Taczich krómów, dze jidze kùpic bawełnowé kòszulczi, je wicy na Kaszëbach, le lëdze ni mają czasu za dëtka ë tëch prawie dëtków téż nié za wiele, bë tam prawie dojachac, a jesz cos kùpiac. Skòrno jô tuwò do Wajégò krómù ,,Allegro Molto’’ ju wszedł, zarô sã mùszã dolmaczëc, czemù chùtkò nie wëcygóm dëtków. Ma jesma doma le dwòje, a kòsulków z Kaszëbsczim Grifã mómë jaż piãc. Równak nama tak do kùńca sã òne nie widzą, kò ze dwùch jidze sczechlëc ne nié za piãkné Grifë. Nen nowi Grif je przejinaczony, je òdewstą òd jawernotë, kò mù skrzidła wërosłë nie z łopatków, jakno wszëtczima aniółkama czë òrzłama, leno ze - slôdka. Wiele piãkniészi je Grif z trëmë Aleksandra Majkòwsczégò - z ti stanicë, co jesz béł baro kaszëbsczi, bùszny, a téż nie tak dzywny. Pózni, pò II swiatowi wòjnie, bëłë dwa Grifë - znôw dosc dzywné: jeden béł ,,zëmny'', jakbë prost z gôrbnégò kama zdjãti; a nen drëdżi służëł czej klatôk (je widzec - mùszôł). Terô je nen Grif-òdewsta… (Béł kònkùrs na pòznakã Z K-P, le zrechòwóny na firmë a nié zwëczajnëch lëdzy; kò jô, jakno artista snôżich kùńsztów, co ju wnetk całé 30 lat malëje taczé znanczi, nijak bë so z taczim ùstôwã kònkùrsu nie pòradzył, prawie jakno szkólny, co ni mô wiôldżi warkòwnië.) Jem na to gwës, ëż Kaszëbsczi Grif, namalowóny tak wicy pò lëdzkù, béłbë czãscy kùpòwóny. Nalepczi z Grifã téż nie są fejn ze starą wëmùjkóné: nie są drëkòwóné na żôłti pleszënie (jakno przódë lat), téj chùtkò wëbladną; nie są fejn sztôłtné – òkòlné, òbiéżné czë jesz jinsze, le kańcaté czë – jesz gòrzi – z manowim dodôwkã. Na ałtół je nôlepszi taczi bez różków, co sã zarô nie òdriwô. Krótkò rzeczącë, co kaszëbsczé,mùszi bëc wiedno baro ùdałi – nôlepszé ! Téż są baro pòtrzébné wanożné kaszëbskò-ògłowé (żebë szło na taczim przedôwanim zarobic) krómë na kółkach, co sã mògą zwac - wezmë - ,,Remùsowima Karama’’, bë mògłë dojachac do kòżdi parafië na òdpùst, swiãta, òżniwinë czë zwëczajné niedzele. Jô dopiero mùszã so kùpic taką pòznakã Kaszëbski, le szkólnowie są wiedno ,,na lińcuchù’’ przë szkòle, czéj jaczés zadzéwné szczerze, a drëdżi dzysdnia wnetka téż, wezmë przedôwôczczi, ùrzãdownicë, séwarze czë chòdowacze. Dzecama w szkòle sã widzy nalepiwac Kaszëbsczé Grifë wew zesziwkach, le na wsach nijak ni mògą taczich kùpic. Ùczałi pòwiôdają, że w cos kòl 80% przëpôdków to dzecë przemògną starszich czë szkólnëch, dze rodzëzna abò wanożné karno mbdze jesc, a w Macdonaldach niżódnych kaszëbsczich sprawów sã nijak nie kùpi.
- Z Panã Jezëskã !!!