Nie jidzë ò to, że corôz to mni Kaszëbów rozmiôje pò kaszëbskù bëlno gôdac, le że gwarë kaszëbsczi sã taczi wszelaczi, i że Kaszëbi z rozmajitëch starnów czasã nié mògą dogôdac. Niéch le taczi Kaszëba np. z Kalisza przëjedze piérwszy rôz do Pëcka i żlë òn przódë nie czëł bëlocczëzné, badze sã czëc jakbë bëł w cëzi starnie. Jo. I to je przëczëna wëszczaniégò sã z Kaszëbów rozmajitëch przëkãsników. Le wez jima terô wëdolmacze, że kaszëbizna nie mògła sã ùfòrmowac, jak pòlaszëzna, bez to że ją chcëlë cëzince znikwic, nie wpùscële ji do radija i telewizeji.

A żlë jidzë ò tëch, co rozmiôją pò kaszëbskù jakno tako pisac, nëch jesz nicht nié pòrechòwôł, le na gwës, wszëtcë bë mòglë wlézc do Katedry Òliwsczi. Jo. A dlôcz tak je, że nawetka dzecë nie chcą sã ùczëc pò kaszëbskù? Bò w dzysdniowym swiece je nót znac cëzi jãzëczi, przedewszëtczim anielsczi i miemiecczi. Ze znajôrztwa tëch jãzëków w przińdnoscë ti mlodi lëdzë mògã miec dëtczi. A co mòże jima dac kaszëbizna? Dotëchczôs wnetka nick òkróm satisfakcëjô. Dopiérze terôzku pòkôzalë sã nowi mòżlëwotë, taczi jak robòta w Radiu Kaszëbë, ùrządzë gminë czë nôdgrôdë dlô nôlepszëch maturzëstów.
Le niżle òni nôùczã sã pò kaszëbskù, szmergną to wszëtkò w nôrt i wëjadą na Zapôd.

A co z nama, co ju skùńczelë ùczba? Czë w tëm òbarchnialim kraju chtos mô dosc czasu, żebë ùczëc sã tak cãżcziégò pisenkù jak kaszëbsczi?
Mòże Të miôl ful wòlniégò, abò Të jes bar'zo pòjãtny, le ju sygnie tégò pòwtarzaniégò, że je nót pisac le pò kaszëbskù.