Ceszã sã, że w kùńcu chtos òtemknął òczë kartëzónóm na jich historiã, abò że bënômni próbùje. Winszujã mądrégò pòzdrzatkù! Jô to czëtôł z wiôlgą redotą a téż ze smùtkiem. Z redotą temù, że chtos mësli dëcht tak jak jô. A ze smùtkiem, bò władza w Kartëzach je zajãtô czësto czims jinym i tak je ju dłudżé lata. Szkòda mie Kartuz, że ni mają szczescy do władzë.
Szkòda téż, że całô diskusjô zeszła na nômni wôżné sprawë - dze je stolëca Kaszëb. A kògò to òbchôdô? Do cze Kaszëbóm dopiérzô stolëca? Czë to je jaczi państwo? Czë mô swòjã władzã? Parlament? Prezydenta? Rząd? Jaczim prawem chtos decydëje dze je stolëca Kaszëbów? Kòżdi mòże so ùznawac za stolëcã Kaszëb, co chce. Królowô Kaszëb je w Swjónowie, tej mòże to bãdze stolëca? W całi ti diskùsji je za wiele namiészóné i lepi dac temù pòkù. Jak nama bãdze pòtrzébnô stolëca (w co wątpiã) to sã jã wëbierze.
Terô jidze ò to, żebë w zbùdzëc tich w Kartëzach! Lechù pòdôł wiele ùdbów. Niech le ti, co bierzą dëtczi za mëslenié ò przińdnoce Kartuz, wezną sã za robòtã, zanim nie bãdze za pózno