Nôprzód trza rzec, co rozmieje sã jakno 'Kaszëbskô':

a) = Pòmòrskô
b) tam dze je pòmòrskô mòwa
c) tam dze lëdze mają swiąda, jëż są Kaszëbama
d) stôre Kaszëbskô (zemia pòmòrsczégò plemiona jaczi żëło òkoma np. Wòlënianów, Përzëczanów ë chòba téż Krajniôków; nônbarżi mòżlewé, jëż kòl Kòszalëna, jaczégò miono przeszło na wschód/óst.

Żle jidze ò Bòrowiôkòw je nót pamiãtac, jëż nôprzód òni wszëtcë gôdalë pò pòmòrskù/kaszëbskù. Przez pòlonizacëjã, a téż napłiw Miemców do tzw. Kòsznajderii rozdzelelë sã òni na dwa grëpë: 1) midze Chòjnicama a Tëchòlą - pòmòrskojãzëczną; 2) na pôłnié òd Tëchòle - pòlskòjãzëczną (co téż nie je do kóńca prôwdą, bò tak jak w przëtrôfkù krôjeńsczi czë kòcewsczi mòwë òstało tam wiele pòmòrsczich znanków). Równak, na pòczątkù XX wiekù téż ta pierwszô grëpa sã jãzëkòwò spòlonizowała. Samo miono Bòrôk/Bòrowiôk mòże bëc baro stôré, a mòże nawetka je to òstałosc stôrégò plemiennegò miona.

Temù wedle mie kaszëbskòsc je nót òstawic jakno kwestëją swiądë (bò co mdze z Krëbanama, Zôbòrokama, żëjącyma na północ/nordze òd Bòrôków za XXX lat ?), przë rozkòscerzanim kaszëbsczé mòwë jakno prawégò jãzëka Pòmòrzónów.