Môsz Të Darkù dobëté!!!
Terô wez Twój adres skrëti
Wëslë chùtkò le do mie
Bò nôdgroda nó cã żdże
Wezkôj wëslë mie emilã
Tak co jô sã nie pòmilã
Na mój adres kòmpùtrowi
Bò móm paczét ju gòtowé

belok@op.pl

----------------
zdrzë: www.zymk.net, www.belok.kaszubia.com

1. mùzë - Mùza
2. jablóńczi - Jabłońsczi
3. Ôbrama - Ôbram
4. jutrzenką - Jutrzenka-Trzebiatowsczi
5. drzeżdżi - Drzeżdżón
6. Kònkòl
7. czisë - Czisewsczi
8. zajce - Zajączkòwsczi
9. Lësë - Lës
10. kùrą - Kùr
11. òkóńczi - Òkóń
12. Knôpiczk - Knôpik
13. pipce - Piepka
14. tusk - Tusk
15. kòs - Kòs ( Jón Kòs, bëlny Kaszëba z Gduńska)
16. liskô - Łisk (na przëmiôr Jerzi Łisk)

----------------
Zdrzë: Peccunia non olet (Piniądz nie smierdzy)

Czësto Bùten Szëkù
Na Rozdzartim Flekù

Pierszégò lżëkwiata
Barchnieje pól swiata
Solonô harbata
A zupie salata

Beńlowie pludrëją
Dzéwczãta sznapsëją
Trupë rôd rechòczą
Jaż gnôtë grëchòczą

Szaloné klekòtë
Jidą do robòtë
A jedząc sromòtë
Gôdają glëpòtë

Żabólcë swiérgòlą
Na bómach so stoją
Òczkama pùszczają
Wiele nie mërkają

Stôri gubią gbisë
Mlodi robią spisë
Pòsélcë lustrëją
Radnélcë szpôsëją

W radiu lżą jak biés
Jedząc biôli griz
Lepi jim nie wierzëc
Bò sã mòże zjeżëc

Szpôs za fifã jidze
Étka pò Jadwidze
Przëjachala z Ridżi
Pludrëje na midżi

Taczi to je szpòrt
Mùńdurowi sort
Dobrze sëszëc zãbë
Jak je pò przësãdze

Jô bë mógl tak lgac
Leno mùszã spac
Jôjca mùszą bëc
Kùsznijta mie w rzëc!

----------------
zdrzë: www.zymk.net, www.belok.kaszubia.com

Eeeeeeeeee, dobëté- wiôldżé słowò!
A z tą służbą- to môsz prôwdã
Do dzys dnia sã fest jadłobią
Skądka wzãłë sã tam gniôzda...

Szła przez satelitã chùtkò
Pãkt pò pąkce całô sprawa
Ageńt kòżdi miôł dëcht krótkò
Statk, co dalek mógł nadawac

Z jednym mie sã cos nie zgôdzô
Czej jem szedł z Ariadnë nitką
Zajcom z cëkru deszcz przeszkôdzôł
Ana òsta z mòkrą czipką...

Tómk Fópka
Chwaszczëno, 24.03.2005r., gòdz. 20.54

----------------
"Pòjmë w przódk z kaszëbizną!"- J. Trepczik- www.fopke.pl

Drodżi Tómkù, môsz dobëté
Môsz Të jaczés służbë skrëté?
Chòcë mùszã dopòwiedzec
To doch kòżdi mùszi wiedzec
Że z jednégò, wejle, bòbka
Wëszlo zajków cos pól lopka
Ë nie bëlo jëch tësącë
Le miliónë na ti lące
Kòżdi farwné jaje sadzël
A tej w czipkã chùtkò czadzël
Zôs pòd wieczórk przeszla Ana
Ë je zjadla wszëtczé sama!
To je prôwdã, jô Cë rzeknã
Bò zrobioné bëlë z cëkra

A z tim Zajca to jô lgôl
Czej jem gò na mùszce miôl
Ten mie rzëcą leno piôrd
A tej w krzôczi riber szedl

----------------
zdrzë: www.zymk.net, www.belok.kaszubia.com

Ad vocem...

Dożdżë, Rómkù! Tëc nié kùńc!
Chcemë w tił piãc kroków przińsc,
Bò kòżdëchny Zajca bòbk,
Je naklëti, tamsam łepk
Z negò „jôjka” zajiczk wëtkł
I wëzérô rôd na swiat.
Mësli so: What’s going on?
Was ist los?- jak Miemc bë rzekł...

Sajdô zajków przeszło tësąc
Kòżdi jinszą mòwã znaje.
Tak je gwësno, mógłbëm przësąc
Czej sã z Zajca robi jaje...

