W mionie Zymkòwców baro serdeczno rôczã wszëtczëch piszącëch wiérztë, prozã, satirã, binowé dokôzë ëtd., 4 séwnika do wejrowsczégò mùzéùm, na zéńdzenié młodëch ùtwórców kaszëbsczi pismieniznë ZYMK.

Bdzemë m.jin. welowalë dokôzë do nowi ksążeczczi pt. Zymk 4 ë sztridowalë sã ò dzysdniową pismieniznã.

CO: Zymk
CZEDË: 4 séwnika (sobòta) 10.00 gòdz.
DZE: Mùzéùm Pismieniznë a Kaszëbskò-Pòmòrsczi Mùzyczi, szasëjô Zómkòwô

Róman Drzéżdżón

Tekstë mòżna téż sélac do mie, na adresã: belok@op.pl , co baro ùsprawni redôkcëjną robòtã kòl czwiôrti ksążeczczi Zymkù.

Zymk 4

Ùkôzôl sã ju Zymk 4 – zsziwk mlodëch ùtwórców kaszëbsczi pismieniznë. W nym hefce mòże przëczëtac dokôzë Aszi Gackòwsczi, Alicjë Skiba, Anë Marijë Bartkòwsczi, Sławeka Fòrmelë, Macéja Doraua, Tomeka Fópka, Môrcëna Òdelsczégò, br. Zbigniéwa Joskòwsczégò, Grégòra J. Schramke, Sławeka Krause, Piotra Cëskòwsczégò ë Rómana Drzéżdżóna.

Zymk 4 wëdala Wëdowizna Region (www.region.jerk.pl) razã z Mùzéùm Pismieniznë ë Mùzyczi Kaszëbskò-Pòmòrsczi w Wejrowie.

Rôczimë do czëtaniô... a téż do kùpianiô!

Wszëtkò fejn, le dze to kùpic, na przëmiôr we Trójgardze ?

----------------
Zdrzë: Peccunia non olet (Piniądz nie smierdzy)

Cytat:

http://www.region.jerk.pl/cennik.php

KLIENCI INDYWIDUALNI

Zamówienia

składać można listownie na adres wydawnictwa (81-574 Gdynia, ul. Goska 8), faksem (nr 0/58/629-59-46), mailem (jerk@jerk.pl) lub w siedzibie firmy (pon. pt. w godz. 9 – 15).

[...]

System płatności
[...]
gotówka– w przypadku zakupu w siedzibie wydawnictwa
--------------------
Czyli chyba wychodzi na to że można tam pójść i sobie kupić.
A może ktoś wie gdzie to można kupić w Szczecinie? :)

W mionie Zymkòwców dzãkùjã baro za dëtkòwé ë meritoriczné wspiarcé kòl rëchtowaniô ë wëdaniô Zymkù 4:

Bògùsławòwi Breze – direchtorowi Mùzéùm Pismieniznë ë Mùzyczi Kaszëbskò-Pòmorsczi w Wejrowie

Jarkòwi Éllwartowi – z Wëdowiznë Region

Grégòrowi J. Schramke – z Wëdowiznë Region, redaktorowi, kòrektorowi dokôzów a téż autorowi prozatorsczégò dokôzu

Janowi Drzéżdżónowi – rogarzowi

Tómkòwi Fópka – spònsorowi a téż autorowi frantówków

Tadéùszowi Grabarczikòwi – spònsorowi

Riszardowi Grzesło – spònsorowi

Markòwi Kwidzińsczémù ë jegò białce Sylwië – spònsoróm a Marëkòwi jesz za zrëchtowanié junternétowi starnë

…a wszëtczim tim co chcą òstac bezjimienny

Zymk 4 kòsztô 5 złotëch ë mòże jegò kùpic w Wëdowiznie Region,
wzérô: http://www.region.jerk.pl/regionalia.php

Mòże téż zazdrzec na stronã:
http://www.zymk.net/zsziwczi/zymk_4/index.html

Róman Drzéżdżón
PS. Terô sã brac do pisaniô!!! Zymk 5 żdaje!