Fardich na wprowadzenié kaszëbiznë do TV czë żëcégò to më jesmë, gwësno słowizna ju je, ale czë sómi Kaszëbi richtich chcą ti kaszëbiznë w TV a żëcym? Bò, że Pòlôsze nie mdą chcelë to widzec je pò dopòwiescach chòcbë w tim pòrtalu co môsz gò nama przedstawiony, a przënômni dzél tëch Pòlôchów nie lëdô ti ùdbë. Czekawi mie co równak ò tim mëszlą sómi Kaszëbi? Le tak czë sak, na tim pòrtalu nie dostóniemé na to òdpòwiescë, bò piszą tu le personë chtëne cos dla ti kaszëbiznë (pòmòrsczyznë, môlowiznë) chcëlë bë zrobic - głosu "zwëkòwëch" Kaszëbów nicht nie czëje

Jô napiszã tak, żelë jô bë miôł taką mòżlëwòtã wzéraniô na kaszëbską TV z dokùmentama, filmama, wiadłama (scerpiã nawet jeżlë bãdze tam jedna msza na tidzeń) - jô bë nawetka za to płacëł (rozsądné) dëtczi. Ale chto bë miôł chãc (ë sëłã) to robic? A tak òstôwô nama wzérac na 20 min. kaszëbsczich programów w TV3 Żebë nie bëło - dzãka wiôldzé wastnie Ani Cupie ë wasce Eugeniuszowi Prëczkòwsczémù za jich robòtã - to m.jin. dzãka waji robòce wiele lëdzy chce a mòże pòznac kaszëbsczi jãzëk.