Strzébro

Môłczënié je złotã –
Gwës znajesz to zdanié
A jô, przék mądroscë
Chcã słëchac Twòjëch
W strzébro òblôkłëch
Lëpów plestaniô


Wëcmanizna

Białka bùksë noszi –
Feminystka wrzeszcza
A chłopi wëcmani
Wzérôjącë na niã
Tak jã pòdkôrbialë:
Ta cë mô bùksëszcza!


Wół

Swinia zabëła, jak prosëcã bëła –
Szkalowa na knura locha
A wół, co celątkã béł
Rozmarzony rzekł:
Jô bë téż chcôł
Bë mnie tak białka kòcha


Szczescé

Dëtk szczescô nie dôwô –
W ny ùdbie Reszka z Òrzłã żëlë
A gôłô biéda
Z pracharską nãdzą
Wespólno jima
Dëtuszczi mnożëłë

----------------
zdrzë: www.zymk.net, www.belok.kaszubia.com