Chłop kùpiwô cygaretë:
- Dôjce mie te czerwioné...
Bierze, òbzérô, a tam je napisóné „Òd pôleniô jidze dostac chłopską nimòc”
- Wiéce wë co, dôjce mie lepi te z „rekã”- gôdô

----------------
"Pòjmë w przódk z kaszëbizną!"- J. Trepczik- www.fopke.pl

Jedna białka pòkôzywô swòji drëszce swą chëcz.
- Wa môta dwie jizbë do spaniô- dzëwùje sã dëszka- spita apart?
- Jo, to je terô baro módné.
- Ne jo, a jakùż wa sã kòchôta?
- Czesto prosto. Czej chłop mô lëszt- chrochce...
- A czej të môsz chãc?
- Tej wlôżóm do jegò jizbë a sã pitóm: chrochtôł të?

----------------
"Pòjmë w przódk z kaszëbizną!"- J. Trepczik- www.fopke.pl

Pògrzéb- gdowa chòwie swégò chłopa.
Kòpôcz pitô:
- A wiele òn miôł lat?
- 98.
- A wë?
- 97.
To wami lónëje jesz jic dodóm?

----------------
"Pòjmë w przódk z kaszëbizną!"- J. Trepczik- www.fopke.pl

Dochtor badô białkã:
- A wiele wë môce lat?
- Dochôdóm do szterdzestczi...
- A z jaczi stronë?

----------------
"Pòjmë w przódk z kaszëbizną!"- J. Trepczik- www.fopke.pl

Co lëdze nôczãszczi gôdają przed smiercą?
- Jô nie wiedzôł, że to je twòja białka!
- Zdrzã, czë lófa je bëlno wëczëszczonô...
- Pòj do wòdë, tu ni ma żódnëch rekinów...
- Ta bómba je zrobionô na pół z rzëcą...
- Zdrzë, nen krokòdil wëzdrzi jak żëwi...
- Jedzë, prawô je wòlnô...
- Sostro, jô móm RH minus...
- Doktor gôdô, że nôgòrszé ju móm za sobą...
- Ale je ten slédz w smiotanie smaczny!

----------------
"Pòjmë w przódk z kaszëbizną!"- J. Trepczik- www.fopke.pl

Przez plac przed Sejmã RP jidze dwùch spòsobnëch chłopów w dłudżich meńtlach.
Pò czim pòznac, chtëren z nich je z Samòòbronë? Jeden mô wsztopóné meńtel w bùksë...

----------------
"Pòjmë w przódk z kaszëbizną!"- J. Trepczik- www.fopke.pl

Bialka Paula Kùnca przëszla do ginekòloga a gôdô:
– Dochtorze, mój chlop mô piątkã dzecy.
– Tej baro wama gratulëjã – gôdô dochtór.
– Ni mô czegò, bò òn je mô z jinszima bialkama narobioné, a jô, chòc jem jegò szlubną, ni mògã w cążã zańc.
Dochtor zbadôl ją baro dokladno, le nick zlégò nie nalôzl.
– Wë jesce zdrowô ë dzecë mòżece spòkójno miec. Czë pani z chlopã spi?
– Ale jo, reno, w pôlnié, wieczór, a w niedzelã debelt.
– To je baro dzywné. Niech chlop dó miã przińdze.
Pò czilu dniach Pauel zjawil sã kòl dochtóra.
– Wiéce wë co, to je baro dzywnô rzecz. Z tegò co jô wiém pón môsz piãc dzecy z cëzëma bialkama a ze swòją niżódné. Jô tegò za dëtka ni mògã pòjic.
– Dochtorze, gwësno je tak, że w niewòlë jô sã ni mògã rozmnażac.

