I to, że w baszkã przegrôł Bachòwi w krutop rzëgnął Trzë gòdzënë sã żegnôł Nagróné, co tej rzeknął... Tak żgrzą sã lata całé Zdrzec na se ju ni mògą Bë pòkù ju so dalë- Żëc na pół z rzëcą- szkòda... Tómk Fópka, Chwaszczëno, 28.03.2007r. gòdz. 00.54 ---------------- "Pòjmë w przódk z kaszëbizną!"- J. Trepczik- www.fopke.pl

« 1 ... 4 5 6 (7) 8 9 10 ... 18 »

| Od najstarszych

Poprzedni wątek | Następny wątek | Top

Wyróżnienia