Do szwernota! Czë mie nie rozmiejeta?!
Nick procëm w'pani Sendlerowi, témie, 'niezłémù PR', 'pòkôzaniémù prôwdë swiatu' (haha) ë nawetk pòlaszëznie na w zôsadze kaszëbsczim fòrum. Na wszëtkò wa môta òdpòwiesc. Równak mie sã zdôwô, jëż brawãdë pò pòlskù je (nié leno tuwò) ju dosc (sóm bë rzekł za wiele) ë sygło!
Hasełka, hasełka, le pòtemù wszëtkò pò pòlskù... Dze sã na lubnô kaszêbskô szprôka zgùbi? Nawetka lëdze, jaczi rozmieją fejn pò kaszëbskù pisac ë gôdac, zrezygnowalë ë piszą tu wnetka leno pò pòlskù... Prôwda, Staszk? A jô sã pitajã dlôcze...? Dlôcze? Bò tak je wëgòdni? Abò nie wôrt?
Jô mieszkajã za greńcą Pòlsczi, na emigracëji, a nie wiém, jak móm mòtiwérowac swòjich drëchów do ùczeniégò sã kaszëbiznë, czej òni widzą (bò nie mògą nie widzec), jak ta kaszëbskô gôdka je pò gówno, bò nawetka ti 'działacze' sami midzë sobą w ni sã nie kòmùnicérëją (ë w terenie ji wnetczi nie czëc, abò jaczi tam akcent leno)... Szkòda. Tedë jô mëslã, że dzysô z tim kaszëbsczim jãzëkã to je leno taczi trik, jak przëwabic turistów do Pòmòrsczi? Abò co?! (Jô mëslã ë móm nôdzejã, że jidze ò wicy.)
(Waspani Sendler ë Peter wëbôczą òddaleniô sã òd témë - równak wiôlgą dzãkã za przënômni czile słowów pò kaszëbskù, Peter! )

Bądzta z Bògã!