Tómk Fópka
Chwaszczëno, 23.03.2005, gòdz. 21.40

----------------
"Pòjmë w przódk z kaszëbizną!"- J. Trepczik- www.fopke.pl

Jô a Jastrowi Zajk,
czëlë ò tim czemù swiãta kùńczą sã w Pòniedzôłk

Reno wstôl jem chùtkò wczas
Bùksë wlożël ë szedl w las
Tam dze wiôldżi dãbôcz stôl
Jem zrobioné gniôzdkò miôl

Ju dochôdôl jem do môla
Nigle cos skòknãlo z pòla!
Wzéróm – Zajk Jastrowi gnaje
Gwësno darënk nó miã żdaje!

Flot pònëkôl jem pòd dãba
Ë… sã zwrócël ë pôlkl zãba
Gãbą w mòjé gniôzdkò wpôdl
A z anielska rzekl: O shit!!!

Wzéróm bënë – cëż za wic?
Zajc mie nie òstawil nick!
Wkól leżalë czôrné kropczi
Fùj! To bëlë jegò bòbczi!

W glos diablëjąc wząl jô flintã
A zakùńczil jem ne swiãta!
Tej chùtuszkò dodom szedl
Dze ze szmakã Zajca zjôdl

Wszëtczégò bëlnégò na Jastra
Bògatégò Zajca ë festnégò dëgùsa!

----------------
zdrzë: www.zymk.net, www.belok.kaszubia.com

Czartowskô pòwiôstka dlô niebëlnëch dzecy

Je to pòwiôstka dlô niebëlnotów
Co lézą pierszi do wszëtczich psotów
Jak chcész cos zbrojic, dzeckò kòchóné
Przëczëtôj nôprzód co tu napisóné:

W pòdzemnëch czartowsczich strónach
Sedzą diôchlińcë na czôrnëch trónach
Ë zdrzą jak w kòtlach zlé dëszë sã mãczą
Pliwając w smòle glosno rikają a jãczą

Taczé téatróm diablińtą pasëje
Jeden a drëdżi ze szczescô sã smieje
Z wiôldżi redotë tëpama rëchają
Òstrima widłama pò slôdkach kluwają

Przeklãté dëszë w kòtlach barchnieją
Czej zli pùrtôcë pò chrzebtach jich leją
Glosno jamrëjąc retënkù wòlają
Òczama w niebò dërchã wzérają

Terô za pòzdze mòdlëtwë je slac
Nót bëlo w żëcym dobrim sã stac
Terô mùs w smòle rozmiec je pliwac
Do cemna ë hëcë sã przenãcywac

Z ti wiérztczi mòral wëchôdô taczi
Chto nie zrozmieje dëszã swą stracy
Ten co na swiece wiele rojbrëje
Niechôj sã lepi do piekla rëchtëje

----------------
zdrzë: www.zymk.net, www.belok.kaszubia.com

Spiéwka ò...

Stojã na binie
Rikóm w mikrofón
Lëdze słëchają
Nen refren spiéwają:

Ref.
Bò spiéwka mùszi ò czims bëc
Bò spiéwka mùszi mądrosc niesc
Bò spiéwka mùszi dawac wid
Bò spiéwka mùszi miec swój ritm
Bò spiéwka mùszi bëc jak lim
Bò spiéwka mùszi miec téż rim

Mikrofón skrzeczi
Barch corôz wikszi
Lëdze glëpieją
Ne słowa wtórëją:

Ref.
Bò spiéwka…

Z gãbë wërzëcóm
Słowa mądroscë
Knôpi barchnieją
Dzéwczãta mgleją:

Ref.
Bò spiéwka…

Na kùńc ti spiéwczi
Fanczi piskają
Lëdze klaskając
Sami spiéwają:

Ref.
Bò spiéwka…

----------------
zdrzë: www.zymk.net, www.belok.kaszubia.com

Kòt

Niejednô bialka je jak dzëwi, czôrny kòt
Ò tim wiedzec mùszi kòżdi mądri chlop
Nót je ją karmic, mùjkac, czëszczëc, smùkac
Codzéń przesnôżé slówka do ùszka ji dukac

Czasã mùszi pòczorchac kąséczk za fùterkò
Sygnąc pôlcã dosc glãbòk, bë spòtkac sã z ji nerką

Nôleżi ji dac wszëtkò, co le blós zapragnie
A òna rozkòchô, ùsôdzy calo ë… dëszã cë skradnie
Ë dzëwim zwëkã, namienionym czôrnémù kòtowi
Ùńdze swą stegną, tej czej nie bądzesz nó to gòtowi

Na kùńc jesz slówkò wërzeknąc mùszi w ti sprawie
Mòże sã wëdawac, że jak zwiornie jedna, je ju pò zabawie
Ë chòc tak przikri kawel mòże kòżdémù sã zdarzëc
Lepi wzyc so bialkã drëgą, chtos doch mùszi pôlnié warzëc!

----------------
zdrzë: www.zymk.net, www.belok.kaszubia.com