Strona główna forum Sprawë Proszę o pomoc- życzenia po kaszubsku |
Poprzedni wątek | Następny wątek |
Nadawca | Wątek |
---|---|
Klara |
wysłane dnia:
9.8.2008 22:43
|
Nie mogę oderwać się od tej strony! Zarejestrowany: 4.5.2005 z: Wiadomości: 165 |
Re: Proszę o pomoc- życzenia po kaszubsku Co to znaczy "czysty kaszubski" i o jakich "noworzeńców" chodzi, ale je napisałem tak:
Wieselné żëczbë na zdënk Dorotë z Szëmańsczich ë Miklosza z Borzëszków Jinszi niech pòdskacony z Parnasu wëszawë, Młodi pôrë prastarków òpisëje sprawë, Chtërnëch grobné ùsëpë trójno niosą żalbã, We krwie ùroszoné na tatczëznë chwalbã. Niech le mù Pegaz kótą drôwkò sztrofë skłôdô, Ë Bellonë robòtã w ùchò pòdpòwiôdô, Niech le Marsa òbspiéwô krëwawé dokôzë, Bò jô ò tim ni słowa nie rzekã tą razã, Dôwné to, zapisóné w stôrëch ksążkach dzeje, Ò jaczich mòżesz czëtac w gwiôzdach Kasjopeje, Jak stolëmné ë stôré bëłë Borzëszków zwënedżi, Ò tim ters nie mdã kôrbiac - niech pòwiôdô drëdżi, Szlachectwa bò ùżiwô ù nas nie òd wczora, Ta słôwnô familëjô co mia w czas Sambòra, Sztërë wiosczi, jeden zómk, karczmã ë mielnicã, W dobrach swòjëch na strëdze Kamnicë. Skąd jejich mióno sã bierze - opisëje Kanców, Jak pòwiôdôł mù jeden òd młodëch waspańców: - „bò rzeszą wielką swëch majątków mielë, Borzëszkami jich bracô szlachcëce przezwelë”. Mie dzisô mój Apollón, piesniodzeje piórã, Kôże pisac ò miełoce Miklosza do córë Czestnëch Szëmanowsczich, Dorotë co wierã Je nôpiakniészim kwiôtkã tu nad Liwë brzégã, Òna bò je skòpicą skôrbów rozëmnotë, Òd Bòga darowónëch za wialgòsc bëlnotë. Òbmëslnota, òbzérnosc z Junonë przëczënë, A piãknô na podobã bòsczi Ericynë. Nie je dzyw, że Miklosz strzéla Kùpida trafiony, Żôli sã òd miełotë czësto naskacony. Le w kùńcu czas ju wiôldżi na żëczbë wieselné, Co z serca Wama skłôdô karno drëchów wiérné. Niech Wóm wiedno gwiôzda ùdałoscë swiécy, A téż wërãkã miejtaż z trójnëch swòjëch dzecy. Niech na wieczné czasë służi Wama zgòda, A czej to ju bãdze, Pón Bóg dëtków dodô. Jô Zoszka òd Bòbrowsczich, rzekã Wama smiele: Czej mdze Pan Bóg z Wama - Wszëtko mdzeta miele! Kwidzëno, 8 zelana 2008 rokù. |
Poprzedni wątek | Następny wątek |
Temat: | Nadawca | Data |
---|---|---|
Proszę o pomoc- życzenia po kaszubsku | AnetaB | 9.8.2008 8:45 |
» Re: Proszę o pomoc- życzenia po kaszubsku | Klara | 9.8.2008 22:43 |
Re: Proszę o pomoc- życzenia po kaszubsku | slowk | 10.8.2008 21:24 |
Re: Proszę o pomoc- życzenia po kaszubsku | AnetaB | 12.8.2008 8:58 |