Niech bãdze wëchwôlóny Jezës Christus, co zachlëchôł nad Jeruzalemóm
ë Swiónowskô Bòżô Matinka !!!

Kaszëbsczé lëterë, to je nômnészi jiwer ! Je kaszëbskô przëcëskarniô programistë, co je takò jakno ta pòlskô, le mô jesz na wiérzch kaszëbsczé lëterë. Równak, nôlżi je wpisac tuwò nibë wëpòwiesc na forumie, leno ji nie sélac, le scygnąc – wezmë na WORD. Je téż mòżlëwé scyganié z różnëch lëstów leno kaszëbsczich lëterów, a pózni pò jedny le so wlëmic, dze sã leno chce.

Pò mojémù, ,,trójniak jeżynowy’’, to leno mòże bëc ÒSTROŻËNIÔK abò ÒSTROŻËNOWI TRÓJNIÔK.

Jednym czasã jô jem słëchôł na rozsęlnicã ,,Radio Kaszëbë’’, dze béł rozgłoszony kònkùrs: - Chto wié, jak sã pò kaszëbskù gôdô na ,,kotlet schabowy’’ ? To zbawiło dosc tëli czasu, a nicht jima nie sélôł wiestka z dosëznym słowã. Òstało ju le czile minut do kùńca, tej jô chùtkò chcôł retac tczã Kaszëbów: Jem chwëcył swój leftowi drótk, dze jem zarô wpisôł słowò ,,krzeptownik’’, kò prawie le tak jem to wiedzôł z mòjich strón, króm pòlsczégò - ,,schabòwi’’. Cos mie sã zrobiło dosc dzywno, czéj òni mie przez rozsélnicã òdrzeklë, że to nie je nijak pò kaszëbskù. Bëlno pò kaszëbskù mia bëc ,,karbònada’’ ! Dotądka jô béł dbë, że prawie ,,karbònada’’ nie je pò kaszëbskù, le je leno w ùżëcém, bò ò ni jem czuł le z kasétë znónégò plestë Roszmana; a tak na kùńc, to mie sã to leno parłãczëło z cządã z dzejów Zemi – z Karbònã.
To samò – je widzec – je z tim ,,brumsbérã’’.
Jô nie wiém tak do kùńca, bò nie jem taczim bëlnym znôjôrzã jãzëków, le mie sã wëdôwô, że z tim kanadijskò-kaszëbsczim ,,castã’’ kòl sgepperta – z 1. gòdnika ‘9.rokù, z wiertla do dzesąti wieczór je kąsk jinaczi. Stôri lëdze z Cepłëch Strón tej sej mie pòprôwiôlë przódë lat, czéj jô jesz béł knôpã, że sã nie gôdô ,,casto’’ na ùpiekłi kùch, bò tak leno Żëdzë gôdają. Równak ju pò II swiatowi wòjnie corôz czãscy lëdze téż pò pòlskù prawie tak gôdają. Mòże tamti Kaszëbi wicy mają pò tëch wszëtczëch rozsélnicach, zdrzélnikach czë gazétach czëté pòlsczich słowów jakno kaszëbsczich ?
Dlô mie takò ,,kùch’’ jakno téż ,,żega’’ są słowiańsczé, ë to prawie Miemcë bë mùszelë sã zastônôwiac, jak to do nich doszło. - Mòże to są jesz bôłtosłowiańsczé słowa ?
,,Brumsbérowi trójniôk’’ téż mòże bëc, le czë to mbdze pò kaszëbskù, czë leno w mòwie, jaką téż tej sej na Kaszëbach gôdają ? Takò téż - je widzec - z chlebã ë mlékã je, skorno to nibë są miemiecczé miklënë. Jeżlë nie je mòżlëwé zastãpienié jaczégòs słowa rodnym, to pewno na dzysô takò mùszi òstac; le wcëskanié na wiżawë cëzëch rzeczeniów je ùmëslnym rozwôlaniém swojiznë w kaszëbiznie, kò je kazbą, dzejaną òpòcëszkù – CzDarkù, a jo ! Pewno, to bëłobë wiele lepi, żebë w plac tegò miemiecczigò słowa wëmëslëł czësto swòjé, bò nie bëłobë zgapioné òd sąsôdów.
Òsoblëwie mie sã baro widzy ta wëpòwiesc baro wôrtnégò dowiarë sgeppert’a z 2.gòdnika ’9.rokù, nôpisónô wiertel pò piąti wieczór.
Dzys dnia, czedë to kaszëbskô mòwa mô kąsk pòjudżi, skansenã złégò jesz prawie Të lorbase, kò ju je widzec, jakno zarô nama rzeczesz, że kaszëbskô mòwa je nibë gwarą miemiecczégò. Jô miodzykù nie chcã, kò jô ,,kù dwiérzóm sã garnã na taczé dictum acerbum'' … Jô nijak nie chcã kazëc kaszëbskòscë kaszëbiznë, kò to je wiôlgô sromòta bëc torf(en)Kaszëbą; nawetka za słodczi miodzyk !
Jô nie jem tak za baro Kaszëbą, chòc to mie zwôlë we wsë ,,Kaszëba – nie-Kaszëba’’, bò to prawie jô piérszi we wsë rozmiôł pisac i czëtac pò kaszëbskù ë piérszi ùczëł zajéców regionalnëch. Równak jô Wama Wszëtczima gôdóm, że mùszita słëchac na sgeppert’a, kò mie òn wëzdrzi na kaszëbsczégò Kaszëbã, jakbë rzekł Ceynôwa Florión – na fejn-Kaszëbã.

- Z Panã Jezëskã !!!