Tobaka

„Dobrô je tobaczka…”
spiéwôł Ksawer młąc tobakã
a że miôł òn dobri szmak
piesniã spiéwôł w ritmie RAP:

„Krãc sã krãc, krãc sã wkół
Të jes elektriczny wół
Mëlión krãcków na minutã
Z młika dô tobaczną szrótã
Fejn ékbabą doprawionô
Szpirtã fëste òbwònionô
Mdze tobaczka jak nen miód
Richtisz ekspòrtowi cud!”

…

Chcôł Ksawerek fejn zarobic
Le mònopòl to państwòwi!

W sądze wszëtcë zażiwalë
Dowód winë rôd szmakalë
Sãdza w knérã wcygającë
Dôł Ksawrowi trzë miesące

----------------
zdrzë: www.zymk.net, www.belok.kaszubia.com