W pòniedzôłk 1 maja ò 7 wieczór karno Radia Kaszëbë serdzeczno rôczi na pòstãpną programã "Kaszëbë" w TVP 3. Co stoji na zôwadze wprowadzeniémù dëbeltnëch nôzwów môlëznów w gminie Przedkòwò? Dlôcze w nôbarżi kaszëbsczi gminie (wedle òglowégò spisënkù z 2002 rokù) kaszëbsczi jãzëk nie je pòmòcnym jãzëkã? Wëdolmaczi sã z negò przédnictwò gminë, a z radą jima przińdze wójt Parchòwa, mòdłowi gminë, jakô wëzwëskiwô ùstôw ò nôrodnëch ë etnicznëch miészëznach a òbéńdowim jãzëkù.

Kaszëbi ju kruszą rãce! Majewim wékeńdã rozpòczną sezón, jaczi przëcygnie na kaszëbską zemiã ùrmë turistów, a razã z tim bëlny zwësk. Co zachãcywô cëzyńca do òdwiedzëniégò Kaszëb ë co zrobic, żebë rôd przëjachôł nazôt - ò tim rzeką turisticzny pòdjimcowie.

Piosnka "Mój tatkò kùpił kòzã" we wersëji karna C.Z.A.D, to ju mùzycznô rewòlucëjô na Kaszëbach czë mòże zwëczajny proces. Ò tim doznôta sã w programie "Kaszëbë", w pòniedzôłk 1 maja ò 7 wieczór.

PROGRAMA NIÉ Z NAJI WINË MDZE PÒ PÒLSKÙ