----------------
zdrzë: www.zymk.net, www.belok.kaszubia.com

Stalo sã, wejle, tak dzywno, że ùmarło 200 zlotëch. Pòszlo do nieba, klepie na dwiérze, òtmikô mù sóm Pón Bóg, chtërny krzëwò wzérając riknął na ne:
– Rin mie stąd! Do piekla!
Stalo sã, wejle, téż tak, że përdã wëcyglo 100 zlotëch. Szlo do nieba, klepie w wierzeje, òtmikô mù sóm Pón Bóg, chtërny grozno zdrzącë wrzasnąl na ne:
– Wek mie stąd! Do piekla!
Stalo sã, wejle, tak, że ë 50 zlotëch dëcha wezonãlo. Pòcyglo do nieba, klepie na pùrtã, òtmikô mù sóm Pón Bóg, chtërny nawetka nie zdrząc werzëcël le z se:
– Rut mie stąd! Do piekla!
To samò stalo sã téż z 20 zlotëch, 10 zlotëch, 5 zlotëch, 2 zlotéma a nawetk 1 zloti mùszôl sã z niebã òdżegnac.
Stalo sã, wejle, w kùńcu tak, że ùmarlo 50 groszi. Pòszlo do nieba, cygnie za zwónk, òtmikô mù sóm Pón Bóg, chtërny rãce szerok rozklôdając z milotą witô 50 groszi na niebiesczich ląkach, ë sedzô je pò swòji prawi strónie na zlotim trónie.
Jinszé dëtczi zdrząc nó to z piekla glosno pitalë:
– Czemùż Panie Të 50 groszi jaż tak baro achtnąl?
Nó to Bóg jima z górë òdrzeknąl:
– A miôl jô waju czedës w kòscele widzóné?

----------------
zdrzë: www.zymk.net, www.belok.kaszubia.com

Jednégò dnia zeszlë sã Jurk z Benkã. Czedës ti dwaji baro lubilë chòdzëc razã na rëbë, le òd czasë jak Benek sã òżenil, jakòs ni mòglë sã spòtkac.
– Jakùż tam kòl mlodégò chlopa? Jidzemë w sobòtã na rëbë, czë na twòja jesz dërch ce krótkò trzimie? – pitô sã Jurk
– Nié, ni mògã. Bielka krzëwò nó miã zdrzi, jak jô le cos ò rëbach rzekã. Òna gôdô, że mie blós rëbë we lbie pliwają.
– Tej wezkôj le zrobi tak jak jô. Reno w sobòtã òtmikóm òczë, òdkriwóm pierzënã ë glosno gôdóm do ti mòji babë: „Cëż jô móm za élefanta doma. To nawetka nie szlachùje za bialką. Takô sëtô, pòmarszczónô, zaroslô! To doch nie je do wzéraniô”. Czej òna to czëje, tej zarô mie wërzëcô z chëczë. Jô biorã z szaùra wãdzëskò ë jidã nad jezoro. Kąsk trzôskù kòl tegò je, ale je to wôrt, bò bez cali dzéń mògã so spòkójno ribczi lowic.
– Fejn je tak nad wòdą so pòsedzec, ale kùliż tak mòże? Dze të pózni spisz?
– Jak dze? Doma spiã. Wieczór jak jô przińdã dodom, tej nôprzód ji bez òkno ne ribczi pòkôżã. Jak ji do nëch tak sã gãba ùsmieje, to je wiedzec, że je dobrze. Òna je fejn na wieczerzã przërëchtëje, a pòtemù më sã gòdzymë… ë pòkój je do nôstãpny sobòtë.
– Jô téż tak cos mùszã zrobic – rzek Benek ë ùgôdôwszë sã z Jurëkã na sobòtã szedl do dom.
W sobòtã wczas reno Benek òtemkl òczë, pòdniósl pierzënã, wezdrzôl na swòją gòlą, pëszną bialkã ë cëchò rzekl:
– A do diôchla z rëbama!

----------------
zdrzë: www.zymk.net, www.belok.kaszubia.com

Wnuczka z miasta przëjacha na wies do ómczi ë ópë. Czej przëszedl wieczórk wnuczka rzekla, że jidze ju spac, bò nen wiesczi lëft ją baro wëmãczël. Ómka chcącë ją kùsznąc na dobranoc wlazla do jizbë ë zdrzi, że na czësto gòlô do wërów wchôdô.
– Cëż të tak bez niczegò spisz – zasroma sã óma.
– Joczke. Jô spiã w sami skórze - to je takô ekòlogicznô kòszla.
Óma szla do jizbë, dze ju ópa lóżkò grzôl. Nie wzérając na nic wzãla sã calô rozeblekla ë pòd pierznã sã karëje.
– A cëż të, stôrô, terô wëstwôrzôsz. Nié môsz sromòtnico kòszlë na noc?
– Ale ópa të sã, sztrëchù, na niczim nie znajesz! To je terô takô móda, że sã spi w ekòlogiczny kòszlë.
– Alaże! – rzekl ópa krzëwò wzérając na bialkã. – Niech cë ju mdze, le ,babò, të jes mògla ną kòszlã chòc wëplatowac!

----------------
zdrzë: www.zymk.net, www.belok.kaszubia.com